NEHEMIA 13:23 - BIVHILI KHETHWA Mafhungo Madifha

²³ Ḽiṅwe ḓuvha nda wana uri vhanna vha na tshivhalo vha Majuda vho dzea vhasadzi vha no bva Ashidodo na Amoni na Muaba.

NEHEMIA 13:23 Iomraidhean Croise

1 MAHOSI 11:1

Khosi Solomoni o funa vhasadzi vhanzhi vha vhatsinda, hu sa vhaliwi na ṅwananyana wa Farao. O dzea vhasadzi vha Vhamuaba na Vhaamoni na Vhaedomo na Vhasidoni na Vhahithi –

ESRA 10:10

Zwenezwo Esra ene tshifhe a takuwa a vha vhudza a ri, “No shandukela Mudzimu na dzea vhasadzi vhasili, u ralo ha vha u engedza mulandu wa Israele.

ESRA 10:44

Vhoṱhe havho vho vha vho dzea vhasadzi vha vhatsinda; vho vha ṱala vha vha ṱuwisa na vhana vhavho.

NEHEMIA 10:30

“Riṋe a ri nga dzetshelani na vhatsinda vha no dzula shangoni ḽashu.

NEHEMIA 10:31

“Arali vhatsinda vha ḓisa mavhele kana tshiṅwe-vho vha tshi ri vha ri rengisele nga Sabatha kana nga ḽiṅwe ḓuvha ḽikhethwa, a ri nga rengi khavho. “Ṅwaha muṅwe na muṅwe wa vhuṱanu na vhuvhili a ri nga limi masimu, na milandu i a thuthiwa.

NEHEMIA 13:1

Musi Mulayo wa Mushe u tshi vhalelwa vhathu vhoṱhe vha tshi thetshelesa, vha swika kha kupiḓa kuḽa kune kwa ri Muamoni kana Mumuaba ho ngo tendelwa u ḓibaḓekanya na vhathu vha Mudzimu.

NEHEMIA 13:24

Hafu ya vhana vhavho vho vha vha tshi amba luambo lwa Ashidodo kana luambo lwa luṅwe lushaka, vha sa koni u amba Tshijuda.

NEHEMIA 13:27

Zwino ri vho pfa na inwi ni tshi ita vhuvhi honoho vhungafho, na shandukela Mudzimu washu nga u dzea vhasadzi vha vhatsinda?”

NEHEMIA 4:7

Sanibalati na Tobia na vhathu vha Arabia na Amoni na Ashidodo vha pfa uri ri khou isa phanḓa u vusa mutsheṱo wa Jerusalema na uri hoṱhe he mutsheṱo wa pwashiwa hu khou valiwa, zwa vha sinyusa nga maanḓa.

EKISODA 34:11

Thetshelesa milayo ine nda u ṋea ṋamusi. Ndi ḓo thatha Vhaamori na Vhakanana na Vhahithi na Vhapherisi na Vhahivi na Vhajebusi vha ni shavha.

2 VHAKORINTA 6:14

Ni songo kokodza nga dzhogo nthihi na vha si vhatendi. Muvhuya na muvhi vha nga pfana hani? Tshedza tshi na vhuthihi-ḓe na swiswi?

DOTORONOMIO 7:1

“Yahavee Mudzimu waṋu u ḓo ṱuwa a tshi ni swikisa shangoni ḽe na livha khaḽo uri a ni ṋee ḽone ḽi vhe ḽaṋu. U ḓo pandela tshakha nnzhi vha ni shavha – Vhahithi na Vhagirigashi na Vhaamori na Vhakanana na Vhapherisi na Vhahivi na Vhajebusi – tshakha ṱhanu na mbili dzine dza ni fhira nga u anda na nga maanḓa.

RUTE 1:4

Vhenevho vho dzea vhasadzi vha Vhamuaba, Oripa na Rute. Vha dzula Muaba ha fhela miṅwaha ine ya nga swika fumi,

1 SAMUELE 5:1

Musi Vhafilista vho no thuba mbulungelo ya Mudzimu Ebenezere, vha i hwala vha i isa Ashidodo,