JUELE 2:6 - BIVHILI KHETHWA Mafhungo Madifha

⁶ Tshakha dzi tshi dzi vhona dzi farwa nga nyofho, zwifhaṱuwo zwoṱhe zwi a tswukuluwa.

JUELE 2:6 Iomraidhean Croise

DZIPHISALEMA 119:83

Naho ndo onyana unga mukumba u vhutsini, thi hangwi zwe wa vhofha.

YESAYA 13:8

vha ḓo farwa nga nyofho, vha zhakeledzwa nga vhuṱungu vhu no nga ha musadzi e tsini na u vhofholowa; vha ḓo lavhelesana vho hanganea, zwifhaṱuwo zwó tshenuluwa nga ṱhoni.

JEREMIA 30:6

Zwino edzonu elekanya! Muthu wa munna a nga vhofholowa a beba ṅwana naa? Zwino khezwi ndi tshi vhona munna muṅwe na muṅwe o farelela tshiḽelo unga musadzi a tshi khou pfa vhuṱungu a tshi ṱoḓou vhofholowa? Khezwi muṅwe na muṅwe o tswukuluwa lwa u fa?

JEREMIA 8:21

Mbilu yanga yo pwashekana ngauri vhathu vha hashu vho pwashekana; ndo ṱungufhala, ndo farwa nga nyofho.

ZWILILO 4:8

Hone zwino zwifhaṱuwo zwo swifhala u fhira tshinyai, dzinḓilani a vha ḓihwi. Lukanda lwavho lwo onyana nṱha ha marambo avho; lwo oma unga thanda.

NAHUMI 2:10

Wo ṱangulwa, wo phusukanywa, wo sala u fhedzi! Mbilu dzi a ṋoka, magona a vho tetemela, vhoṱhe vho farwa nga nyofho, zwifhaṱuwo zwoṱhe zwo tswukuluwa nga u tshenuwa.

NAHUMI 2:11

Bako ḽa ndau ḽi ngafhi zwino, fhethu he ha vha hu tshi ḽa vhana vhadzo, he ndau ya nduna na ya tsadzi dza vha dzi tshi ya hone, dza shuvhama dzi sa ofhi tshithu?