NEHEMIA 10:32 - BIVHILI KHETHWA Mafhungo Madifha

³² “Ṅwaha muṅwe na muṅwe roṱhe ri ḓo bvisa giramu ṱhanu dza siliva u farisa u lifha tshinyalelo ya thembele ya Mudzimu washu.

NEHEMIA 10:32 Iomraidhean Croise

GENESI 28:22

tombo heḽi ḽe nda ḽi imisa sa phuphu ḽi ḓo vha nnḓu ya Mudzimu; zwoṱhe zwine a ḓo nṋea ndi ḓo mu ṋea tsha fumi tshazwo.”

1 KORONIKA 26:27

Vha dzhia iṅwe thundu yo thubiwaho nndwani vha i kumedza uri i vuse thembele ya Muṋe washu.

NEHEMIA 13:15

Ḽiṅwe ḓuvha nda vhona vhathu Juda, vha tshi khou fhonḓa nḓirivhe nga Sabatha, vhaṅwe vha tshi khou hwesa donngi dzavho mavhele na waini na nḓirivhe na mahuyu na zwiṅwe zwithu vha tshi zwi isa Jerusalema. Nṋe nda vha kaidza nda ri vha songo rengisa zwiḽiwa nga Sabatha.

NEHEMIA 13:18

A si zwenezwo zwe zwa ita uri Mudzimu washu a rwe vhomakhulukuku waṋu na uyu muḓi wa vhuya wa phusukanywa? Naho zwo ralo inwi ni ḓi futelela uri Mudzimu a sinyutshele Vhaisraele nga u kumadza Sabatha.”

NEHEMIA 13:21

Nda vha kaidza nda ri, “Ni itelani ni tshi lala henefha nnḓa ha mutsheṱo? Ná dovha ndi ḓo ni halifhela.” U bva zwenezwo vha si tsha dovha vha ḓa nga Sabatha.

NEHEMIA 5:10

Na nṋe na vha hashu na vhakoma vhanga ro adzima vhathu tshelede na mavhele. Zwino ni songo vha lifhisa.

NEHEMIA 9:14

Wa vha funza uri Dzisabatha dzau vha dzi ite khethwa, wa swikisa milayo yau khavho nga muḓinḓa wau Mushe.

EKISODA 23:11

Hone nga ṅwaha wa vhuṱanu na vhuvhili i litshe i lale, u songo vhuya wa kaṋa tshi melaho khayo. Vhashai vha ḓo ḽa zwi melaho henefho, phukha dza ḓaka dza wana zwo salaho. Na tsimu yau ya minḓirivhe na miri ya miolivi u songo i kaṋa nga ṅwaha wonoyo.

MIRERO 3:9

Hulisa Muṋe washu nga lupfumo lwau, na nga zwiranzhe zwa khaṋo yau,

2 VHAKORINTA 8:12

Tenda muthu a bvisa nga mbilu tshena kha zwenezwo zwine a vha nazwo, Mudzimu u a zwi takalela. Muthu ha koni u bvisa tshine a si vhe natsho.