NEHEMIA 10:34 - BIVHILI KHETHWA Mafhungo Madifha

³⁴ “Riṋe na vhathu na vhotshifhe na Vhalivi ri ḓo ita madeṅwa ṅwaha muṅwe na muṅwe u vhona uri ndi vha mutupo ufhio vhane vha fanela u ḓisa khuni dza u fhisa zwiṱhavhelo zwine zwa ṋekedzwa Mudzimu Muṋe washu, hu tshi tevhedzwa zwo ṅwalwaho Mulayoni.

NEHEMIA 10:34 Iomraidhean Croise

1 KORONIKA 24:5

Ho vha hu na vhakoma vha thembele, vha zwa Mudzimu, kha vha lutsinga lwa Eliasara khathihi na lwa Ithamara, ndi zwe vha kovhelwa mishumo nga u ita madeṅwa.

1 KORONIKA 24:7

Zwigwada zwavho zwo tevhekana nga nḓila hei vhó khethwa nga madeṅwa: 1 Jehoyaribi 13 Hupha 2 Jedaya 14 Jeshebiaba 3 Harimu 15 Biliga 4 Siarimu 16 Imere 5 Malikhiya 17 Heziri 6 Miyamini 18 Haphitsetse 7 Hakotsi 19 Phethahia 8 Abia 20 Esekiele 9 Jeshua 21 Jakhini 10 Shekania 22 Gamuli 11 Eliashibi 23 Delaya 12 Jakimu 24 Maasia

2 KORONIKA 2:3

Solomoni a swikisa mafhungo haya ha khosi Hiramu wa Tiro a ri, “Nga vha nthumele matanda a mukedara sa zwe vha itela khotsi anga Dafita zwiḽa vha tshi vha rumela mikedara ya u fhaṱa pfamo ya u dzula khayo.

ESRA 3:5

Vho no fhedza izwo, vha ṋekedza zwiṱhavhelo zwi fhiswaho zwine zwa ṋekedzwa nga tshifhinga tshazwo na zwiṱhavhelo zwa Ṅwedzi Muswa na zwiṱhavhelo zwa vhuṱambo ha Muṋe washu ho vhewaho na nduvho dzine muthu a tou ṋekedza Muṋe washu nga u funa hawe.

NEHEMIA 11:1

Vharangaphanḓa vho dzula Jerusalema, vhathu vhaṅwe vha ita madeṅwa vha nanga muṱa muthihi kha fumi muthihi kha fumi uri vha ṱuwe vha yo dzula Jerusalema, muḓini mukhethwa, vhaṅwe vha ya vha dzula miḓini miṅwe.

NEHEMIA 13:31

Nda dzudzanya uri hu reḓwe khuni dza u honza musi hu tshi fhiswa zwiṱhavhelo uri dzi ḓiswe nga zwifhinga zwo teaho, na uri vhathu vha ḓise nduvho dzavho dza zwiranzhe. Mudzimu wanga, elelwa zwe nda ita u nnyitele vhuthu!

MIRERO 18:18

Deṅwa ḽi lamula vhathu, ḽa fhandekanya vhahali vhavhili.

YESAYA 40:16

Phukha dzoṱhe dzi re maṱakani a Libanoni a dzo ngo eḓana tshiṱhavhelo tsha u ṋekedza Muṋe washu, miri yao a yo ngo eḓana u honza mulilo watsho.

LIVITIKO 24:5

“Dzhiani vhukhopfu ha goroi ni bage mikonde ya 12 ya vhurotho, muṅwe na muṅwe u bagiwe nga khilogiramu mbili.

LIVITIKO 24:6

Ni ṱhophe iyo mikonde i ite thulwi mbili, miṱanu na muthihi masia oṱhe, nṱha ha ḓafula ḽo fhomiwaho musuku u songo vangiwaho, ḽine ḽa vha phanḓa ha Muṋe washu.

NUMERI 28:2

uri a laye Vhaisraele uri vha ṋekedze Mudzimu nduvho dza zwiḽiwa, i vhe nduvho i nukhelelaho ine ya mu takadza, i ṋekedzwe nga zwifhinga zwo vhewaho.

MISHUMO 1:26

Vha konou ita madeṅwa a u nanga kha avho vhavhili; ha mvaṱiwa Mathiasi, a mbo ḓi dzheniswa kha tshigwada tsha vhaḽa vhaapostola vha 11.

JOSHUA 9:27

Naho zwo ralo a ḓi vha ita dziphuli, vha reḓela Vhaisraele khuni, vha vha kela maḓi, zwenezwo vha zwi shumela na aḽiṱari ya Muṋe washu. Vho ḓi shuma mushumo wonoyo fhethu he Muṋe washu a hu nanga uri a luvhiwe hone, na ṋamusi.