JOSHUA 9:11 - BIVHILI KHETHWA Mafhungo Madifha

¹¹ Vharangaphanḓa vhashu na vhathu vhoṱhe vha no dzula shangoni ḽa hashu vho ri vhudza uri ri lugise mbuvha ya lwendo, ri ḓe ri ṱangane na vhone. Ro vhudzwa uri ri vhe vhalanda vhavho, ri vha humbele uri vha vhofhe mulanga na riṋe.

JOSHUA 9:11 Iomraidhean Croise

GENESI 43:12

Ni fare na tshelede i no lingana na iḽa kavhili, ngauri no fanela u humisa tshelede iḽa yo longwaho milomoni ya saga dzaṋu. Khamusi vho tou khakha.

2 MAHOSI 10:5

Ndi hone gota ḽine ḽa langa pfamo na muvhusi wa muḓi na vhahulwane na vhaṱunḓeli vha tshi swikisa mafhungo ha Jehu vha ri, “Riṋe ri vhalanda vhavho, ri ḓo ita zwoṱhe zwine vhone vha amba. A ri nga vhuyi ra vhea muṅwe muthu a vha khosi, vhone nga vha ite zwine vha vhona zwo fanela.”

ESTERE 8:17

Miḓini yoṱhe na madzinguni oṱhe he ha vhalwa ndaela ya khosi, Majuda vha takala vha pembela vha ita vhuṱambo, vha ḽa. Vhathu vhanzhi vha dziṅwe tshakha vha vha Majuda nge vha vha vho farwa nga nyofho dza u ofha Majuda.

LUKASI 9:3

a amba navho a ri, “Ni songo vhuya na ṱuwa na tshithu musi ni tshi fara lwendo, naho lu lubaḓa kana u mukhwama wa u fara thundu, kana zwiḽiwa kana tshelede; na hemmbe dzi songo swika mbili.

JOSHUA 1:11

uri vha tshimbile na mishasha, vha vhudze vhathu vha ri, “Lugisani mbuvha, ho sala maḓuvha mararu ni tshi wela mulambo wa Jorodani na dzhia shango ḽine Muṋe washu Mudzimu waṋu a ni ṋea uri ḽi vhe ḽaṋu.”

JOSHUA 9:10

na zwe a ita mahosi a Vhaamori vhubvaduvha ha Jorodani: Sihoni khosi ya Hesheboni na Ogo khosi ya Bashani we a vha a tshi dzula Ashtharotho.

JOSHUA 9:12

Kha vha dzou vhona vhurotho hashu. Musi ri tshi takuwa naho hayani, ri tshi fara lwendo lwa u ḓa u ṱangana navho, ho vha vhu tshi kha ḓi dudela. Hone nga vha dzou vhona, zwino ho no oma, ho no tou tshakekana.

JOSHUA 9:8

Vhone vha vhudza Joshua vha ri, “Riṋe ri vhalanda vhavho.” Joshua a vha vhudzisa a ri, “Ndi inwi vhonnyi? Ni bva ngafhi?”