JUELE 3:5 - BIVHILI KHETHWA Mafhungo Madifha

⁵ No dzhia siliva yanga na musuku wanga, na hwala madzanga anga na a isa thembeleni dzaṋu.

JUELE 3:5 Iomraidhean Croise

2 MAHOSI 12:18

Huno Juasi khosi ya Juda a dzhia thundu khethwa yoṱhe ye vhokhotsi awe mahosi a Juda, Josafati na Jehoramu na Ahasia vha dzi kumedza Mudzimu, na nduvho dze ene muṋe a kumedza Mudzimu, na musuku woṱhe we wa wanala mbulungeloni dza thembele ya Muṋe washu na pfamoni ya musanda, zwenezwo a luvha Hazaele khosi ya Aramu ngazwo. Ndi hone Hazaele a tshi ṱuwa Jerusalema.

2 MAHOSI 16:8

Ahasi a dzhia siliva na musuku zwe zwa vha zwi thembeleni ya Muṋe washu na mbulungeloni dza pfamo ya musanda, a yo luvha ngazwo khosi ya Ashuru.

2 MAHOSI 24:13

A dzhia lupfumo lwoṱhe lu re thembeleni ya Muṋe washu na pfamoni ya musanda, a hwala zwithu zwoṱhe zwa musuku zwe Solomoni khosi ya Juda a zwi itela thembele ya Muṋe washu, nga he Muṋe washu a dzula o ḓivhadza.

YESAYA 11:11

Musi wonoyo Muṋe wa zwoṱhe u ḓo dovha a sumbedza maanḓa awe, a vhuisa tsalela dza vhathu vhawe hayani, a vha pfulusa Ashuru na Egipita na Phathirosi na Kushu na Elamu na Shiniari na Hamathi na mashangoni o tangaho lwanzhe.

JEREMIA 23:7

Muṋe washu u ri, “Hu khou ḓa misi ine vhathu vha si tsha ḓo ri, ‘Ri ana nga Yahavee a tshilaho we a pfulusa Vhaisraele Egipita,’

JEREMIA 50:28

Thetshelesani tshavhi na vhafhalali vha no bva Babele vha tshi ḓivhadza Tsioni zwe Yahavee Mudzimu washu a vha lifhedza, a tshi lifhedzela thembele yawe.”

JEREMIA 51:11

Muṋe washu o ritha mahosi a Vhamedia uri a phusule Babele. Muṋe washu u ḓo lifhedza a tshi lifhedzela vhathu vhawe. Vha vhidzana vha ri, “Ṱuṱulani mafumo! Dzhiani zwiṱangu!

ESEKIELE 37:12

Zwenezwo porofita u vha vhudze u ri, ‘Muṋe wa zwoṱhe Yahavee u ri: Zwino ndi ḓo vula zwalo zwaṋu, inwi vhathu vhanga, nda ni tshimbidza na humela mavuni a Israele.

DANIELE 11:38

U ḓo litsha yone a hulisa mudzimu wa u tsireledza dzhavhelo, a hulisa mudzimu we vhokhotsi awe vha si u ḓivhe, a u luvha nga musuku na siliva na matombo a mutengo muhulu na zwifhiwa zwa mutengo muhulu.

OBADIA 1:17

Hone thavhani ya Tsioni hu ḓo sala vho ponyokaho. Hu ḓo vha fhethu hukhethwa, vha muṱa wa Jakopo vha ḓo vhuelela shangoni ḽa havho.