JUELE 2:2 - BIVHILI KHETHWA Mafhungo Madifha

² Ndi ḓuvha ḽa swiswi ḽi ṱungufhadzaho, ḓuvha ḽa makole ḽo swifhalaho. Hu khou ḓa mmbi khulu ya maanḓa, i nga mapfuvhi a tshi balangana thavhani, zwi no nga hezwo a zwi athu vhuya zwa vhonwa, a zwi tsha ḓo dovha zwa vhonwa.

JUELE 2:2 Iomraidhean Croise

DZIPHISALEMA 10:6

Mbiluni yawe u ri, “A hu na tshi ḓaho; mirafho i ḓo ṱanḓulukana ndi sa welwi nga khombo.”

DZIPHISALEMA 97:2

O tangwa nga makole na swiswi; khuluṋoni yawe yo tewa kha u fulufhedzea na khaṱhulo mbuya.

EKISODA 10:14

Magerere a ṱanganya shango ḽoṱhe ḽa Egipita, a kavha vhuponi hoṱhe ha Egipita. O vha o andesa, e lutsinga lu sa athu vhuya lwa vhonwa, nahone lune lwa si tsha ḓo dovha lwa vhonwa.

EKISODA 10:6

Dzi ḓo ḓadza nnḓu dzau na dza magota au na dza Vhaegipita vhoṱhe. Zwi ḓo vha zwine vhokhotsi aṋu na vhomakhulukuku waṋu vha sa athu zwi vhona tshee vha dzula shangoni ḽino u swika zwino.’ ” Mushe a rembuluwa a ṱuwa ha Farao.

EKISODA 20:21

Zwenezwo vhathu vha ima kule, Mushe a sendela tsini ha gole ḽitswu ḽe Mudzimu a vha e khaḽo.

YESAYA 5:30

Musi wonoyo vha ḓo vhombela Israele, vha unga sa lwanzhe. Muthu á lavhelesa shango u ḓo vhona swiswi ḽo tou nzwii, tshedza tshó milwa nga swiswi.

YESAYA 8:22

kana vha donolela fhasi, vha si vhone tshi vha farisaho, tshine vha ḓo tshi vhona ndi zwi konḓaho na swiswi – swiswi ḽi ofhisaho ḽine vha khou susumedzwa khaḽo.

JEREMIA 13:16

Hulisani Muṋe washu Mudzimu waṋu a sa athu ḓisa swiswi, milenzhe yaṋu i sa athu khukhulwa thavhani dzi no khou swifhala, na ḓo fulufhela tshedza, hone Ene a tshi shandula swiswi ḽa tou bodo.

JEREMIA 13:6

Ho no fhela maḓuvha manzhi Muṋe washu a mmbudza a ri, “Zwino iyo dzhia iḽa bannda ye nda ri u i dzumbe Pheratha.”

ZWILILO 1:12

“Inwi noṱhe ni no fhira henefha, a ni zwi londi? Edzonu livha-livha ni vhone. Hu na u tambula hu no nga uhu hanga he nda ṱungufhadzwa ngaho, he a nnḓisela uḽa musi wa mbiti dzawe dzi ofhisaho naa?

ESEKIELE 32:7

Musi ndi tshi dzima tshedza tshau ndi ḓo tiba lutombo, nda swifhadza ṋaledzi. Ndi ḓo tiba ḓuvha nga makole ṅwedzi wa si tsha vhonetshela.

ESEKIELE 34:12

Ndi ḓo londola nngu dzanga unga mulisa a tshi londola nngu dzawe dzo balanganaho musi e nadzo. Ndi ḓo dzi lamukisa hoṱhe he dza balanganela hone musi wa khuli na swiswi.

ESEKIELE 38:9

iwe na mmbi yau na tshakha nnzhi dzine wa ḓo vha u nadzo, ni ḓo gonya na tshimbila unga ḓumbu, na tiba shango unga gole.’ ”

DANIELE 12:1

“Misi yeneyo hu ḓo bvelela Mikaele muruṅwa muhulwane ane a londola vhathu vha haṋu. Hu ḓo vha na u tambula huhulu, hu sa vhuyi ha vhambedzwa na he ha vhuya ha vha hone tshee tshakha dza vha hone. Musi tshifhinga tshenetsho tshi tshi swika, vhathu vha haṋu vha ḓo tshidzwa, vhoṱhe vhe madzina avho a ṅwalwa buguni ya Mudzimu.

