NEHEMIA 13:22 - BIVHILI KHETHWA Mafhungo Madifha

²² Nda vhudza Vhalivi uri vha ḓikumulule, vha ṱuwe vha yo linda dzikhoro uri Sabatha i itwe khethwa. Mudzimu wanga, nnyelelwe na nga zwenezwi-vho, u nkhathutshele ngauri u na lufuno luhulu!

NEHEMIA 13:22 Iomraidhean Croise

2 MAHOSI 20:3

“Yawee Muṋe washu, edzou elelwa zwe nda u shumela ndi tshi fulufhedzea, ndó ḓikumedza Iwe nga mbilu yoṱhe, ndi tshi ita zwi u takadzaho.” Hiskia a lila lu ṱungufhadzaho.

2 MAHOSI 23:4

Khosi ya laya tshifhe muhulu Hilikia na vhotshifhe vha mu tevhelaho nga vhuimo, na vhalindamuṋango, uri hafho thembeleni ya Muṋe washu vha bvise zwithu zwoṱhe zwa Baali na Ashera mudzimu wa musadzi, na zwa masambi oṱhe a ṋaledzi. Khosi ya dzhia zwithu izwo ya zwi fhisa nnḓa ha muḓi wa Jerusalema mudavhini tsini ha govha ḽa Kidroni, ya hwala milora yazwo ya isa Bethele.

2 KORONIKA 29:24

Ndi hone vhotshifhe vha tshi ṱhavha idzo mbudzi, vha isa malofha adzo kha aḽiṱari ya tshiṱhavhelo uri a pfumelele Vhaisraele vhoṱhe, nge khosi ya vha yo vha laya ya ri hu ṋekedzwe tshiṱhavhelo tshi fhiswaho na tshiṱhavhelo tsha tshipfumelo zwi tshi itelwa Vhaisraele vhoṱhe.

2 KORONIKA 29:27

Hiskia a bvisa ndaela ya uri aḽiṱarini hu ṋekedzwe tshiṱhavhelo tshi fhiswaho. Musi vha tshi thoma u ṋekedza, vhathu na vhone vha thoma u renda Muṋe washu nga nyimbo, hu tshi lila dziphalaphala na zwilidzo zwa Dafita khosi ya Israele.

2 KORONIKA 29:30

Khosi Hiskia na vhakoma vhawe vha vhudza Vhalivi uri vha rende Muṋe washu nga nyimbo dza Dafita na dza muvhoni Asafu; Vhalivi vha mbo renda vho takala, vha konou gwadama vha rabela.

NEHEMIA 12:10

Joshua o vha khotsi a Joyakimu, Joyakimu a vha khotsi a Eliashibi, Eliashibi a vha khotsi a Joyada,

NEHEMIA 12:30

Vhotshifhe na Vhalivi vha ḓikumulula vha kumulula na lushaka na dzikhoro na mutsheṱo wa muḓi.

NEHEMIA 13:14

Mudzimu wanga, elelwa zwithu hezwo, u songo hangwa zwe nda itela thembele yau na nduvho dzayo.

NEHEMIA 13:31

Nda dzudzanya uri hu reḓwe khuni dza u honza musi hu tshi fhiswa zwiṱhavhelo uri dzi ḓiswe nga zwifhinga zwo teaho, na uri vhathu vha ḓise nduvho dzavho dza zwiranzhe. Mudzimu wanga, elelwa zwe nda ita u nnyitele vhuthu!

NEHEMIA 5:19

Yawee Mudzimu wanga, u songo nkhangwa, elelwa zwoṱhe zwe nda tonda vhathu havha.

DZIPHISALEMA 130:7

Israele, fulufhelani Muṋe washu. Lufuno lwa Muṋe washu a lu dzinginyei; Ene u vhofholola tshoṱhe.

DZIPHISALEMA 5:7

Hone nṋe nga vhuthu hau ndi ḓo dzhena nḓuni yau, nda gwadama nda fhelela nga u ofha Iwe ndó livhana na thembele yau khethwa.

DZIPHISALEMA 51:1

Mudzimu, nkhathutshele, hufha lufuno lwau lu sa dzinginyei. Tshilidzi tshau hufha tshi tshihulu, ṱanzwa vhutshinyi hanga;

YESAYA 38:3

“Muṋe washu, edzou elelwa uri ndo u shumela ndi tshi fulufhedzea nga mbilu yoṱhe, ndi tshi ita zwine wa zwi funa!” A thoma u lila lwa u ṱungufhadza.

YESAYA 49:23

Mahosi a ḓo u lelela vhana, vhafumakadzi vhavho vha u mamisela vhushie; vha ḓo u gwadamela, zwifhaṱuwo zwavho zwa kwama mavu, vha ṋanzwa buse ḽi re kha ṋayo dzau. Ndi hone u tshi ḓo ḓivha uri ndi Nṋe Yahavee; vha no mpfulufhela a vha nga shoni.”

YESAYA 55:7

Vhavhi nga vha litshe nḓila dzavho, vhatshinyi vha laṱe mihumbulo yavho mivhi, vha humele ha Muṋe washu, u ḓo vha khathutshela, Mudzimu washu u ḓo vha hangwela tshoṱhe.

2 VHAKORINTA 1:12

Tshine ra zuwa ndi tshithihi asitshi: ngomu mbiluni dzashu ri ḓivha uri kutshilele kwashu fhano shangoni kwo vha ku si kwa tshidzumbe na vhufhura, kwo vha ku tshi sumbedza u fulufhedzea hune ha bva ha Mudzimu, zwihulu kha u tshilisana hashu na inwi. Hezwo a zwo ngo bva kha vhuṱali ha vhathu, vhu tou vha vhuthu ha Mudzimu.

DOTORONOMIO 5:12

“ ‘Hulisa ḓuvha ḽa Sabatha u ḽi ite ḽikhethwa unga Yahavee Mudzimu wau o u laya.