JUELE 2:1 - BIVHILI KHETHWA Mafhungo Madifha

¹ Lidzani phalaphala Tsioni, vhidzelelani ni nṱha ha thavha yanga khethwa! Vhoṱhe vha dzulaho shangoni ḽino nga vha tetemele, ḓuvha ḽa Yahavee ḽi khou ḓa, ee, ḽi tsini.

JUELE 2:1 Iomraidhean Croise

1 KORONIKA 15:28

Vhaisraele vhoṱhe vha dzhia mbulungelo ya Muṋe washu vha vhuya nayo vha tshi khou ṱavha mikosi ya dakalo, hu tshi khou lidzwa ṋanga dza thutha na phalaphala na tshele na madende na dziharipa.

DZIPHISALEMA 119:120

Muṱoḓo wanga u a tumuwa nga u ofha Iwe; ndi ofha khaṱhulo dzau.

DZIPHISALEMA 87:1

Muṋe washu o tea muteo wa muḓi thavhani khethwa;

EKISODA 10:14

Magerere a ṱanganya shango ḽoṱhe ḽa Egipita, a kavha vhuponi hoṱhe ha Egipita. O vha o andesa, e lutsinga lu sa athu vhuya lwa vhonwa, nahone lune lwa si tsha ḓo dovha lwa vhonwa.

YESAYA 13:6

Honḓani, ḓuvha ḽa Muṋe washu ḽi tsini; Ramaanḓaoṱhe u ḓo lozwa zwoṱhe.

YESAYA 13:9

Vhonani, ḓuvha ḽa Muṋe washu ḽi khou ḓa, ḓuvha ḽa tshiṱuhu, ḽa mbiti dzawe dzi ofhisaho, ó sinyuwa; ḽifhasi ḽi ḓo sala ḽi soga; u ḓo lozwa vhatshinyi vha re khaḽo.

YESAYA 2:12

Muṋe washu Mulangazwoṱhe u ḓo ṱukufhadza vhoṱhe vha no ḓihudza na u ḓiḓivha, na vhoṱhe vha re na maanḓa,

YESAYA 66:2

Hufha izwi zwithu zwoṱhe zwo itwa nga tshanḓa tshanga zwa konou vha hone. Ngoyu ane nda mu takalela: ndi ane a ḓiṱukufhadza, wa mbilu ya u ḓisola, ane nda ri u amba a tetemela.

YESAYA 66:5

Ipfani ipfi ḽa Muṋe washu, inwi vhane na ri a tshi amba na tetemela; u ri, “Mashaka aṋu vha a ni vhenga, vha a ni ṱalula nge na vha vhanga, vha ni goḓa vha ri, ‘Nga hu rendwe Yahavee, a ni tonde, ri vhone ni tshi pembela!’ Vhenevho vha ḓo shona.

JEREMIA 16:10

“Arali wa ri u tshi vhudza vhathu havha zwoṱhe hezwi vha u vhudzisa vha ri, ‘Ndi mini Yahavee a tshi amba khombo nngafha i no ḓo ri wela? Ro tshinyani? Yahavee Mudzimu washu ro mu khakhela ngafhi?’

JEREMIA 16:7

A hu na a no ḓo lilisa vhaṅwe nga u vha ḓisela zwiḽiwa; hu o felwaho nga khotsi, he o felwaho nga mme, a hu na a no ḓo mu khuthadza nga u mu ṋea tshinwiwa.

JEREMIA 4:5

Zwi ḓivhadzeni Juda, ni zwi ṱavhele mukosi Jerusalema! Lidzani phalaphala shangoni ḽoṱhe! Ṱavhani mukosi zwi pfale ni ri, “Kuvhanganani! Kha ri shavhele miḓini hu re na vhudzumbamo!”

JEREMIA 5:22

A ni nnyofhi Nṋe Yahavee? A ni ntetemeli? Ndi Nṋe we nda vhea muṱavha uri u vhe mukano wa lwanzhe; lu nga si pfuke lini na lini. Magabelo a nga ḓi takuwa, a nga si zwi kone; a nga ḓi bvuma, a nga si pfuke.

ESEKIELE 12:23

Ndi zwone, vha vhudze u ri, ‘Muṋe wa zwoṱhe Yahavee u ri: Murero hoyu ndi ḓo u fhelisa; a u tsha ḓo dovha wa pfala kha ḽa Israele.’ Iwe vha vhudze u ri, ‘Ḓuvha ḽi tsini, mabono a ḓo ṱuwa a tshi khunyelela.

ESEKIELE 21:12

Iwe ṅwana wa muthu, lila u tou honḓa, ḽi khou ḓa u ḽa vhathu vhanga; ḽi khou ḓela vhavhusi vhoṱhe vha Israele. Vhone na vhathu vhanga vho kumedzwa banga. Zwenezwo irwa khana yau nga u dinalea.

