NEHEMIA 12:43 - BIVHILI KHETHWA Mafhungo Madifha

⁴³ Musi wonoyo ho ṋekedzwa zwiṱhavhelo zwinzhi, vhathu vhó takala zwihulu nge Mudzimu a vha takadza. Vhasadzi na vhana na vhone vho vha vhe hone afho vhuṱamboni, mukosi we vha u ṱavha wa pfala kule-kule.

NEHEMIA 12:43 Iomraidhean Croise

2 KORONIKA 20:13

Vhanna vhoṱhe vha Juda na vhasadzi vhavho na vhana vhavho na vhaṱuku, vho vha vho ima henefho phanḓa ha Muṋe washu.

2 KORONIKA 20:27

Vhanna vhoṱhe vha Juda na Jerusalema vha vhuelela Jerusalema vha tshi fhululedza, vho rangwa phanḓa nga Josafati, nge Muṋe washu a vha o vha takadza nga u kunda maswina avho.

2 KORONIKA 7:10

Nga ḓuvha ḽa 23 ḽa ṅwedzi wa vhuṱanu na vhuvhili Solomoni a ri vhathu vha ye mahayani avho, vha ṱuwa vha tshi pembela, vho takala mbiluni dzavho nga zwivhuya zwe Muṋe washu a itela Dafita na Solomoni na vhathu vhawe Vhaisraele.

ESRA 3:13

Ho vha hu si na ane a kona u fhambanya mukosi wa dakalo na wa tshililo, nge vhathu vha ṱavha mukosi muhulu. Mukosi uyo wa pfala kule.

NEHEMIA 12:27

Musi mutsheṱo wa muḓi wa Jerusalema u tshi kumedzwa Mudzimu, Vhalivi vha rambiwa vha tshi bva mahayani avho, uri na vhone vha vhe hone vhuṱamboni honoho vha imbe nyimbo dza u livhuha vha lidze mirumba na haripa na mbila.

NEHEMIA 12:42

vhone vha tevhelwa nga Maaseya na Shemaya na Eliasara na Uzi na Johanani na Malikhiya na Elamu na Ezere. Vhaimbi vha rangwa phanḓa nga Jeserahia, vha tou imbela nṱha.

JOBO 34:29

Huno naho a sokou fhumula, ndi nnyi ane a mu vhea mulandu? Arali a dzumba tshifhaṱuwo, ndi nnyi ane a nga mu vhona? Hu vhathu, hu dzitshakha, vha nga itani

DZIPHISALEMA 27:6

Ndi hone ndi tshi ḓo imisa ṱhoho nda vhona maswina anga o ntingaho e fhasi-fhasi, nda konou ṋekedza zwiṱhavhelo pfamoni yawe ho ṱangana mifhululu ya dakalo; ndi ḓo imba nda renda Muṋe washu.

DZIPHISALEMA 28:7

Muṋe washu ndi Ene nungo dzanga, ndi tshiṱangu tshanga; mbilu yanga i fulufhela Ene; u a mphalala nda takala, nda mu livhuha nga luimbo.

DZIPHISALEMA 9:2

Ndi ḓo takala nda tou pembela ndi tshi humbula Iwe. Ndi renda dzina ḽau nga nyimbo, Iwe Waṱaḓuluṱaḓulu,

DZIPHISALEMA 92:4

Muṋe washu, u ntakadza nga mishumo yau, ndi fhululedza zwe wa ita.

YESAYA 61:3

uri vhoṱhe vho ṱungufhalaho Tsioni ndi vha rudze mbilu, vha si tsha dzula milorani, vha ambare tshiala tsha vhugala, vha bvule nguvho ya tshililo, vha ḓole mapfura a dakalo, vha si tsha ṱovhowa, thendo i vhe yone nguvho yavho. Vha ḓo fanyiswa na miri ya u naka, ye Muṋe washu a i ṱavha uri a ṱane vhugala hawe na vhuvhuya hawe.

JEREMIA 31:13

Ndi hone vhasidzana vha tshi ḓo takala, vha tou tshina, vhaṱhannga na vhakalaha vha pembela. Tshililo tshavho ndi ḓo tshi shandula dakalo; ndi ḓo vha rudza mbilu vha takala, vha si tsha ṱungufhala.

JEREMIA 33:11

hu ḓo dovha ha pfala mikosi hu tshi pembelwa ho takalwa, na maipfi a mukwasha na muselwa na maipfi a vhane vha ḓisa nduvho dza ndivhuho nḓuni ya Yahavee vha tshi ri, “ ‘Livhuhani Yahavee Mulangazwoṱhe, Yahavee u na vhuthu; lufuno lwawe a lu dzinginyei lini na lini.’ “Ndi ḓo ita uri shango heḽi zwi dovhe zwi ḽi nakele unga kale. Ho amba Nṋe Yahavee.”

NUMERI 10:10

Na misi ya madakalo – nga vhuṱambo ha Ṅwedzi Muswa na vhuṅwe-vho vhuṱambo haṋu no fanela u lidza idzo phalaphala musi ni tshi ṋekedza nduvho dzaṋu dzi fhiswaho na dza u konana na Nṋe. Nṋe Mudzimu waṋu ndi ḓo ni humbula ngazwo. Ndi Nṋe Yahavee Mudzimu waṋu.”

MATIOSI 21:15

Vhotshifhe vhahulwane na vhaḓivhi vha Maṅwalo vha tshi vhona maḓembe e a ita, vha tshi pfa na vhana vha tshi khou huvha mihuvho henefho thembeleni vha tshi ri, “Hosiana! Murwa wa Dafita asuyu!” vha dinalea

MATIOSI 21:9

Vhathu vhe vha vha vhe phanḓa hawe na vhe vha vha vhe murahu vha thoma u huvha mihuvho vha tshi ri, “Hosiana! Murwa' Dafita asuyu! Nga hu rendwe a ḓaho nga dzina ḽa Muṋe washu! Nga hu rendwe Waṱaḓuluṱaḓulu!”

JOHANISI 16:22

Na kha inwi zwo tou ralo; zwino no ṱungufhala, hone musi ndi tshi ḓo dovha u ni vhona ni ḓo takala nahone a hu nga vhi na ane a nga ni dzhiela dakalo ḽaṋu.

VHAEFESA 5:19

imbelanani dziphisalema na nyimbo dza u renda Mudzimu na dzine na funzwa nga Muya; mbilu dzaṋu nga dzi rende Muṋe washu nga nyimbo na phisalema.

JAKOPO 5:13

Arali muṅwe waṋu e kha zwi konḓaho nga a rabele. Arali hu na o takalaho nga a imbe dza u renda Mudzimu.

1 SAMUELE 4:5

Musi mbulungelo ya mulanga ya Muṋe washu i tshi dzhena mishashani, Vhaisraele vhoṱhe vha ṱavha mukosi mavu a tou dzinginyea.