NEHEMIA 1:5 - BIVHILI KHETHWA Mafhungo Madifha

⁵ “Yawee Muṋe washu Mudzimu wa ḽiṱaḓulu, Mudzimu muhulu a ofhisaho! Iwe u a fulufhedzea, arali wa vhofha mulanga na vhane vha u funa vha ita zwine wa vha laya, a u vhofhololi.

NEHEMIA 1:5 Iomraidhean Croise

1 MAHOSI 8:23

a rabela a ri, “Muṋe washu Mudzimu wa Israele, a hu na Mudzimu ane a nga Iwe ngeo ṱaḓulu kana fhano fhasi. A u vhofhololi mulanga wau we wa vhofha na vhalanda vhau vhane vha ḓi tshimbila nḓilani yau nga mbilu yoṱhe, lufuno lwau a lu fheli.

1 KORONIKA 17:21

Ndi lufhio lushaka lune lwa nga vhathu vhau Vhaisraele? Ndi lwone lushaka lu lwoṱhe fhano fhasi lwe Mudzimu walwo a bva a yo ḓitshidzela lushaka, wa vha na bvumo, wa ita zwimangadzo zwihulu zwi ofhisaho nga u thatha dzitshakha vhathu vhau vha tshi swika, vhe wa vha lamukisa Egipita.

ESRA 1:2

“Khoreshe khosi ya Pheresia u ri, ‘Yahavee Mudzimu wa ṱaḓulu o nkumedza mivhuso yoṱhe ya ḽifhasi, a dovha a mmbea uri ndi mu fhaṱele thembele Jerusalema kha ḽa Juda.

NEHEMIA 2:4

Khosi ya vhudzisa ya ri, “Tshine na tshi ṱoḓa ndi tshini?” Nṋe nda rabela Mudzimu wa ṱaḓulu,

NEHEMIA 4:14

Nda vhona uri vhathu zwi a vha dina, nda vha vhudza na vharangaphanḓa vhavho na vhakoma nda ri, “Ni songo ofha maswina ashu. Elelwani uri Muṋe wa zwoṱhe ndi mungafhani, na uri u ofhisa hani, ni lwele vhanna vha haṋu na vhana vhaṋu na vhasadzi vhaṋu na mahaya aṋu.”

NEHEMIA 4:8

Vhoṱhe vha ita tshikungo tsha u dia Jerusalema vha ri thithise.

NEHEMIA 9:32

“Yawee Mudzimu, Mudzimu washu, wo hula hani! U ofhisa hani, maanḓa au ndi mangafhani! U a fulufhedzea, zwe wa fulufhedzisa u tshi vhofha mulanga, u a zwi ita. U bva tshee mahosi a Vhaashuru a ri kandeledza, u swika na zwino, ro tambula hani! Mahosi ashu na vharangaphanḓa vhashu na vhotshifhe vhashu na vhaporofita na vhomakhulukuku washu na vhathu vhau vhoṱhe vho tambula. Elelwa uri ro tambula zwingafhani, u songo vhona zwi si tshithu!

DZIPHISALEMA 47:2

Muṋe washu, Waṱaḓuluṱaḓulu, u ofhisa hani, Ene Khosi khulu ya ḽifhasi!

DZIPHISALEMA 76:8

Wo haṱula u makoleni, shango ḽa ofha ḽa tou tshete,

DZIPHISALEMA 89:2

Ndo ri, “Lufuno lwau a lu dzinginyei lini na lini, u fulufhedzea hau ho ima ho khwaṱha unga ḽiṱaḓulu.”

DZIPHISALEMA 89:3

Wo ri, “Ndo vhofha mulanga na munangiwa wanga, ndo anela Dafita muḓinḓa wanga nda ri,

DZIPHISALEMA 89:8

Muṋe washu, Mudzimu Ramaanḓaoṱhe, ndi nnyi ane a nga Iwe? Muṋe washu, u na maanḓa mahulu, wo tangwa nga u fulufhedzea hau.

EKISODA 20:6

ndi tonda mirafho ya zwigidi na zwigidi ya vhane vha mpfuna vha tevhedza ndaela dzanga.

DOTORONOMIO 7:12

“Arali na thetshelesa milayo iyi, na i vhulunga, na i tevhedza, ndi hone na Muṋe washu Mudzimu waṋu a tshi ḓo vhulunga mulanga we a vhofha na inwi, a ḓi ni ita nga vhuthu unga o fulufhedzisa vhomakhulukuku waṋu nga muano,

DOTORONOMIO 7:21

Ni songo vha ofha, hufha Muṋe washu Mudzimu waṋu e na inwi, hufha e Mudzimu muhulu a ofhisaho.

DOTORONOMIO 7:9

uri ni kone u ḓivha uri Yahavee Mudzimu waṋu ndi Ene Mudzimudzimu, Mudzimu a fulufhedzeaho a vhulungaho mulanga wawe, vha mu funaho na vha tevhedzaho ndaela dzawe u vha itela vhuthu u swika kha mirafho ya tshigidi,