JUELE 3:1 - BIVHILI KHETHWA Mafhungo Madifha

¹ “Misi yeneyo, nga tshifhinga tshenetsho, ndi ḓo dovha nda vhuedzedza mashudu a Juda na Jerusalema.

JUELE 3:1 Iomraidhean Croise

DZIPHISALEMA 14:7

Yawee, ngavhe u tshidzwa ha Israele hu tshi bva Tsioni! Musi Muṋe washu a tshi ḓo dovha a vusa lushaka lwawe, ndi hone Jakopo a tshi ḓo pembela, Israele a takala.

DZIPHISALEMA 85:1

Muṋe washu, wo tonda shango ḽau, wa dovha wa ita uri Jakopo zwi mu anḓe;

MIRERO 1:23

Thetshelesani ndi tshi ni kaidza, ndi hone ndi tshi ḓo ni eletshedza, nda ni shululela zwa mbiluni yanga.

YESAYA 44:3

shango ḽo farwaho nga ḓora ndi ḓo ḽi nisela mvula, mavuni o omelelaho ha ela milambwana; ndi ḓo shululela Muya wanga kha vhana vhau, nda shudufhadza vhaḓuhulu vhau.

JEREMIA 16:15

Vha vho ḓo ri, ‘Nga Yahavee a tshilaho, we a pfulusa Vhaisraele shangoni ḽa devhula na mashangoni oṱhe he a vha o vha thathela hone.’ Ndi uri ndi ḓo vha humisela shangoni ḽe nda ḽi ṋea vhokhotsi avho. Ho amba Nṋe Yahavee.”

JEREMIA 29:14

Ni ḓo nngwana, nda ni bvisa vhupulini nda ni vhuisa. Ndi ḓo ni bvisa kha tshakha dzoṱhe na fhethu hoṱhe he nda vha ndo ni thathela hone, nda ni kuvhanganya nda ni humisela fhethu he nda ni hwala hone ndi tshi ni isa vhuthubwani.’

JEREMIA 30:18

Muṋe washu u ri, “Ndi ḓo humisela vhaḓuhulu vha Jakopo shangoni ḽavho, nda khathutshela muṱa muṅwe na muṅwe. Muḓi u ḓo dovha wa vuswa shubini ḽawo, na pfamo ya dovha ya ima fhethu hayo ho teaho.

JEREMIA 30:3

Hu khou sendela maḓuvha ane nda ḓo bvisa vhathu vhanga Israele na Juda vhuthubwani nda vha vhuedzedza shangoni ḽe nda ḽi ṋea vhokhotsi avho uri ḽi vhe ḽavho. Ho amba Nṋe Yahavee.’ ”

ESEKIELE 16:53

“Ndi ḓo ita uri vhaḽa zwi dovhe zwi vha nakele. Ndi ḓo ita uri Sodoma na vhananyana vhawe zwi dovhe zwi vha nakele. Ndi ḓo ita uri Samaria na vhananyana vhawe zwi dovhe zwi vha nakele; musi ndo no fhedza ndi ḓo ita uri na iwe zwi dovhe zwi u nakele unga vhone,

ESEKIELE 39:25

Zwino-ha, Muṋe wa zwoṱhe Muṋe washu u ri, “Zwino ndi ḓo ita uri zwi dovhe zwi nakele vhaḓuhulu vha Jakopo, vhathu vhoṱhe vha Israele ndi ḓo vha pfela vhuṱungu, nda lwela dzina ḽanga ḽikhethwa.

DANIELE 12:1

“Misi yeneyo hu ḓo bvelela Mikaele muruṅwa muhulwane ane a londola vhathu vha haṋu. Hu ḓo vha na u tambula huhulu, hu sa vhuyi ha vhambedzwa na he ha vhuya ha vha hone tshee tshakha dza vha hone. Musi tshifhinga tshenetsho tshi tshi swika, vhathu vha haṋu vha ḓo tshidzwa, vhoṱhe vhe madzina avho a ṅwalwa buguni ya Mudzimu.

JUELE 2:29

Misi yeneyo ndi ḓo shululela Muya wanga na kha dziphuli, dza vhanna na dza vhasadzi.

AMUSI 9:14

Ndi ḓo ita uri zwi dovhe zwi nakele vhathu vhanga vha Israele; vha ḓo dovha vha vusa matumba vha dzula khao; vha ḓo ṱavha minḓirivhe vha nwa waini yayo; vha ḓo lima masimu vha ḽa zwe vha lima.

NUMERI 11:29

Mushe a fhindula a ri, “Ni khou lwela nṋe kani? Nṋe ndi ri ngavhe Muṋe washu a tshi ṋea vhathu vhawe vhoṱhe Muya wawe, vhoṱhe vha porofita!”

NUMERI 12:6

Muṋe washu a ri, “Zwino thetshelesani ndi ni vhudze! “Arali hu na muporofita wa Yahavee kha inwi ndi ḓidzumbululela ene nga mabono, nda amba nae nga miloro.

DOTORONOMIO 30:3

ndi hone Muṋe washu a tshi ḓo ita uri zwi dovhe zwi ni nakele, a ni khathutshela, a ni vhuisa ni tshi bva tshakhani dzoṱhe dzine a ḓo vha o ni balanganya nadzo.