ESEKIELE 30:3

Ndi uri ḓuvha ḽo sendela, ḓuvha ḽa Yahavee ḽi tsini; ḽi ḓo vha ḓuvha ḽo tibwaho nga gole, ḓuvha ḽa u sengisa dzitshakha.

ESEKIELE 33:3

Arali a tshi vhona swina ḽi tshi ḓa u dia shango, tshawe ndi u lidza phalaphala u karusa vhathu.

ESEKIELE 33:6

“ ‘Hone arali mulindi a ri u vhona swina ḽi tshi ḓa u dia shango a si lidze phalaphala yawe, vhathu vha si karuswe, swina ḽa vha wana ḽa vhulaha muṅwe wavho, uyo muthu vhukuma u ḓo fela vhutshinyi hawe, hone mulandu wa lufu lwa uyo muthu Nṋe ndi ḓo u hwesa mulindi.’

ESEKIELE 7:10

“Ḓuvha ngeḽi! Ḽo no swika; khombo yo ni wela; no ri u wana maanḓa, na u ḓihudza ha kalula.

ESEKIELE 7:12

“Tshifhinga tsho swika, ḓuvha ḽo sendela. Murengi a songo takalela tshe a renga, murengisi a songo tsha nga u a ḓisola nge a rengisa, ngauri mbiti dzi ḓo vha wela vhoṱhe.

DANIELE 6:26

Ndi vhea mulayo wa uri hoṱhe muvhusoni wanga vhathu vho fanela u ofha Mudzimu wa Daniele vha mu hulise: “Ndi Mudzimu a tshilaho, u hone lini na lini, muvhuso wawe u nga si lozwiwe, vhuhosi hawe vhu nga si fhele.

DANIELE 9:16

“Yawee Muṋe washu, vhunga u tshi ḓi fulufhedzea, u songo tsha sinyutshela Jerusalema, wone muḓi wau, thavha yau khethwa. Vhoṱhe vho ri tangaho vha nyadza Jerusalema na vhathu vhau nga mulandu wa vhutshinyi hashu na vhuvhi ha vhokhotsi ashu.

DANIELE 9:20

Musi ndi tshi kha ḓi amba, ndi tshi kha ḓi rabela, ndi tshi khou swikisa khumbelo yanga phanḓa ha Muṋe washu Mudzimu wanga ndi tshi rabelela thavha khethwa ya Mudzimu wanga,

HOSIA 5:8

“Lidzani phalaphala muḓini wa Gibia, Rama ni lidze luṋanga. Bethavene hu pfale mukosi wa nndwa. Iwe Benyamini, swina ḽo u sala murahu.

HOSIA 8:1

Muṋe washu u ri, “Lidzani phalaphala! Goni ḽi khou fhufha nṱha ha Israele nnḓu ya Yahavee. Ndi nge vhathu vha vhofholola mulanga wanga vha shandukela mulayo wanga.

JUELE 1:15

Musi uyo u ofhisa hani! Vhukuma ḓuvha ḽa Muṋe washu ḽi tsini; ḽi ḓo ḓa unga ndozwo ya Ramaanḓaoṱhe.

JUELE 2:11

Muṋe washu u a bvuma e phanḓa ha mmbi yawe, mara awe ha na mbalo, vhane vha mu thetshelesa vha na maanḓa. Ḓuvha ḽa Muṋe washu ndi ḽihulu, ḽi a ofhisa. Ndi nnyi ane a nga ḽi konḓelela?

JUELE 2:15

Lidzani phalaphala ni Tsioni, ḓivhadzani ḓuvha ḽikhethwa ḽa u ḓidzima, ni vhidze tshivhidzo tshikhethwa.

JUELE 2:31

Ḓuvha ḽi ḓo swifhala, ṅwedzi wa shanduka wa nga malofha, ha konou swika ḓuvha iḽo ḽihulu ḽi ofhisaho ḽa Yahavee.

JUELE 3:14

Govhani ḽa Khaṱhulo hu na magogo na magogo! Ḓuvha ḽa Muṋe washu ḽi tsini henefho Govhani ḽa Tsengo.

JUELE 3:17

“Ndi hone ni tshi ḓo zwi ḓivha uri ndi Nṋe Yahavee Mudzimu waṋu, ndi dzula Tsioni thavhani yanga khethwa. Jerusalema u ḓo vha mukhethwa, a u tsha ḓo dovha wa diwa nga vhatsinda.”

AMUSI 3:6

Phalaphala ya nndwa i nga lila muḓini vhathu vha sa tetemele naa? Musi khombo i tshi wela muḓi a si Muṋe washu o zwi itaho naa?

AMUSI 5:18

Ni ḓo zwi vhona inwi no lavhelelaho ḓuvha ḽa Muṋe washu! Ndi mini ni tshi lavhelela ḓuvha ḽa Muṋe washu? Ḽi nga si vhe ḽa tshedza, ḽi ḓo vha ḽa swiswi.

