NEHEMIA 2:1 - BIVHILI KHETHWA Mafhungo Madifha

¹ Ngavhuya ho no fhela miṅwedzi miṋa, nga ṅwedzi wa Nisani, muṅwe musi khosi Arithakhesese a tshi khou swiṱula, nṋe nda dzhia waini nda mu ṋekedza. O vha a sa athu vhuya a mmbona ndo ṱungufhala nga u ralo,

NEHEMIA 2:1 Iomraidhean Croise

GENESI 40:11

Ndo vha ndo fara tshinwelo tsha Farao, nda dzhia idzo nḓirivhe nda dzi hamulela tshinweloni tsha Farao, nda mu ṋekedza a ṱanganedza.”

GENESI 40:21

A vhuedzedza ndumi khulwane mushumoni wayo, ya dovha ya ṋekedza Farao tshinwelo a ṱanganedza,

ESRA 4:7

Musi hu tshi vhusa Arathakhesese khosi ya Pheresia, Bishilamu na Mithiredathi na Tabiele na khonani dzavho dzoṱhe vha ṅwalela Arathakhesese luṅwalo. Ulwo luṅwalo lwo ṅwalwa nga kuṅwalele kwa Tshiaramu na nga luambo lwa Tshiaramu.

ESRA 7:1

Musi izwo zwo no fhira, musi hu tshi vhusa Arathakhesese khosi ya Pheresia, ho vha hu na munna a no pfi Esra ṅwana wa Seraya, wa Azaria, wa Hilikia,

ESRA 7:7

Vhaṅwe Vhaisraele, vhotshifhe na Vhalivi na vhaimbi na vhalindi vha khoro na vhashumi vha thembeleni, na vhone vha gonya Jerusalema vha tshi bva Babele nga ṅwaha wa vhuṱanu na vhuvhili wa Arathakhesese.

NEHEMIA 1:1

Haya ndi mafhungo a Nehemia ṅwana wa Hakhalia. Nga ṅwedzi wa Khisilevi nga ṅwaha wa 20 Arithakhesese a tshi vhusa Pheresia, nṋe Nehemia ndo vha ndi musanda Shushani.

NEHEMIA 1:11

Zwino Muṋe wa zwoṱhe, thetshelesa thabelo yanga na thabelo dza vhaḓinḓa vhau vhoṱhe vhane vha takalela u u hulisa. Ita uri zwi nnakele ṋamusi, u ite uri khosi hei i ntakalele.” Ndi uri misi iyo ndo vha ndi ndumi i ṋekedzaho khosi tshinwelo tsha waini.

ESTERE 3:7

Nga ṅwaha wa 12 wa muvhuso wa khosi Serekesese, nga ṅwedzi wa u ranga, ṅwedzi wa Nisani, Hamani a ri hu itwe madeṅwa (o vha a tshi pfi “phurimi”) uri hu wanale ḓuvha na ṅwedzi wo teaho uri a kone u bveledza tshimbevha tshawe. Deṅwa ḽa wela kha ḓuvha ḽa 13 ḽa ṅwedzi wa 12, ṅwedzi wa Adara.

DANIELE 9:25

“Tsha ndi dovhe ndi ṱalutshedze u zwi pfese: U bva tshifhinga tshine ha ḓivhadzwa ha pfi ni hume ni vuse Jerusalema hu vhuye hu ḓe murangaphanḓa we a nangwa nga Mudzimu, hu ḓo fhela miṅwaha miṱanu na mivhili i tshi vhalwa kaṱanu na kavhili. Jerusalema u ḓo vuswa wa vha na mikoto na mitsheṱo yo khwaṱhaho, wa ima wa fhedza miṅwaha ya 62 i tshi vhalwa kaṱanu na kavhili hone hetsho tshi ḓo vha tshifhinga tsha mufhirifhiri.