NEHEMIA 2:15 - BIVHILI KHETHWA Mafhungo Madifha

¹⁵ Ndi hone ndi tshi tsela Govhani ḽa Kidroni vhusiku, ndi tshi khou tandula mutsheṱo. Nda konou huma nga nḓila ye nda ḓa ngayo, nda vhuelela muḓini nda dzhena nga Khoro ya Govha.

NEHEMIA 2:15 Iomraidhean Croise

2 SAMUELE 15:23

Vhathu vhoṱhe na vhoṱhe vha dzulaho muḓini vha lila musi vhathu vha Dafita vha tshi fhira. Khosi ya wela mulambwana wa Kidroni, na vhathu vhoṱhe vha tevhela vha livha phangani.

2 KORONIKA 26:9

Uzia a fhaṱa dzithawara Jerusalema Khoroni ya Khuḓa na Khoroni ya Govha na khuḓani ya mutsheṱo, a dzi khwaṱhisa.

NEHEMIA 2:16

A hu na na muthihi wa vhahulwane we a ḓivha he nda vha ndo ya hone kana zwe nda vha ndi tshi khou ita. Ndo vha ndi sa athu zwi vhudza na muthihi wa Majuda vha hashu – vhotshifhe kana vharangaphanḓa kana vhahulwane, kana muṅwe-vho we a vha a tshi ḓo farisa u shuma uyo mushumo.

NEHEMIA 3:13

Hanunu na vhadzulapo vha muḓi wa Zanua vha vusa Khoro ya Govha. Vha kwea dzigethe, vha longa khoṋo na tswinga, vha vusa mutsheṱo tshikhala tshi no ita mitha dza 440, u vhuya u swika Khoroni ya Mupfudze.

JOHANISI 18:1

Yesu a ri u fhedza u amba a bva na vhafunziwa vhawe vha wela kudambwana kwa Kidroni. Henefho ho vha hu na tsimu ya mitshelo; vha swika vha dzhena ngomu.