NEHEMIA 13:15 - BIVHILI KHETHWA Mafhungo Madifha

¹⁵ Ḽiṅwe ḓuvha nda vhona vhathu Juda, vha tshi khou fhonḓa nḓirivhe nga Sabatha, vhaṅwe vha tshi khou hwesa donngi dzavho mavhele na waini na nḓirivhe na mahuyu na zwiṅwe zwithu vha tshi zwi isa Jerusalema. Nṋe nda vha kaidza nda ri vha songo rengisa zwiḽiwa nga Sabatha.

NEHEMIA 13:15 Iomraidhean Croise

2 KORONIKA 24:19

Muṋe washu a ruma vhaporofita vha ya ha vhathu uri vha vha kaidze, vha vha vhuedzedze khae, hone vhathu vha si thetshelese.

NEHEMIA 10:31

“Arali vhatsinda vha ḓisa mavhele kana tshiṅwe-vho vha tshi ri vha ri rengisele nga Sabatha kana nga ḽiṅwe ḓuvha ḽikhethwa, a ri nga rengi khavho. “Ṅwaha muṅwe na muṅwe wa vhuṱanu na vhuvhili a ri nga limi masimu, na milandu i a thuthiwa.

NEHEMIA 10:32

“Ṅwaha muṅwe na muṅwe roṱhe ri ḓo bvisa giramu ṱhanu dza siliva u farisa u lifha tshinyalelo ya thembele ya Mudzimu washu.

NEHEMIA 13:16

Vhaṅwe vhanna vha no bva muḓini wa Tiro vho vha vha tshi dzula Jerusalema, vha ḓisa khovhe na dziṅwe thundu dza tshakha-tshakha afho muḓini uri vha dzi rengisele vhathu vha hashu nga Sabatha.

NEHEMIA 13:21

Nda vha kaidza nda ri, “Ni itelani ni tshi lala henefha nnḓa ha mutsheṱo? Ná dovha ndi ḓo ni halifhela.” U bva zwenezwo vha si tsha dovha vha ḓa nga Sabatha.

NEHEMIA 9:29

Wa ḓi vha laya uri vha tevhedze pfunzo dzau, hone vha ḓi u kolela vha landula milayo yau, vha pfuka ndaela dzau dzine arali muthu a dzi tevhedza a tshila; vha ita tshikhuna na tshipimbi, vha hana u thetshelesa.

JOBO 39:12

U nga fulufhela uri i ḓo u kaṋela mavhele naa? Ya a kuvhanganya hune wa fhula hone naa?

DZIPHISALEMA 50:7

“Vhathu vhanga, thetshelesani ndi ni vhudze! Iwe Israele, ndi khou u hwesa mulandu! Mudzimu ndi Nṋe, ndi Mudzimu wau.

EKISODA 31:12

Muṋe washu a vhudza Mushe

EKISODA 31:16

Vhaisraele vha vhulunge heḽo ḓuvha zwi tshi ya nga mirafho na mirafho, ḽi vhe tshiga tsha mulanga.

EKISODA 34:21

“Ni na maḓuvha maṱanu na ḽithihi ane na nga shuma mishumo yaṋu ngao, hone nga ḓuvha ḽa vhuṱanu na vhuvhili ni songo shuma, na nga tshifhinga tsha u lima kana tsha u kaṋa ni songo shuma.

EKISODA 35:2

Ni na maḓuvha maṱanu na ḽithihi ane na ḓo shuma mishumo yaṋu ngao, hone ḓuvha ḽa vhuṱanu na vhuvhili ḽi itwe ḽikhethwa, ḽi vhe ḽa u awela, ḽo kumedzwaho Muṋe washu. Ane a vhuya a shuma nga heḽo ḓuvha nga a vhulawe.

MIRERO 28:4

Vhane vha nyadza mulayo vha khoḓa muvhi; vha no u vhulunga vhone vha lwa nae.

YESAYA 58:13

Muṋe washu u ri, “Arali Sabatha na i ita khethwa, na si ite zwa mabindu aṋu ngaḽo; arali na ri Sabatha i a takadza, na hulisa ḓuvha ḽanga ḽikhethwa, na si ite mishumo ya maṅwe maḓuvha, na si ite zwa mabindu, na si ambe zwitshele,

JEREMIA 17:24

Hone Muṋe washu u ri, “Arali ni tshi nthetshelesa zwavhuḓi, na si dzhene na muhwalo nga khoro dza muḓi hoyu nga ḓuvha ḽa Sabatha, na ḽi ita ḽikhethwa nga u sa vhuya na shuma ngaḽo,

JEREMIA 17:27

Huno arali na sa nthetshelesa, na landula u ita Sabatha ḓuvha ḽikhethwa, na vho hwala mihwalo ni tshi dzhena nga khoro dza Jerusalema nga ḓuvha ḽa Sabatha, zwenezwo Nṋe ndi ḓo funga mulilo u sa dzimi khoroni dza Jerusalema, wa fhisa pfamo dzawo he lore.”

JEREMIA 42:19

“Inwi tsalela dza vhathu vha Juda, Muṋe washu o ni vhudza a ri, ‘Ni songo ya Egipita.’ Ḓivhani uri: ṋamusi ndi a ni kaidza

ESEKIELE 20:13

Naho zwo ralo vhathu vha Israele vho ntshandukela sogani; vho hana u vhulunga milayo yanga, vha nyadza ndayo dzanga dzine dza fanela u tevhedzwa nga vhoṱhe vhane vha funa u tshila, vha nyadza Sabatha dzanga. Nṋe nda ri ndi ḓo tevhulela mbiti dzanga khavho phangani nda vha lozwa.

AMUSI 8:5

Ni ri, “Ṅwedzi muswa u ḓo fa lini ra rengisa mavhele ashu? Sabatha i ḓo fhela lini ra rengisa goroi yashu? Ri ḓo konou tsisela mielo fhasi, ra gonyisa mutengo, ra fhura nga zwikalo zwi si zwa ngoho,

MIKA 6:3

Muṋe washu u ri, “Vhathu vhanga, ndo ni itani? Ndo ni kula nungo ngani? Mphinduleni.

MISHUMO 2:40

Pitrosi a vha laya nga hunzhi o tou khwaṱhisa a tshi vha ṱuṱuwedza a tshi ri, “Tinyani ṱhamu ine ya khou ḓa u rwa holu lushaka luvhi!”

MISHUMO 20:21

Majuda na vhannḓa ndo vha laya ndo tou khwaṱhisa uri vha rembulutshele ha Mudzimu vha ṱanganedze Yesu Muṋe washu.

VHAGALATA 5:3

Ndi dovha nda tou ombedzela nda ri: ane a vhuya a tenda u fumba, a zwi ḓivhe uri o ḓivhofha u khunyeledza Mulayo woṱhe wa Mushe.

VHAEFESA 4:17

Ndi tshi amba lwa u tou ombedzela nga ḽa Muṋe washu ndi ri: ni songo tsha tshila sa vhannḓa vhane mihumbulo yavho i si vhuedze tshithu,

DOTORONOMIO 8:19

“Hone arali na vhuya na hangwa Muṋe washu Mudzimu waṋu, na gidima murahu ha midzimu isili na i shumela na i luvha, vhukuma ndi khou ni eletshedza ṋamusi ndi ri, ni ḓo lovha!

1 VHATHESALONIKA 4:6

Kha mafhungo haya hu songo vha na ane a khakhela muṅwe kana a mu fhura. Ro no ḓi ranga u ni vhudza ra tou ombedzela ra ri: Muṋe washu u ḓo lifhedza vhoṱhe vhane vha ita hezwo.