NEHEMIA 1:3 - BIVHILI KHETHWA Mafhungo Madifha

³ Vhone vha fhindula uri vho vhuyaho vhuthubwani vha khomboni khulu, na uri vhatsinda vho dzulaho tsini navho vha a vha nyadza. Vha dovha vha mmbudza uri mitsheṱo ya Jerusalema i tshee yo thuthwa, na khoro dzawo dzo fhiswa nga mulilo.

NEHEMIA 1:3 Iomraidhean Croise

1 MAHOSI 9:7

zwenezwo ndi ḓo pfulusa Vhaisraele shangoni ḽe nda vha ṋea, thembele hei ye nda i ita khethwa ndi tshi itela dzina ḽanga, nda i landula. Vhaisraele zwenezwo vha ḓo tou vha milomoni ya vhathu vha tou vha samba vha nyadziwa nga tshakha dzoṱhe.

2 MAHOSI 25:10

Mmbi yoṱhe ya Vhababele ye ya vha i tshi langwa nga mulangammbi wa musanda, ya thutha mitsheṱo u mona na muḓi wa Jerusalema.

2 KORONIKA 36:19

Vha fhisa thembele ya Mudzimu, vha pwashekanya mutsheṱo wa Jerusalema, vha fhisa pfamo dzoṱhe, vha phusukanya tshiṅwe na tshiṅwe tsha mutengo muhulu henefho.

ESRA 2:1

Misi iyo vhathu vhanzhi vhe vhomakhulukuku wavho vha vha vha tshi bva shangoni ḽa Juda vho vhuelela ha havho vha tshi bva shangoni ḽa Babele. Nebukhadnetsara khosi ya Babele o vha o vha kumba a vha isa vhuthubwani Babele, hone zwino vho huma vha vhuelela Jerusalema na Juda, muṅwe na muṅwe a ya muḓini wa hawe.

ESRA 5:8

“Thovhele nga vha zwi ḓivhe uri riṋe ro ya dzinguni ḽa Juda, thembeleni ya Mudzimu muhulu. Vhathu vha khou i vusa nga matombo mahulwane, dzimbondoni vha khou longa matanda. Mushumo uyo u khou shumiwa nga vhuronwane, u khou bvela phanḓa nga u ṱavhanya vho ḓifunga.

NEHEMIA 11:3

Vhathu vhaṅwe vha Israele na vhotshifhe na Vhalivi na vha no shuma thembeleni na vha lutsinga lwa vhashumi vha Solomoni vho tou dzula fhethu havho miḓini ya havho.

NEHEMIA 2:13

Ro vuwa hu tshee vhusiku ra bva afho muḓini nga Khoro ya Govha thungo ya vhukovhela, nda livha thungo ya tshipembe, nda fhira Tshisima tsha Phunguhwe nda livha Khoroni ya Vhutoko. Nda enda ndi tshi tandula mitsheṱo ya Jerusalema yo thuthwaho na khoro dzo fhiswaho.

NEHEMIA 2:17

Hone zwino nda vha vhudza nda ri, “Inwi vhaṋe ni a zwi vhona uri ro welwa nga khombo nngafhani; Jerusalema ndi matumba, khoro dzawo dzo swa nga mulilo! Nga ri vuse mitsheṱo ya Jerusalema, ndi hone ri si tsha ḓo nyadziwa.”

NEHEMIA 2:3

nda fhindula nda ri, “Ngavhe thovhele a tshi lalama! Ndi nga kundwa u ṱungufhala hani, hufha muḓi we vhomakhulukuku wanga vha swiṱwa hone e matumba na khoro dzo fhiswa nga mulilo?”

NEHEMIA 7:6

Mathubwa manzhi vho ṱuwa Babele vha vhuelela Jerusalema na Juda, muṅwe na muṅwe a vhuelela muḓini wa hawe. Vhuthubwani vho vha vha tshi khou dzula Babele u bva tshee khosi Nebukhadnetsara a vha thubela hone.

ESTERE 1:1

Hezwi ndi zwo iteaho misi ya Serekesese, onouḽa Serekesese we a vha a tshi vhusa madzingu ane a fhira 127 u bva India u swika Kushu.

DZIPHISALEMA 79:4

Vhahura vhashu vha a ri holedza, vhe ra ṋekana navho masakha vha a ri sea vha ri goḓa.

