NEHEMIA 10:36 - BIVHILI KHETHWA Mafhungo Madifha

³⁶ Tanzhe ḽa muṅwe na muṅwe washu ḽa mutuka ḽine ḽa bebwa ri ḓo ḽi isa ha vhotshifhe thembeleni, henefho ri ḓo mu ṋekedza Mudzimu, ri tshi tevhedza zwo ṅwalwaho Mulayoni. Ra dovha ra ṋekedza na ṋamana ine ya ranga u dzwaliwa nga kholomo iṅwe na iṅwe yashu, na ngwana ya u ranga kana mbudzana ya u ranga.

NEHEMIA 10:36 Iomraidhean Croise

2 KORONIKA 31:5

Musi ndaela i tshi tou bviswa, Vhaisraele vha ṋea nga hune vha kona vha isa zwikaṋwa zwa u thoma zwa thoro dzavho na waini ntswa na mapfura a muolivi na ṋotshi na zwoṱhe zwi no bva masimuni, vha isa zwinzhi, vha ita na u isa tshafumi tsha zwoṱhe zwine vha vha nazwo.

NEHEMIA 12:44

Tshifhinga tshenetsho ha vhewa vhanna uri vha linde nnḓu dza mbulungelo, he ha vha hu tshi vhewa zwo bviselwaho thembele, khathihi na tshafumi na mavhele a u ranga na mitshelo ine ya vhibva ṅwaha nga ṅwaha. Havho vhanna vho vha vha tshi kuvhanganya zwo liṅwaho tsini ha miḓi yo fhambanaho zwi bviselwaho vhotshifhe na Vhalivi zwo ṅwalwaho Mulayoni. Vhathu vhoṱhe vha Juda vho vha vha tshi takalela vhotshifhe na Vhalivi,

NEHEMIA 13:5

O vha o tendela Tobia a tshi dzula kamarani khulu ye ya vha i ya u vhulunga nduvho dza mavhele fhedzi na zwioro na thundu dzi shumiswaho thembeleni na nduvho dza vhotshifhe na tshafumi tsha mavhele na waini na mapfura a muolivi ane a ṋewa Vhalivi na vhaimbi vha thembeleni na vhalindathembele.

EKISODA 13:2

“Matanzhe oṱhe a zwiduna kha ḽa Israele a sumelwe Nṋe, tshiduna tshiṅwe na tshiṅwe tshine tsha ranga u bebwa, a nga vha muthu kana tsha vha tshifuwo, ndi tshanga.”

EKISODA 23:19

“U nange zwi fhiraho zwoṱhe zwa zwiranzhe zwa zwe wa kaṋa masimuni au u zwi ḓise nḓuni ya Yahavee Mudzimu wau. “U songo bika ngwana kana mbudzana nga mukhaha wa mme ayo.

EKISODA 34:19

“Tanzhe ḽiṅwe na ḽiṅwe ḽa ṅwana wa mutuka na tshifuwo tsha tshiduna tsha kholomo kana nngu ndi zwanga.

MALAKIA 3:10

Ḓisani tshafumi tshoṱhe nḓuni ya u vhulungela uri nḓuni yanga hu vhe na zwiḽiwa. Nṋe Yahavee Mulangazwoṱhe ndi ri: Nndingeni nga zwenezwo; ngoho ndi ḓo vula miṋango ya ṱaḓulu nda tou ni nisela mashudu.

NUMERI 3:13

ngauri matanzhe oṱhe ndi anga. Zwiḽa ndi tshi vhulaha matanzhe oṱhe Egipita, ndo ḓikhethela tanzhe ḽiṅwe na ḽiṅwe ḽa Israele, ḽa muthu na ḽa tshifuwo. Oṱhe ndi anga. Ndi Nṋe Yahavee.”

VHAGALATA 6:6

Muthu ane a vha mutei kha mafhungo a Tshikhriste o fanela u kovhekana na mufunzi wawe thundu dzoṱhe dzine a vha nadzo.

DOTORONOMIO 12:6

Nduvho dzaṋu dzi fhiswaho na zwiṱhavhelo na tshafumi na miṅwe mitendelo na nduvho dze na mu fulufhedzisa na dze na bvisa nga u tou funa, na matanzhe a kholomo na a nngu na a mbudzi, zwoṱhe ni yo mu ṋekedza henefho.