JOSHUA 9:9 - BIVHILI KHETHWA Mafhungo Madifha

⁹ Ndi hone vha tshi mu zwifhela vha ri, “Ri bva shangoni ḽa kule-kule muṋe washu, ro pfa zwa Yahavee Mudzimu waṋu. Ro pfa zwoṱhe zwe a ita Egipita

JOSHUA 9:9 Iomraidhean Croise

1 MAHOSI 8:41

“Arali mutsinda ane a dzula shangoni ḽa kule a pfa bvumo ḽau na zwithu zwihulu zwe wa itela vhathu vhau, a ḓa a u luvha, a rabela thembeleni hei,

NEHEMIA 9:5

Vhalivi vhe vha ri vhathu vha luvhe ndi Jeshua na Kadamiele na Bani na Hashabania na Sherebia na Hodia na Shebania na Phethahia. Vha ri, “Takuwani ni rende Muṋe washu Mudzimu waṋu; mu rendeni lini na lini! Muṅwe na muṅwe nga a rende dzina ḽawe ḽa vhugala, naho thendo na zwikhoḓo zwa muthu zwi songo eḓana u mu renda.”

DZIPHISALEMA 148:13

Vhoṱhe nga vha rende dzina ḽa Muṋe washu, dzina ḽawe ndi ḽihulu ḽi ḽoṱhe, vhugala hawe vhu alama ḽifhasi na ḽiṱaḓulu!

DZIPHISALEMA 72:19

Nga hu rendwe dzina ḽawe ḽa vhugala lini na lini! Ngavhe vhugala hawe vhu tshi ḓadza shango ḽoṱhe! AMEN! AMEN!

DZIPHISALEMA 78:12

O ita maḓembe vhokhotsi avho vha tshi zwi vhona, shangoni ḽa Egipita, mudavhini wa Tsuani.

DZIPHISALEMA 83:18

Ndi hone vha tshi ḓo ḓivha uri u pfi Muṋe washu, Waṱaḓuluṱaḓulu, Muṋe wa ḽifhasi ḽoṱhe, ndi Iwe u woṱhe.

EKISODA 15:14

Tshakha dzi tshi pfa zwenezwo, dzi a tetemela; Vhafilista vha farwa nga nyofho.

EKISODA 9:16

Hone ndo ni litsha na tshila ndi tshi itela uri ni vhone maanḓa anga na uri bvumo ḽanga ḽi pfale ḽifhasi ḽoṱhe.

YESAYA 55:5

Zwino vhonani, na inwi ni ḓo vhidza tshakha dza vhatsinda, tshakha dze dza vha dzi sa ni ḓivhi dzi ḓo ḓa ha inwi nga luvhilo, nga u vhona vhugala he nda ni ṋea, Nṋe Yahavee Mudzimu waṋu, Mukhethwa wa Israele.”

YESAYA 66:19

Ndi ḓo vha vhetshela tshiga, vhaṅwe vhane vha sala u fa ndi ḓo vha ruma dzitshakhani, vha ya Tharashishi, Phuthi, Lidia, Meshekhe, Thubala, Giriki, na mashangoni a kule kha vha sa athu pfa bvumo ḽanga kana vha vhona vhugala hanga, vha ḓivhadza dzitshakha vhugala hanga.

NUMERI 14:15

Zwino arali wa vhulaha vhathu vhau vhoṱhe, tshakha dze dza pfa bvumo ḽau dzi ḓo ri,

NUMERI 20:14

Mushe a ruma vhaḓinḓa vha tshi bva Kadeshe vha ya ha khosi ya Edomo, vha swika vha ri, “Ndi riṋe mashaka avho, vha matsinde a Israele. Vhone vha a ḓivha u tambula hashu,

MISHUMO 8:7

Thuṅwa dza Saṱhane dza bva kha vhathu vhanzhi dzi tshi tshema, ha fhodzwa na vhanzhi vho omaho miraḓo, na zwihole;

DOTORONOMIO 20:11

Arali vha tshi tenda u pfumedzana vha ni vulela khoro, vhadzulapo vhoṱhe vha muḓi vha ḓo vha phuli dzaṋu, ni vha kombetshedze u ni shumela.

DOTORONOMIO 20:15

Ndi zwone zwine na ḓo ita miḓi yoṱhe i re kule-kule na shango ḽa haṋu, i si miḓi ya Vhakanana havha.

JOSHUA 9:10

na zwe a ita mahosi a Vhaamori vhubvaduvha ha Jorodani: Sihoni khosi ya Hesheboni na Ogo khosi ya Bashani we a vha a tshi dzula Ashtharotho.

JOSHUA 9:16

Musi ho fhela maḓuvha mararu vhó no vhofha mulanga, Vhaisraele vha zwi pfa uri vhukuma avho vhathu vha dzula henefho tsini.

JOSHUA 9:17

Zwenezwo Vhaisraele vha takuwa vha fara lwendo, ho fhela maḓuvha mararu vha swika miḓini hune ha dzula avho vhathu: Gibioni na Khefira na Bierotho na Kiriathi Jiarimu.

JOSHUA 9:24

Vhone vha fhindula vha ri, “Ro ita nga u ralo muṋe wanga, nge ra pfa uri vhukumakuma ndi ngoho uri Yahavee Mudzimu wavho o vhudza muḓinḓa wawe Mushe uri a ni ṋee shango ḽoṱhe, ni vhulahe vhathu vha no dzula khaḽo musi ni tshi swika. Ro vha ri tshi ni ofha, ro vha ri tshi ofha uri ri ḓo fa, ndi zwe ra ita nga u ralo.