NEHEMIA 12:26 - BIVHILI KHETHWA Mafhungo Madifha

²⁶ Vhathu avho ndi vha misi ya Joyakimu, ṅwana wa Joshua, ṅwana wa Jotsadaka, na ya muvhusi Nehemia, na ya tshifhe Esra muḓivhi wa Mulayo.

NEHEMIA 12:26 Iomraidhean Croise

2 KORONIKA 9:26

Solomoni o vha a tshi vhusa mahosi oṱhe u bva mulamboni wa Yufuratha u swika shangoni ḽa Vhafilista u vhuya u swika nga masakha a Egipita.

ESRA 7:11

Ngolu luṅwalo lwe khosi Arathakhesese a ṋea Esra ane a vha tshifhe na mufunzi, munna we a vha a tshi ḓivha milayo na ndaela dze Muṋe washu a ṋea Vhaisraele.

ESRA 7:6

Uyo Esra o vha a tshi bva Babele. O vha e mufunzi ane a ḓivha zwavhuḓi mulayo we Muṋe washu Mudzimu wa Israele a u ṋea Mushe. Khosi yo vha yo mu ṋea zwoṱhe zwe a humbela, ngauri Muṋe washu Mudzimu wawe o vha o mu ṋea mashudu.

NEHEMIA 8:1

Nga ṅwedzi wa vhuṱanu na vhuvhili vhathu vha Israele vho vha vha tshi vho dzula miḓini yavho. Nga ḓuvha ḽa u ranga ḽa ṅwedzi wonoyo lushaka lwoṱhe lwa kuvhangana Jerusalema, tshikweani ngomu ha Khoro ya Maḓi. Vha humbela Esra uri a vha ḓisele bugu ya Mulayo ye Muṋe washu a ṋea Vhaisraele nga Mushe. Esra o vha e tshifhe na muḓivhi wa Mulayo.

NEHEMIA 8:9

Musi vhathu vha tshi pfa zwine Mulayo wa zwi ṱoḓa, zwa vha dzhena mbiluni lwe vha thoma u lila. Ndi hone Nehemia we a vha e muvhusi, na tshifhe Esra, muḓivhi wa Mulayo, na Vhalivi vhe vha vha vha tshi khou ṱalutshedza Mulayo vha tshi vhudza vhathu vhoṱhe vha ri, “Ḓuvha ḽa ṋamusi ndi ḽikhethwa, ḽo khethelwa Muṋe washu Mudzimu waṋu, zwenezwo ni songo tsengisa miṱodzi kana na lila.