JOSHUA 9:14 - BIVHILI KHETHWA Mafhungo Madifha

¹⁴ Vhanna vha Israele vha ṱanganedza zwiṅwe zwiḽiwa zwa vhenevho, hone vha si range u vhudzisa Muṋe washu ayo mafhungo.

JOSHUA 9:14 Iomraidhean Croise

2 SAMUELE 2:1

Ngavhuya Dafita a vhudzisa Muṋe washu a ri, “Ndi gonye ndi ye kha muṅwe wa miḓi ya Juda?” Muṋe washu a fhindula a ri, “Ee, tshimbila.” Dafita a vhudzisa a ri, “Ndi ye ngafhi?” Muṋe washu a fhindula a ri, “Iya Hebroni.”

2 SAMUELE 5:19

Ndi hone Dafita a tshi vhudzisa Muṋe washu a ri, “Ndi ṱuwe ndi yo lwa na Vhafilista? Iwe u ḓo vha kumedza zwanḓani zwanga?” Muṋe washu a fhindula a ri, “Tshimbila, vhukumakuma ndi ḓo kumedza Vhafilista zwanḓani zwau.”

ESRA 8:21

Henefho tsini ha ḽigero ḽa Ahava, ndo ḓivhadza vhathu uri vha ḓidzime zwiḽiwa, uri ri kone u ḓiṱukufhadza phanḓa ha Mudzimu washu, ri mu humbele uri a ri tsireledze lwendoni lwashu, riṋe na vhana vhashu na thundu yashu.

EKISODA 28:30

Kha itsho tshipilakhana tsha u haṱula u nambatedze na madeṅwa makhethwa uri Aroni a vhe e nazwo khanani yawe musi a tshi dzhena hune Nṋe Yahavee nda vha hone. Zwenezwo Aroni a tshi ḓa phanḓa ha Nṋe Yahavee, khanani yawe u ḓo dzula o ambara tshine tsha nga mu farisa u haṱula Vhaisraele.

NUMERI 27:21

U ḓo ḓitika nga tshifhe Eliasara; onoyo u ḓo ḓivha nga madeṅwa makhethwa zwine nda zwi funa, a endedza Joshua na vhathu vhoṱhe vha Israele mafhungoni avho oṱhe.”

JAKOPO 1:5

Hone arali hu na muṅwe waṋu a shayaho vhuṱali kha a humbele Mudzimu, u ḓo mu ṋea. Mudzimu ndi mapakulile, Ene u ḓi ri ṋea roṱhe a sa gunguli.

JOSHUA 9:13

Musi ri tshi panga mikumba hei ya waini yo vha i miswa, zwino nga vha dzou vhona, yo no ṱahala. Zwiambaro zwashu na navhula zwo ṱahala nge ra tshimbila lwendo lulapfu.”

VHARANGAPHANḒA 1:1

Musi Joshua o no fa Vhaisraele vha vhudzisa Muṋe washu vha ri, “Ndi vhafhio vha matsinde ashu vho fanelaho u vha vhone vha u ranga u yo dia Vhakanana?”

VHARANGAPHANḒA 20:18

Vhaisraele vha ya fhethu hune ha luvhiwa hone Bethele, vhe henefho vha vhudzisa Mudzimu vha ri, “Ndi vha tsinde ḽifhio vhane vha fanela u thoma u lwa na vhathu vha Benyamini?” Muṋe washu a fhindula a ri, “Ndi Juda.”

VHARANGAPHANḒA 20:28

Finiasi ṅwana wa Eliasara ṅwana wa Aroni e ene a shumelaho Muṋe washu henefho. Vha vhudzisa vha ri, “Ri dovhe ri gonye ri yo lwa na vha hashu vhathu vha Benyamini kana ri songo ya naa?” Muṋe washu a fhindula a ri, “Iyani. Matshelo ndi ḓo vha kumedza zwanḓani zwaṋu.”

1 SAMUELE 22:10

Ahimelekhe a mu vhudzisela kha Muṋe washu, a ita na u mu ṋea mbuvha na banga ḽa Goliada wa Mufilista.”