NEHEMIA 1:10 - BIVHILI KHETHWA Mafhungo Madifha

¹⁰ “Muṋe washu, hufha vhathu avha vhe vhalanda vhau, hufha vhe vhathu vhau vhukuma. Wo vha lamulela nga maanḓa au mahulu na nga tshanḓa tshau vhukuma.

NEHEMIA 1:10 Iomraidhean Croise

DZIPHISALEMA 136:12

nga tshanḓa tshawe tsha maanḓa ó tshi angaladza. Lufuno lwawe a lu dzinginyei!

DZIPHISALEMA 74:2

Elelwa vhathu vhau vhe wa ḓinangela kale-kale, hufha wo vha vhofholola vhupulini uri vha vhe lushaka lwau; elelwa thavha ya Tsioni he wa dzula hone.

DZIPHISALEMA 89:14

Khuluṋoni yau yo tewa kha ngoho na khaṱhulo mbuya, zwoṱhe zwine wa ita zwi vhonala zwi lufuno na u fulufhedzea.

EKISODA 13:14

“Arali misi i ḓaho vhana vhaṋu vha tshi ni vhudzisa vha ri, ‘Izwi zwi amba mini?’ ni vha vhudze ni ri, ‘Ro vha ri dziphuli shangoni ḽa Egipita, hone Muṋe washu o ri pfulusa nga maanḓa awe.

EKISODA 13:16

Maitele ayo a ḓo vha tshihumbudzi, a nga tshithu tshe na tshi vhofhelela kha tshanḓa kana kha phanḓa; a ḓo ri humbudza uri Muṋe washu o ri pfulusa shangoni ḽa Egipita nga tshanḓa tshawe tsha maanḓa.”

EKISODA 13:3

Mushe a vhudza vhathu a ri, “Dzulani ni tshi elelwa ḓuvha heḽi; ndi ḓuvha ḽe na pfuluwa ngaḽo Egipita he na vha ni dziphuli, na bviswa nga maanḓa a Muṋe washu; ni songo ḽa vhurotho vhu re na mbilisa nga ḓuvha heḽo.

EKISODA 13:9

Maitele hayo a ḓo vha tshone tshihumbudzo, a nga tshiga tsho vhofhelelwaho tshanḓani tshaṋu kana kha phanḓa, zwenezwo mulayo wa Muṋe washu u ḓo dzula u mulomoni waṋu, ngauri Muṋe washu o ni pfulusa shangoni ḽa Egipita nga tshanḓa tsha maanḓa.

EKISODA 15:13

Vhathu vhe wa vha vhofholola wo vha endedza nga lufuno lwau lu sa shanduki; u ḓo vha isa shangoni ḽau ḽikhethwa nga maanḓa au.

EKISODA 32:11

Hone Mushe a luvhelela Muṋe washu Mudzimu wawe a ri, “Muṋe washu, ndi mini u tshi sinyutshela vhathu vhau vhe wa vha pfulusa Egipita wó angaladza tshanḓa tshau tsha maanḓa?

EKISODA 6:1

Ndi hone Muṋe washu a tshi vhudza Mushe a ri, “Zwino u ḓo vhona ndi tshi lifhedza Farao. Ndi ḓo mu kombetshedza u vha litsha vha ṱuwa. Vhukuma u ḓo kombetshedzea uri a vha pfuluse shangoni ḽawe.”

EKISODA 6:6

Zwino vhudza Vhaisraele u ri, ‘Ndi Nṋe Yahavee. Ndi ḓo ni rula mihwalo ye na hweswa nga Vhaegipita. Ndi ḓo ni vhofholola na si tsha vha phuli dzavho. Ndi ḓo onyolosa tshanḓa tshanga tsha maanḓa, nda vha lifhedza, nda ni lamulela.

EKISODA 6:7

Ndi ḓo ni ita vhathu vhanga vhukuma, Nṋe nda vha Mudzimu waṋu. Ndi hone ni tshi ḓo zwi ḓivha uri ndi Nṋe Yahavee Mudzimu waṋu, we a ni rula muhwalo wa Vhaegipita.

YESAYA 64:9

Muṋe washu, u songo sinyuwa wa pfuka ndinganyo, u songo dzula wo ri fara nga mbilu; edzou ri sedza, hufha roṱhe ri vhathu vhau!

DOTORONOMIO 15:15

Hafhu u elelwe uri na inwi no vha ni dziphuli shangoni ḽa Egipita, Muṋe washu Mudzimu waṋu a ni vhofholola, ndi zwine nda ni laya izwi zwithu ṋamusi.

DOTORONOMIO 9:29

U songo vha lozwa, hufha vhe vhathu vhau vhukuma vhe wa vha pfulusa nga maanḓa au mahulu wo angaladza tshanḓa tshau tsha maanḓa.