NEHEMIA 13:2 - BIVHILI KHETHWA Mafhungo Madifha

² Izwo zwo pfalwo nge vhathu vha Amoni na Muaba vha dzima Vhaisraele zwiḽiwa na maḓi zwiḽa vhe lwendoni vha tshi bva Egipita, vha vhuya vha renga Biliamu uri a teketele Vhaisraele. Mudzimu washu o tou shandukisa uho u teketelwa ha vha mashudu.

NEHEMIA 13:2 Iomraidhean Croise

DZIPHISALEMA 109:28

Vha litshe vha teketele, tenda Iwe u tshi ntshudufhadza. Vha tshi mmvutshela vha shonise, nṋe mulanda wau ndi takale.

MIKA 6:5

Vhathu vhanga, elelwani vhunwa he Balaka khosi ya Muaba a ni lukela, ni elelwe na phindulo ya Biliamu ṅwana wa Bioro. Elelwani zwo iteaho lwendoni lwaṋu ni tshi bva mushashani wa Shitimu ni tshi ya Giligala, uri ni kone u ḓivha mishumo mivhuya ya Yahavee.”

NUMERI 23:18

Biliamu a bula vhuporofita hovhu a ri, “Balaka, takuwa u thetshelese, iwe ṅwana wa Tsiphoro, mpfe!

MATIOSI 25:40

“Ndi hone Khosi i tshi ḓo vha fhindula ya ri, ‘Thetshelesani ndi ni vhudze: ndi ri zwenezwiḽa zwe na zwi itela muṅwe wa havha vharathu vhanga vha nyadzeaho, no zwi itela Nṋe.’

DOTORONOMIO 23:3

Muamoni kana Mumuaba ha vhalwi na tshivhidzo tsha Muṋe washu; na vhaḓuhulu vhavho a vha vhalwi khatsho lini na lini.

DOTORONOMIO 23:4

Ndi uri zwiḽa ni nḓilani ni tshi bva Egipita, vhone a vho ngo ni ṱanganedza vha ni ṋea zwiḽiwa na maḓi, tshe vha ita vho tou thola Biliamu ṅwana wa Bioro we a vha a tshi dzula Phethoro kha ḽa Misopothamia, vha mu ṋea tshelede uri a ḓe a ni teketele.

DOTORONOMIO 23:5

Muṋe washu Mudzimu waṋu o tou sa tenda u ita zwe Biliamu a humbela, a mbo shandukisa mafhanza a vha mashudu, ngauri u a ni funa.

2 PITROSI 2:15

Vho pambuwa nḓilani ha mbo vha u xela. Vho fara nḓila ya Biliamu ṅwana wa Bosori, we a funesa tshelede lwe a sa tate na u bindula nga u ita zwithu zwivhi.