NEHEMIA 13:5 - BIVHILI KHETHWA Mafhungo Madifha

⁵ O vha o tendela Tobia a tshi dzula kamarani khulu ye ya vha i ya u vhulunga nduvho dza mavhele fhedzi na zwioro na thundu dzi shumiswaho thembeleni na nduvho dza vhotshifhe na tshafumi tsha mavhele na waini na mapfura a muolivi ane a ṋewa Vhalivi na vhaimbi vha thembeleni na vhalindathembele.

NEHEMIA 13:5 Iomraidhean Croise

2 KORONIKA 31:11

Khosi Hiskia a bvisa ndaela ya uri hu lugiswe fhethu ha u vhulungela thundu thembeleni ya Muṋe washu, nangoho zwa itiwa.

2 KORONIKA 34:11

Iṅwe vha ṋea vhavhaḓi na vhafhaṱi uri vha renge matombo o vhaḓiwaho na matanda a phuphu dza nnḓu dze mahosi a Juda a dzi litsha dzi tshi vha matumba.

NEHEMIA 10:36

Tanzhe ḽa muṅwe na muṅwe washu ḽa mutuka ḽine ḽa bebwa ri ḓo ḽi isa ha vhotshifhe thembeleni, henefho ri ḓo mu ṋekedza Mudzimu, ri tshi tevhedza zwo ṅwalwaho Mulayoni. Ra dovha ra ṋekedza na ṋamana ine ya ranga u dzwaliwa nga kholomo iṅwe na iṅwe yashu, na ngwana ya u ranga kana mbudzana ya u ranga.

NEHEMIA 10:37

“Ṅwaha muṅwe na muṅwe ri ḓo dzhia bwindi ḽa zwiḽiwa zwa u thoma zwe ra kaṋa ra isa ha vhotshifhe thembeleni ya Mudzimu washu khathihi na dziṅwe nduvho dzashu dza waini na mapfura a muolivi na tshakha dzoṱhe dza mitshelo. “Vhalivi ri ḓo vha isela tshafumi tsha zwine ra lima masimuni ashu, ngauri Vhalivi ndi vhone vhane vha bviselwa tshafumi miḓanani yoṱhe hune ha limiwa.

NEHEMIA 10:38

Vhotshifhe vhane vha vha vha lutsinga lwa Aroni vho fanela u vha vhe na Vhalivi musi hu tshi bviswa tshafumi, Vhalivi vho fanela u dzhia tshafumi kha zwafumi zwoṱhe zwe zwa bvisiwa, tshi tshi dzhiwa kha tshisiku tsha thembele, tshi shumiswe thembeleni ya Mudzimu washu.

NEHEMIA 12:44

Tshifhinga tshenetsho ha vhewa vhanna uri vha linde nnḓu dza mbulungelo, he ha vha hu tshi vhewa zwo bviselwaho thembele, khathihi na tshafumi na mavhele a u ranga na mitshelo ine ya vhibva ṅwaha nga ṅwaha. Havho vhanna vho vha vha tshi kuvhanganya zwo liṅwaho tsini ha miḓi yo fhambanaho zwi bviselwaho vhotshifhe na Vhalivi zwo ṅwalwaho Mulayoni. Vhathu vhoṱhe vha Juda vho vha vha tshi takalela vhotshifhe na Vhalivi,

NEHEMIA 13:7

nda vhuelela Jerusalema. Ndi tshi swika hone nda vhona vhuvhi ha Eliashibi a tshi tendela Tobia uri a dzule kamarani ya thembele.

ESEKIELE 40:38

Ho vha hu na rumu i na muṋango, ye muthu a vha a tshi dzhena khayo a tshi bva guḓani ḽa dzikhoro. Henefho ho vha hu tshi ṱanzwiwa zwiṱhavhelo zwi fhiswaho.