NEHEMIA 13:25 - BIVHILI KHETHWA Mafhungo Madifha

²⁵ Nda kaidza avho vhanna, nda vha teketela, vhaṅwe nda tou vha rwa nda vha tupula na mavhudzi. Nda ita uri vha ane nga dzina ḽa Mudzimu uri vhone kana vhana vhavho a vha tsha ḓo dovha vha dzetshelana na vhatsinda.

NEHEMIA 13:25 Iomraidhean Croise

2 MAHOSI 2:24

Elisha a rembuluwa, a vha lavhelesa, a vha teketela nga dzina ḽa Muṋe washu. Zwenezwo ha mbo ḓi ḓa biara mbili dzi tshi bva ḓakani, dza ponda vhatukana vha 42.

ESRA 10:5

Ndi hone Esra a tshi takuwa a anisa vharangaphanḓa vha vhotshifhe na Vhalivi na Vhaisraele vhoṱhe uri vha ite zwe zwa ambiwa. Vha ana.

ESRA 7:26

Ane a si thetshelese mulayo wa Mudzimu wau na mulayo wa khosi u ḓo lifhedzwa nga tshiṱuhu: u ḓo vhulawa kana a thathiwa kana a dzhielwa thundu kana a hoṋelwa dzhele.”

NEHEMIA 13:11

Nda kaidza vhakoma nge vha litsha thembele i tshi ṅaledziwa. Nda ya nda dzhia Vhalivi na vhaimbi nda vha vhuedzedza mishumoni yavho.

NEHEMIA 13:17

Nṋe nda kaidza vharangaphanḓa vha Majuda nda ri, “Edzonu vhona vhuvhi vhune na ita! Ni khou ita uri Sabatha i si tsha vha khethwa.

NEHEMIA 13:24

Hafu ya vhana vhavho vho vha vha tshi amba luambo lwa Ashidodo kana luambo lwa luṅwe lushaka, vha sa koni u amba Tshijuda.

NEHEMIA 5:13

Nda ita na u ukhutha phendelo dza khanzu yanga nda ri, “Mudzimu u ḓo ukhutha munna muṅwe na muṅwe nga u ralo, ane a si ite zwe a fulufhedzisa. Mudzimu u ḓo ni dzhiela nnḓu dzaṋu na zwoṱhe zwine na vha nazwo, a ni sia ni si na tshithu.” Tshivhidzo tshoṱhe tsha ri, “Amen!” vha renda Muṋe washu. Vhathu vha ita zwe vha fulufhedzisa.

NEHEMIA 5:6

Ndi tshi pfa vha tshi lila nga u ralo, nda sinyuwa zwihulu

DZIPHISALEMA 119:53

Ndi tou nga ndi sa balea ndi tshi vhona vhavhi vha tshi nyadza mulayo wau.

DZIPHISALEMA 15:4

Vho landulwaho nga Mudzimu ú a vha nyadza, tshawe ndi u hulisa vha ofhaho Muṋe washu, zwe a amba u a zwi ita, naho zwi tshi vho konḓa.

EKISODA 34:16

Vhana vhaṋu vha nga ḓo dzea vhasadzi havho vha vhatsinda, vha vha ita uri vha ntshandukele, vha luvhe midzimu yavho ya vhuaḓa.

MIRERO 28:4

Vhane vha nyadza mulayo vha khoḓa muvhi; vha no u vhulunga vhone vha lwa nae.

YESAYA 50:6

Vhane vha nthwa ndo vha ṋekedza muṱana wanga, vhane vha ntupula ndebvu nda vha ṋekedza ṱhaha; vha tshi nkolela, vha tshi mpfela mare, a tho ngo vhuya nda pila tshifhaṱuwo.

DOTORONOMIO 6:13

tshau hu vhe u hulisa Muṋe washu Mudzimu wau, u shumele Ene, u tshi ana u ane nga dzina ḽawe.

DOTORONOMIO 7:3

Ni songo dzetshelana navho,

JOSHUA 23:12

Arali na mu shandukela, na ḓibaḓekanya na tshakha dzine dza kha ḓi vha vhukati haṋu, na dzetshelana navho,