JUELE 1:4 - BIVHILI KHETHWA Mafhungo Madifha

⁴ Zwo siwaho nga lutsinga lwa nzie zwo ḽiwa nga nzie khulu. Zwo siwaho nga nzie khulu zwo ḽiwa nga nzie ṱhukhu. Zwo siwaho nga nzie ṱhukhu zwo fhedziswa nga magerere.

JUELE 1:4 Iomraidhean Croise

1 MAHOSI 8:37

“Arali ha wa nḓala fhano shangoni kana dwadze kana zwiliṅwa zwa fhiswa nga muya kana zwa ḽiwa nga magerere kana vhathu vhau vha diwa nga maswina kana ha vha na vhulwadze kana vha farwa nga mudinyane,

2 KORONIKA 6:28

“Musi fhano shangoni hu tshi wa nḓala kana ha vha na dwadze kana done kana muunda kana magerere kana vhuukhula kana musi vhathu vha tshi govhelwa nga maswina miḓini yavho kana vha welwa nga khombo iṅwe-vho kana vha farwa nga vhulwadze,

2 KORONIKA 7:13

Musi ndi tshi vala ḽiṱaḓulu mvula ya si tsha na, kana nda ruma magerere a ḓa a ḽa zwimela masimuni, kana nda ḓisela vhathu vhanga dwadze,

DZIPHISALEMA 105:34

a amba ha wa magerere, ha ḓa vhuukhula vhu si na mbalo,

DZIPHISALEMA 78:46

mavhele avho a ḽiwa nga magerere, zwibveledzwa zwavho zwa fhedzwa nga nzietshikume.

EKISODA 10:4

Arali wa hana vhathu vhanga vha tshi ṱuwa, izwo matshelo ndi ḓo ḓisa nzie dza magerere shangoni ḽau.

EKISODA 10:5

Dzi ḓo tou phapha fhasi dza ita guma lune na mavu a si tsha ḓo vhonala. Dzi ḓo gunedza zwe zwa ni salela, zwoṱhe zwi songo fhedzwaho nga tshifhango; dzi ḓo ḽa miri yaṋu yoṱhe ine ya mela masimuni.

YESAYA 33:4

Inwi Vhaashuru no ṱangulwa thundu dzaṋu zwa nga vhuukhula vhu tshi kaṋa; vhathu vho ni ṱangula zwa nga ho kavha magerere.

JEREMIA 51:14

Muṋe washu Mulangazwoṱhe o ana nga Ene muṋe a ri, “Vhukumakuma ndi ḓo ni ḓisela vhathu vha tou ḓala, vha nga lutsinga lwa nzie, vha ḓo ni ṱavhela mukosi wa gundo.”

JEREMIA 51:27

“Imisani tshiphuga tsha nndwa shangoni! Lidzani phalaphala vhukati ha dzitshakha! Lugisani tshakha dzi yo lwa nawo, u rambeleni mivhuso heino: Ararathi na Mini na Ashkenasi. Nangani mulangammbi a lwe nawo; rumelani dzibere dzi ande unga guma ḽa nzie.

JUELE 2:25

“Ndi ḓo ni lifhela zwa miṅwaha ye na ḽelwa nga nzie, nzie khulu na nzie ṱhukhu na magerere, yone mmbi yanga khulu ye nda i ruma ya ni ḓela.

AMUSI 4:9

Muṋe washu u ri, “Ndo ni rwa nga u fhedza mavhele nga gomelelo na done, nda putisa zwikovha zwaṋu na masimu aṋu a minḓirivhe, mihuyu na miolivi yaṋu ya fhedzwa nga magerere. Naho zwo ralo a no ngo vhuya kha Nṋe.”

AMUSI 7:1

Muṋe wa zwoṱhe Muṋe washu o ntsumbedza hezwi: O vha a tshi khou sika lutsinga lwa magerere musi hatsi ha khosi ho no haḓiwa, hezwi mutomba u tshi tou thoma u runga.

MALAKIA 3:11

Ndi ḓo kaidza nzie dzi si ḽe zwiliṅwa zwaṋu; minḓirivhe masimuni aṋu a i nga moḓisi. Hu amba Nṋe Yahavee Mulangazwoṱhe.

DOTORONOMIO 28:38

“Ni ḓo gobela mbeu nnzhi na kaṋa zwiṱuku, ngauri zwi ḓo ḽiwa nga magerere.

DOTORONOMIO 28:42

Miri yaṋu yoṱhe na mavhele oṱhe zwi ḓo sala zwi tshi ḽiwa nga zwikhokhonono.