DANIELE 9:12

Wo khunyeledza maipfi e wa amba wa ri u ḓo rwa riṋe na vhavhusi vhoṱhe vhashu nga u ri ḓisela khombo khulu. Shangoni ḽoṱhe a hu athu vhuya ha itwa zwo itwaho Jerusalema.

JUELE 1:6

Shango ḽanga ḽo dzhenelwa nga luṅwe lushaka, lushaka lwa maanḓa lwo andaho, lwa maṋo a no nga a ndau ya nduna, lwa madungammbwa a no nga a ndau ya tsadzi.

JUELE 2:25

“Ndi ḓo ni lifhela zwa miṅwaha ye na ḽelwa nga nzie, nzie khulu na nzie ṱhukhu na magerere, yone mmbi yanga khulu ye nda i ruma ya ni ḓela.

JUELE 2:31

Ḓuvha ḽi ḓo swifhala, ṅwedzi wa shanduka wa nga malofha, ha konou swika ḓuvha iḽo ḽihulu ḽi ofhisaho ḽa Yahavee.

JUELE 2:5

Dzi fhufha miṱumbani ya dzithavha, ha pfala mubvumo u no nga wa gariki dza nndwa; dzi nga mulilo u thathabaho u tshi fhisa hatsi ho omaho; dzi nga mmbi ya maanḓa i tshi bva pfumo.

JUELE 3:4

“Zwino inwi vha Tiro na Sidoni na inwi vha madzingu oṱhe a Filista, ni khou linga u nnyitani? Kani ni khou nndifhedza zwe nda ni rwa? Arali ni tshi khou nndifhedza, a thi nga lengi, ndi ḓo ṱavhanya nda ni lifhisa nga ṱhoho dzaṋu.

AMUSI 4:13

O vhumba dzithavha, a sika muya; u dzumbululela vhathu mihumbulo yawe, u tswukisa mapfuvhi a ḓisa swiswi, a kanda miṱumbani ya thavha dza ḽifhasi; dzina ḽawe ndi Yahavee Mudzimu Mulangazwoṱhe.

TSEFANIA 1:7

Ni tshete phanḓa ha Muṋe wa zwoṱhe Muṋe washu! Ḓuvha ḽa Muṋe washu ḽi tsini. Vhukuma Muṋe washu o lugisa tshiṱhavhelo, o ḓikhethela vhahali a vha ramba.

ZAKARIA 14:6

Musi wonoyo ḓuvha a ḽi tsha ḓo tsha; a hu tsha ḓo vha na murotho, a hu tsha ḓo vha na mahaḓa.

MATIOSI 24:21

Maṱhupho a misi iyo a ḓo fhira oṱhe o no vhuyaho a vha hone u bva tshee shango ḽa sikwa u swika zwino. Nahone zwine zwa nga zwone a zwi nga dovhi zwa vha hone.

MARKOSI 13:19

U tambula ha misi iyo hu ḓo fhira hoṱhe ho no vhuyaho ha vha hone, tshee Mudzimu a sika shango, na ṋamusi. Nahone zwine zwa nga zwone a zwi nga dovhi zwa vha hone.

DOTORONOMIO 32:7

Edzonu elelwa maḓuvha a kale-kale, ni humbule misi ya vhomakhulukuku, vhudzisani vhokhotsi aṋu vha ni vhudze, ni vhudzise vha kale, vhone vha ḓo ni ṱalutshedza.

VHAHEBERU 12:18

Ni vhone! He na swika hone a si thavhani ya Sinai zwayo ine muthu a nga i kwama, i dugaho mulilo yo tou bodo nga swiswi hu na maḓumbu mahulu,

JUDASI 1:13

Vha nga magabelo a ofhisaho a lwanzhe a fhufhumaho zwiito zwavho zwi shonisaho. Vha nga ṋaledzi dzi tendelekaho lutomboni. Mudzimu o dzula o vha lugisela swiswi ḽi sa gumi ḽo tou ri bodo.

NZUMBULULO 9:2

Ya vula dindi ḽo itaho tshisiku, henefho ha mbo duba vhutsi vhu no nga vhu bvaho ṋanḓoni khulu, ḓuvha na lutombo zwa swifhala nga vhutsi vhu bvaho kha dindi iḽo.