JUELE 1:10 - BIVHILI KHETHWA Mafhungo Madifha

¹⁰ Masimu o sala e swoto, mavu a khou lila, mavhele o fhela, waini a i tsha wanala, a hu tshee na mapfura.

JUELE 1:10 Iomraidhean Croise

GENESI 4:12

U ḓo ri u tshi lima mavu a si tsha u ṋea zwiḽiwa. U ḓo tendeleka na ḽifhasi u sa aweli.”

YESAYA 15:6

Zwisima zwa Nimirimu zwo xa, hatsi ha puta, miri ya fa, a hu tshee na tshidala tsho salaho;

YESAYA 24:11

Mikotoni vha ṱavha mikosi nga u shaya waini, dakalo ḽo ṱuwa tshoṱhe, ḽo thathwa shangoni.

YESAYA 24:7

Minḓirivhe i a puta, na waini i vho shaea, we a vha e na dakalo u vho gomela.

JEREMIA 12:11

Ḽo itwa soga nda vhona ḽi si na muthu; shango ḽoṱhe ḽi ḓo vha soga, hone a hu na a no zwi londa.

JEREMIA 12:4

Shango ḽi ḓo lila nga gomelelo u swika lini? Hatsi ha masimuni ho puta u swika lini? Na dziphukha na zwiṋoni zwi a lovha nga mulandu wa vhuvhi ha vha dzulaho khaḽo. Hone vhone vha khou ri, “Jeremia a nga si vhone riṋe ri tshi lovha.”

JEREMIA 48:33

Mirini ya mitshelo na masimuni a Muaba a hu tshee na dakalo na mifhululu. Ndo kaṱudza waini i no ela i tshi bva bonḓeloni; a hu na ane a dzi suka o takala a tshi fhululedza.

HOSIA 4:3

Ndi zwine shango ḽa oma, zwoṱhe zwi dzulaho khaḽo zwi a ṋoka, phukha dza ḓaka na zwiṋoni na dzone khovhe, zwi khou fhela.”

HOSIA 9:2

Luvhata lwa u fhulela na bonḓelo a zwi nga fushi vhathu, waini ya tuvhu a vha nga i wani.

JUELE 1:12

Minḓirivhe yo oma, mihuyu yo puta; migranada na mitshevho na miapula – miri yoṱhe ya tsimuni yo oma. Vhukuma dakalo ḽa vhathu ḽo fhela.

JUELE 1:5

Vuwani ni lile, inwi zwidakwa! Honḓani noṱhe inwi vhanwi vha waini, lilelani waini, yo dzhavhuliwa mulomoni waṋu.

JUELE 2:19

Muṋe washu a vha fhindula a ri, “Ndi ḓo ni ṋea mavhele na waini ya tuvhu na mapfura, zwine na ḓo kona u ḽa na fura. A thi tsha ḓo dovha nda ni nyadzisa nga dzitshakha.

LIVITIKO 26:20

U ḓinetisa haṋu nga u shuma hu ḓo sokou vha mahandana, zwine na zwala shangoni ḽaṋu zwi nga si vhibve, na miri i nga si aṋwe mitshelo.

HABAKUKU 3:17

Naho muhuyu u sa kulukushi, munḓirivhe u sa aṋwi mitshelo, muolivi u sa vhibvisi tshithu, masimu a si na zwiḽiwa, nngu dzi sa tsha vha hone, madanga a kholomo a sala a si na tshithu,

HAGAI 1:11

Ndo ri hu vhe na gomelelo masimuni na dzithavhani, ni kundwe u wana waini ya tuvhu na mapfura na zwoṱhe zwi bveledzwaho nga mavu na vhathu na kholomo na zwine zwanḓa zwa shuma.”

MALAKIA 2:3

Ndi ḓo pfisa vhana vhaṋu vhuṱungu nga mulandu waṋu; ndi ḓo ni shata khofheni nga muswane wa zwiṱhavhelo zwa vhuṱambo haṋu, nahone ndi ḓo bvisa Livi tshiimoni tshawe.