NEHEMIA 2:14 - BIVHILI KHETHWA Mafhungo Madifha

¹⁴ Zwino vhubvaḓuvha ha muḓi nda livha thungo ya devhula ndi tshi ya Khoroni ya Tshisima na Dzivhani ḽa Khosi. Donngi ye nda vha ndo i namela ya si tsha kona u wana muzwila wa u fhira.

NEHEMIA 2:14 Iomraidhean Croise

2 MAHOSI 18:17

Khosi ya Ashuru a ruma mmbi khulu i tshi bva Lakhishi i tshi yo dia khosi Hiskia e Jerusalema, i na mulangammbi wawe muhulu na gota ḽawe ḽihulwane na muḓinḓa muhulwane. Vha swika Jerusalema, vha ima tsini ha mugero une wa bva ishani ḽa nṱha, hu shumaho vhaluki vha masila.

2 MAHOSI 20:20

Mafhungo maṅwe a Hiskia na zwoṱhe zwa vhuhali hawe na zwe a fhaṱa damu ḽa u vhulunga maḓi a bwa na mugero wa u ḓisa maḓi muḓini, o ṅwalwa buguni ya Histori ya Mahosi a Juda.

2 KORONIKA 32:30

Khosi Hiskia ndi ene we a thivha mulonga wa nṱha wa tshisima tsha Gihoni, a livhisa maḓi vhukovhela ha Muḓi wa Dafita. Zwoṱhe zwe a ita zwo mu nakela.

NEHEMIA 12:37

Vha tshi swika Khoroni ya Tshisima vha gonya zwiṱepisi zwi no livha Muḓini wa Dafita zwi tshi fhira pfamo ya Dafita zwa humela mutsheṱoni Khoroni ya Maḓi, thungo ya vhubvaḓuvha ha muḓi.

NEHEMIA 3:15

Shalumu ṅwana wa Kholohose, muvhusi wa dzingu ḽa Mitsipha, a vusa Khoro ya Tshisima. A fulela muṋango, a kwea dzigethe, a longa khoṋo na tswinga. Dzivhani ḽa Shela a fhaṱa mutsheṱo tsini ha tsimu ya musanda, u vhuya u swika zwiṱepisini zwine zwa tsela fhasi zwi tshi bva Muḓini wa Dafita.

NEHEMIA 3:16

Nehemia ṅwana wa Asibuku, muvhusi wa hafu ya dzingu ḽa Bethe Tsuru, a vusa tshipiḓa tsho vhandekanaho na itsho, u swika tshaloni tsha Dafita na damu na nnḓu ya vhahali.

MUFUNZI 2:6

nda ita mihuvhi ya u i sheledza, ha tou takuwa miri i si na vhukono.