MIRERO 25:28

Munna a sa koni u ḓilanga u nga muḓi wa mitsheṱo yo pwashiwaho.

YESAYA 43:28

ndi zwe nda nyadzisa vhotshifhe vha nnḓu khethwa, Jakopo nda mu ḽisa nga pfumo, Israele nda mu nyadzisa.”

YESAYA 5:5

“Zwino-ha ndi ḓo ni vhudza zwine nda ḓo ita tsimu yanga: Ndi ḓo fuḓa mupfunda woṱhe wo i tangedzaho, nda litsha phukha dza ḓaka dzi tshi i ḽa, nda thutha mutsheṱo wayo dza i kandekanya,

JEREMIA 24:9

Ndi ḓo vha ḓisela khombo lune tshakha dzoṱhe dza mashango dza ḓo ofha. Hoṱhe hune nda ḓo vha balanganya vha ḓo kolelwa nga vhathu, vha ita miswaswo ngavho, vha vha nyadza; vha tshi teketela muthu vha ḓo ri ngavhe a tshi welwa nga khombo yeneyo ye ya wela vhathu vha Juda.

JEREMIA 29:18

Ndi ḓo vha pandamedza nga pfumo na nḓala na dwadze nda ita uri mivhuso yoṱhe ya shango i tshenuwe i tshi vhona zwe nda vha ita, vha vha ṱano ḽa u teketelwa na zwi ofhisaho, na u nyadziwa na u shona vhukati ha tshakha dzoṱhe hune nda ḓo vha balanganyela hone.

JEREMIA 39:8

Vhababele vha fhisa pfamo ya musanda na nnḓu dza vhathu, vha thutha mitsheṱo ya Jerusalema.

JEREMIA 42:18

“Muṋe washu Mulangazwoṱhe Mudzimu wa Israele u ri, ‘Vhunga mbiti dzanga na u sinyuwa hanga zwo shulutshela kha vha dzulalo Jerusalema, zwenezwo u sinyuwa hanga hu ḓo shulutshela kha inwi arali na ya Egipita. Vhathu vha ḓo ni sanda, vha ni nyadza, vha teketelana nga dzina ḽaṋu, vha ni sea; fhethu hafhano a ni tsha ḓo dovha na hu vhona.’

JEREMIA 5:10

Ndi ḓo ruma maswina a remekanya minḓirivhe ya vhathu vhanga, hone a si i remekanye tshoṱhe. Ndi ḓo ri vha ṱangule matavhi, ngauri a si anga.

JEREMIA 52:14

Mmbi yoṱhe ya Babele ye ya vha i tshi langwa nga mulangammbi wa musanda ya thutha mitsheṱo u mona na muḓi wa Jerusalema.

ZWILILO 1:7

Misi ya u ṱungufhadzwa na u tambudzwa Jerusalema u elelwa lupfumo lwoṱhe lwe lwa vha lu lwawe misi iḽa ya kale. Zwiḽa vhana vhawe vha tshi wela zwanḓani zwa maswina, ho vha hu si na ane a nga mu tikedze. Maswina awe o mu sedza, a sea zwe zwa mu wela.

ZWILILO 2:9

Khoro dzawe dzo wa, dzo no tou fukedzwa nga mavu; tswinga dzadzo o dzi vunḓekanya a dzi posa kule. Khosi yawe na vhavhusi vhawe vho thubwa nga dzitshakha, a hu tsha funzwa mulayo, vhaporofita vhawe a vha tsha wana mabono a bvaho kha Muṋe washu.

ZWILILO 3:61

Iwe Muṋe washu, wo pfa maṱamba avho, na zwoṱhe zwine vha nndangana,

ZWILILO 5:1

Muṋe washu, elelwa zwo ri welaho, edzou sedza u vhone ṱhoni dzashu.

LIVITIKO 26:31

nda phusukanya miḓi yaṋu ya sala i matumba, nda phusukanya pfamo dzaṋu hune na luvha hone, nda landula nduvho dzaṋu.

LIVITIKO 26:33

Ndi ḓo ni ḓisela nndwa nda ni balanganya na mashango asili. Shango ḽaṋu ḽi ḓo sala ḽi si na muthu, miḓi yaṋu ya sala i matumba.