AMUSI 8:2

Muṋe washu a vhudzisa a ri, “Amusi, u khou vhona mini?” Nṋe nda fhindula nda ri, “Ndi khou vhona tshirundu tsho fara mitshelo yo vhibvaho.” Ndi hone Muṋe washu a tshi mmbudza a ri, “Tshifhinga tsho swika tsha uri vhathu vhanga vha Israele vha lozwiwe, a thi tsha ḓo litsha u vha rwela vhutshinyi havho.”

OBADIA 1:15

“Vhukuma ḓuvha ḽa Yahavee ḽa u haṱula dzitshakha ḽo swika. Iwe Edomu u ḓo itwa zwenezwo zwe wa ita vhaṅwe, zwiito zwau zwi ḓo u ḽa ṱhoho.

TSEFANIA 1:14

Ḓuvha ḽihulu ḽa Muṋe washu ḽi tsini; ḽi tsini, ḽi khou ḓa nga luvhilo! Tshililo nga ḓuvha ḽa Muṋe washu tshi ḓo ṱungufhadza; vhahali vha ḓo ṱavha mukosi wa nndwa!

TSEFANIA 1:16

ḓuvha ḽa phalaphala i tshi lila hu tshi pfala mukosi wa nndwa, hu tshi diwa miḓi yo tingeledzwaho nga mutsheṱo, na thawara ndapfu.

TSEFANIA 1:7

Ni tshete phanḓa ha Muṋe wa zwoṱhe Muṋe washu! Ḓuvha ḽa Muṋe washu ḽi tsini. Vhukuma Muṋe washu o lugisa tshiṱhavhelo, o ḓikhethela vhahali a vha ramba.

TSEFANIA 3:11

Musi wonoyo a ni tsha ḓo shona ni tshi humbula zwoṱhe zwe na nkhakhela ngazwo, ngauri vhaṱongi vhau vhoṱhe vha u ḓihudza ndi ḓo vha ndo vha bvisa muḓini. Thavhani yanga khethwa a ni tsha ḓo dovha na ḓihudza.

ZAKARIA 14:1

Ḓuvha ḽi a ḓa ḽine Muṋe washu a ḓo ita uri maswina aṋu a ni ṱangule thundu a dzi kovhekane henefho muḓini.

ZAKARIA 8:3

Muṋe washu u ri, “Ndi ḓo vhuelela Tsioni nda dzula Jerusalema. Ndi hone Jerusalema u tshi ḓo pfi ‘Muḓi u fulufhedzeaho’, thavha ya Yahavee Mulangazwoṱhe ya pfi ‘Thavha Khethwa.’ ”

MALAKIA 4:1

Muṋe washu Mulangazwoṱhe u ri, “Vhukuma ḓuvha ḽi khou ḓa; ḽi ḓo fhisa unga ṋanḓo. Vhoṱhe vhadzia-u-ḓihudza na vhaitazwivhi vha ḓo nga maṱanga, ḓuvha heḽo ḽi no khou ḓa ḽi ḓo vha fhisa nga mulilo. A hu nga sali mudzi wavho kana davhi ḽavho.

NUMERI 10:2

“Ita phalaphala mbili dza siliva yo fuliwaho dzine wa ḓo vhidza vhathu ngadzo uri vha kuvhangane, na musi hu tshi ṱokololwa mishasha.

NUMERI 10:3

Arali phalaphala dzoṱhe vhuvhili hadzo dzi tshi lidzwa ha lapfiswa mubvumo, vhathu vhoṱhe vha kuvhangane muṋangoni wa dennde ya u ṱangana na Nṋe.

1 VHAKORINTA 14:8

Na lufhalafhala arali lu sa bvisi ipfi ḽi pfalaho ndi nnyi ane a ḓo ṱuṱula pfumo?

VHAFILIPI 2:12

Zwino-ha vhafunwa, musi ndi na inwi ngeo no vha ni tshi ḓi mpfa. Ndi zwone, dzulani ni tshi ḓi mpfa naho ndi ngeno, u fhira na musi ndi ngeo. Ndi ri inwi vhaṋe isani phanḓa mushumo wa u tshidzwa haṋu, ni ralo nga nyofho na khuliso,

1 VHATHESALONIKA 5:2

Hufha inwi vhaṋe ni tshi zwi ḓivha zwavhuḓivhuḓi uri Muṋe washu musi a tshi vhuya u ḓo ḓa sa fobvu ḽi tshi ḓa vhusiku ḽi songo lindelwa.

JAKOPO 5:8

Na inwi zwi songo vhuya zwa ni dina, khwaṱhisani mbilu dzaṋu; hufha tshifhinga tsha u vhuya ha Muṋe washu tsho no vha tsini.

1 PITROSI 4:7

Vhufhelo ha zwoṱhe ho no sendela; zwenezwo ni tshile nga u ḓifara, no fhaṱuwa, uri ni kone u rabela.

NZUMBULULO 6:17

Ḓuvha ḽavho ḽihulu ḽa khaṱhulo ḽo swika; ḽi nga konḓelelwa nga nnyi?”