JUELE 2:3 - BIVHILI KHETHWA Mafhungo Madifha

³ Phanḓa hadzo mulilo u a lozwa, murahu hadzo khavhu ya mulilo i a fhisa. Phanḓa hadzo shango ḽi nga tsimu ya Edeni, murahu hadzo hu nga phanga i si na tshithu, a hu na tshine tsha dzi ponyoka.

JUELE 2:3 Iomraidhean Croise

GENESI 13:10

Loto a livha-livha a vhona govha ḽoṱhe ḽa Jorodani u swika Tsuara ḽi na maḓi manzhi, ḽi tshi nga Ngade ya Muṋe washu, ya Edeni, ḽi tshi nga shango ḽa Egipita. (Hezwo zwo itea miḓi ya Sodoma na Gomora i sa athu phusukanywa.)

GENESI 2:8

Zwino Muṋe washu Mudzimu o vha o lima tsimu Edeni thungo ya vhubvaḓuvha; henefho a vhea muthu we a mu vhumba.

DZIPHISALEMA 50:3

Mudzimu washu u khou ḓa, ha fhumuli, phanḓa hawe hu na mulilo u lozwaho, o tangwa nga ḓumbu ḽa maanḓa.

DZIPHISALEMA 97:3

Mulilo u mu ranga phanḓa, u fhisa maswina awe thungo dzoṱhe.

EKISODA 10:15

A phapha fhasi mavu a vhuya a tou swifhala ngao, a ḽa zwimela zwoṱhe zwa shango na mitshelo yoṱhe ya miri ye ya vha yo siwa nga tshifhango. Ho vha hu songo tsha sala vhudala kha muri kana tshimela masimuni kha ḽoṱhe ḽa Egipita.

EKISODA 10:5

Dzi ḓo tou phapha fhasi dza ita guma lune na mavu a si tsha ḓo vhonala. Dzi ḓo gunedza zwe zwa ni salela, zwoṱhe zwi songo fhedzwaho nga tshifhango; dzi ḓo ḽa miri yaṋu yoṱhe ine ya mela masimuni.

YESAYA 14:17

Nṋa ndi ene we a lozwa miḓi, shango ḽa sala ḽi phanga? Ndi ene uḽa we a si vhuye a vhofholola mathubwa uri vha humela hayani?’

YESAYA 15:6

Zwisima zwa Nimirimu zwo xa, hatsi ha puta, miri ya fa, a hu tshee na tshidala tsho salaho;

YESAYA 33:4

Inwi Vhaashuru no ṱangulwa thundu dzaṋu zwa nga vhuukhula vhu tshi kaṋa; vhathu vho ni ṱangula zwa nga ho kavha magerere.

YESAYA 51:3

Muṋe washu u ḓo fhumudza Tsioni, matumba awo a a pfela vhuṱungu, phanga dzawo a dzi ita unga Edeni, masoga awo a nga ngade ya Muṋe washu; ngomu hawo hu ḓo takalwa ha pembelwa, ha pfala nyimbo dza thendo na ndivhuho.

YESAYA 9:18

Vhuvhi ha vhathu vhu duga unga mulilo; vhu fhisa muvhi unga mulilo u tshi fhisa luanakha na mitshutshungu, ha mu kumba unga mulilo wa ḓaka u tshi duba buluvhutsi.

YESAYA 9:19

Mbiti dza Muṋe washu Mulangazwoṱhe dzi fhisa shango; vhathu vha swa unga khuni dza mulilo; vha ḽana nga tshavho, a hu na a no ponyokisa wa hawe.

JEREMIA 5:17

Vha ḓo ḽa khaṋo yaṋu ya zwiḽiwa, vha vhulaha vhana vhaṋu vha vhatuka na vha vhasidzana, vha fhedza masambi aṋu a nngu na a kholomo, vha ḽa minḓirivhe yaṋu na mihuyu. Miḓi ya vhushavhelo ine na i fulufhedza vha ḓo i phusukanya nga pfumo.”

ESEKIELE 36:35

Muṅwe na muṅwe u ḓo ri: Shango heḽi a si kale ḽi tshee soga, zwino ḽi vho nga tsimu ya Edeni; miḓi ye ya vhuya ya ṱutshelwa ya sala i matumba, ya phusukanywa, zwino yo no vha vhushavhelo, i vho dzula vhathu.

AMUSI 7:4

Zwiṅwe zwe nda sumbedzwa nga Muṋe washu khezwi: Muṋe wa zwoṱhe Muṋe washu o vha o ḓiimisela u lifhedza vhathu vhawe nga u vha fhisa nga ḓuvha; ḓuvha ḽa xisa maḓi a re fhasi ha mavu, ḽa vho thoma u fhisa na masimu.

HABAKUKU 1:6

Ndi khou ritha Vhakhaladia, havhaḽa vhathu vha vhuhali, vha mahwarahwara, vhane vha swiela ḽifhasi ḽoṱhe vha dzhiela vhaṅwe mahaya avho.

ZAKARIA 7:14

Ndo vha balanganya na dzitshakha nga tshiḓumbumukwe, henefho vha vha vhatsinda, shango ḽavho ḽa sala ḽi si na muthu, hu si na a ḓaho na a ṱuwaho. Shango ḽi tamisaho ndi vhone vho ḽi phusukanyaho ḽa sala ḽi soga.’ ”