NEHEMIA 12:47 - BIVHILI KHETHWA Mafhungo Madifha

⁴⁷ Misi ya Zerubabele na misi ya Nehemia vhathu vhoṱhe vha Israele vho vha vha tshi bvisa dzimpho misi yoṱhe dza u tikedza vhaimbi vha thembeleni na vhalindathembele. Vhathu vho vha vha tshi ṋea Vhalivi nduvho khethwa, Vhalivi vhone vha tshi ḓi ṋea na vhotshifhe mukovhe wavho.

NEHEMIA 12:47 Iomraidhean Croise

2 MAHOSI 25:30

Khosi yo vha i tshi ḓi ṋea Jehoyakhini tshelede ya zwine a zwi ṱoḓa ḓuvha ḽiṅwe na ḽiṅwe.

2 MAHOSI 7:10

Ndi hone vha tshi ṱuwa mishashani ya Vhaaramu vha humela muḓini wa Samaria vha vhidzelela mulindakhoro vha ri, “Ro ya mishashani ya Vhaaramu ra si wane muthu, ra si vhuye ra pfa muthu a tshi amba, tshe ra wana ndi bere na donngi dzo vhoxwaho, mishasha i tshee yo ralo sa zwe vha i sia.”

ESRA 2:2

Vho vhuya na Zerubabele na Joshua, na Nehemia, na Seraya, na Rielaya, na Maradokai, na Bilishani, na Misiphara, na Bigivai, na Rehumi, na Baana. Mutevhe wa vhathu vha Israele ngoyu:

NEHEMIA 11:23

Ho vha hu na ndaela dza musanda dzi no sumbedza madiso a vhaimbi misi yoṱhe thembeleni.

NEHEMIA 12:1

Mutevhe wa vhotshifhe na Vhalivi vho vhuyaho vha tshi bva vhuthubwani vhe na Zerubabele ṅwana wa Salathiele na tshifhe muhulu Joshua ndi: Vhotshifhe: Seraya na Jeremia na Esra

NEHEMIA 12:12

Musi Joyakimu e tshifhe muhulu, vhotshifhe vhe vha vha vhe ṱhoho dza mitupo ya vhotshifhe ndi: Mutupo Tshifhe Seraya Meraya Jeremia Hanania

NEHEMIA 12:26

Vhathu avho ndi vha misi ya Joyakimu, ṅwana wa Joshua, ṅwana wa Jotsadaka, na ya muvhusi Nehemia, na ya tshifhe Esra muḓivhi wa Mulayo.

VHAGALATA 6:6

Muthu ane a vha mutei kha mafhungo a Tshikhriste o fanela u kovhekana na mufunzi wawe thundu dzoṱhe dzine a vha nadzo.

DOTORONOMIO 18:8

na vhone vha fanela u wana mukovhe wa zwiḽiwa u linganaho na wa vhaṅwe Vhalivi, ni sa vhuyi na sedza uri vho wana ifa ḽingafhani kha vhokhotsi avho.