NEHEMIA 2:10 - BIVHILI KHETHWA Mafhungo Madifha

¹⁰ Hone Sanibalati wa Horoni, na Tobia gota ḽa dzingu ḽa Amoni, vha zwi pfa uri ho swika muthu a no ḓo ita uri zwi nakele Vhaisraele, zwa vha dina nga maanḓa.

NEHEMIA 2:10 Iomraidhean Croise

NEHEMIA 13:1

Musi Mulayo wa Mushe u tshi vhalelwa vhathu vhoṱhe vha tshi thetshelesa, vha swika kha kupiḓa kuḽa kune kwa ri Muamoni kana Mumuaba ho ngo tendelwa u ḓibaḓekanya na vhathu vha Mudzimu.

NEHEMIA 13:28

Joyada o vha e ṅwana wa tshifhe muhulu Eliashibi, hone ṅwana wa Joyada a dzea ṅwananyana wa Sanibalati, wa Bethe Horoni, ndi zwe nda thatha Joyada Jerusalema.

NEHEMIA 13:4

Tshifhe Eliashibi, we a vha e ene mulangi wa nnḓu dza u vhulungela thundu thembeleni ya Mudzimu washu, o vha e shaka ḽa Tobia.

NEHEMIA 2:19

Musi Sanibalati wa Horoni, na Tobia gota ḽa Amoni, na Gesheme muhulwane wa Vhaarabia vha tshi pfa zwe ra vha ri tshi khou dzudzanya u zwi ita, vha ri goḓa vha ri, “Ndi zwithu-ḓe zwine na khou ita? Kani-ha ni khou ṱoḓa u shandukela khosi?”

NEHEMIA 4:7

Sanibalati na Tobia na vhathu vha Arabia na Amoni na Ashidodo vha pfa uri ri khou isa phanḓa u vusa mutsheṱo wa Jerusalema na uri hoṱhe he mutsheṱo wa pwashiwa hu khou valiwa, zwa vha sinyusa nga maanḓa.

NEHEMIA 6:1

Sanibalati na Tobia na Gesheme wa Muarabia na vhaṅwe maswina ashu vha zwi pfa uri ro fhedza u vusa mutsheṱo na uri a hu tshee na ho piḓimuwaho, naho ro vha ri sa athu kwea dzigethe miṋangoni.

NEHEMIA 6:16

Musi maswina ashu a tshakha dzo ri tangaho a tshi zwi pfa, vha kulea nungo, nge vha vha vha tshi zwi ḓivha uri uyo mushumo wo shumiwa nge Mudzimu a ri farisa.

ESTERE 10:3

Maradokai wa Mujuda o vha e kha tshiimo tsha vhuvhili nga vhuhulwane, a tshi tou fhirwa nga khosi Serekesese ene muṋe fhedzi. O vha a tshi huliswa nahone a tshi funwa nga Majuda. O vha a tshi shumela uri vha hawe vha wane zwivhuya na uri vhaḓuhulu vhavho vhoṱhe vha tsireledzee.

DZIPHISALEMA 112:10

Muvhi u ḓo ri u zwi vhona, zwa mu dina, a shenganya maṋo nga mbiti, a fhelela. Zwe muvhi a zwi lavhelela a zwi nga vuwi zwo itea.

MIRERO 27:4

Mbiti dzi na tshiṱuhu; u sinyuwa ndi muḓalo wa maḓi, u a kumba; vivho ḽone ḽi nga konḓelelwa nga nnyi?

MIRERO 30:22

ndi phuli i tshi vho vha khosi, ndi tsilu ḽi tshi ḽa ḽa fura,

MUFUNZI 10:7

nda vhona phuli dzo namela bere, vhavhusi vha tshi tshimbila nga milenzhe unga dziphuli.

YESAYA 15:5

Mbilu yanga i lilela Muaba; ḽi nga kholomo ya miṅwaha miraru i sa tendi u hwala dzhogo, i vho shavha ya vhuya ya swika Tsuara; vha gonya mabama vho livha Luhithi, vha tshimbila vha tshi lila; vhaṅwe vha shavhela Horonaimi vha tshi tou gomela nga u vhona ndozwo.

JEREMIA 41:10

Ishmaele a thuba vhathu vhoṱhe vhe vha vha vhe Mitsipha – vhananyana vha khosi khathihi na vhathu vhoṱhe vhe vha vha vho sala henefho, vhe Nebusaradani mulangammbi a vhea Gedalia ṅwana wa Ahikamu uri a vha vhuse. Ishmaele ṅwana wa Nethania a vha thuba, a fara lwendo uri a pfukele ha Vhaamoni.

JEREMIA 48:34

“Mukosi wa tshililo tshavho u a hulela, u ṱavhiwa Hesheboni wa pfala Eliali na Jahatsi, wa ṱavhiwa Tsuara wa pfala Horonaimi na Eligathi Shelishiya. Na maḓini a Nimirimu muḓi wo phusukanywa.

JEREMIA 48:5

Vho fara nḓila ya Luhithi, vha enda vha tshi tswimila lu ṱungufhadzaho; nḓilani i no tsela Horonaimi hu pfala zwililo zwa vhuṱungu hu tshi lilelwa iyo ndozwo.

MISHUMO 4:2

Vhenevha vho vha vho dinalea nge avho vhaapostola vha vha vha tshi khou funza vhathu uri Yesu o vuswa vhafuni, ha vha u funza uri vhafu vha a vuwa.

MISHUMO 5:24

Mulangammbi wa maswole a u linda thembele na vhotshifhe vhahulwane vha tshi pfa zwenezwo vha kanuka vha ri, “Izwi zwithu zwi ḓo guma ngani?”