JOSHUA 8:8 - BIVHILI KHETHWA Mafhungo Madifha

⁸ Nó no thuba uyo muḓi ni u fhise nga mulilo, nga he Muṋe washu a ri laya. Ni ite nga u ralo.”

JOSHUA 8:8 Iomraidhean Croise

2 SAMUELE 13:28

Abisalomo a laya vhanna vhawe a ri, “Thetshelesani! Musi Amunoni o fura waini o takala, nda ni vhudza nda ri, ‘Vhulahani Amunoni!’ zwenezwo ni mbo ḓi mu vhulaha. Ni songo ofha tshithu, hufha no laiwa nga nṋe. Imani no khwaṱha.”

DOTORONOMIO 20:16

Miḓi ya tshakha idzi ine Muṋe washu Mudzimu waṋu a ni ṋea uri i vhe yaṋu, khayo ni songo litsha tshithu na si vhulahe,

JOSHUA 1:16

Vhone vha fhindula Joshua vha ri, “Ri ḓo ita zwoṱhe zwe vha ri vhudza; hoṱhe hune vha ri ruma ri ḓo ya.

JOSHUA 1:9

Asizwo-ha, ndo u vhudza nda ri u vhe na nungo u ime wo khwaṱha! U songo ofha tshithu, u songo kulea nungo, Nṋe Yahavee Mudzimu wau ndi na iwe hoṱhe-hoṱhe hune wa ya.”

JOSHUA 6:24

Ndi hone vha tshi fhisa uyo muḓi, vha u fhisa we lore khathihi na zwoṱhe zwi re ngomu hawo, vha sia zwo itwaho nga musuku na siliva na musinaseṱha na tsimbi ya ngweḓi, zwenezwo vha zwi dzhia vha zwi vhulunga tshisikuni tsha lupfumo lwa Muṋe washu.

JOSHUA 8:13

Vhahali vha dzudzanyelwa u lwa, vhoṱhe vha re mishashani devhula ha muḓi na vho lalelaho vhukovhela hawo. Joshua a mbo tsela govhani a lala henefho.

JOSHUA 8:2

U ite muḓi wa Ai na khosi yawo zwenezwiḽa zwe wa ita muḓi wa Jerikho na khosi yawo, hone zwino, ni nga ḓi dzhia thundu dzawo na zwifuwo zwa vha zwaṋu. Ḓilugiseni uri ni lalele muḓi uyo vhá songo vhuya vha humbula, ni vha ḓe nga murahu.”

JOSHUA 8:22

Vhaisraele vhe vha vha vhe ngomu muḓini zwino vha tsela fhasi vha ḓibaḓekanya na iyo mmbi. Zwenezwo vhanna vha Ai vha wana vho tangwa tshoṱhe nga Vhaisraele, vha vhulawa vhoṱhe. A hu na we a ponyoka, a hu na we a tshila,

JOSHUA 8:28

Joshua a fhisa muḓi wa Ai a u sia u matumba. U tshee wo ralo na ṋamusi.

JOSHUA 8:7

Ndi hone inwi ni tshi ḓo takuwa he na vha dzumbama, na thuba muḓi. Muṋe washu Mudzimu waṋu u ḓo ni kumedza wone.

JOSHUA 8:9

Ndi hone Joshua a tshi vha ruma, vha ya vhudzumbamoni havho, vha lindela vhe henefho, vhukovhela ha muḓi wa Ai, vhukati ha Ai na Bethele. Joshua a lala na mmbi iḽa iṅwe.

VHARANGAPHANḒA 4:6

Muṅwe musi a vhidzisa Baraka ṅwana wa Abinuamu wa muḓini wa Kedeshe kha ḽa Nafuthali, a amba nae a ri, “Muṋe washu Mudzimu wa Israele u khou u laya u ri, ‘Dzhia vhanna vha 10 000 kha matsinde a Nafuthali na Zebuloni u vha ise thavhani ya Thaboro.