JOSHUA 8:35 - BIVHILI KHETHWA Mafhungo Madifha

³⁵ A ho ngo vha na ndayo na nthihi ya Mushe ye Joshua a si i vhalele tshivhidzo tshoṱhe. Ḽo vha ḽo angaredza na vhasadzi na vhana na vhatsinda vhe vha vha vha tshi dzula navho.

JOSHUA 8:35 Iomraidhean Croise

ESRA 10:1

Musi Esra a tshi khou rabela, a tshi khou bula zwivhi, ó tsengisa miṱodzi, ó ḓiposa fhasi phanḓa ha nnḓu ya Mudzimu, ha kuvhangana gogo ḽihulu ḽa Vhaisraele hune a vha hone, vhanna na vhasadzi na vhana. Na vhone vha lila lu ṱungufhadzaho.

NEHEMIA 8:2

Ndi hone nga ḓuvha ḽa u ranga ḽa ṅwedzi wa vhuṱanu na vhuvhili tshifhe Esra a tshi ḓisa Mulayo tshivhidzoni tsha vhanna na vhasadzi na vhana vho thanyaho.

NEHEMIA 8:3

Henefho tshikweani tsini ha khoro a vha vhalela Mulayo, a thoma ḽi tshi tsha a vhala u swika masiari tshivhangalala, vhoṱhe vha thetshelesa zwavhuḓi.

EKISODA 12:38

Na vhaṅwe vhathu vha si Vhaisraele vha baḓekana navho vhe vhanzhi, vha tshi khou khada masambi avho a nngu na mbudzi na kholomo dzi si na vhukono.

JEREMIA 26:2

“Yahavee u ri, ‘Ima muṱani wa nnḓu yanga u ambe na vhathu vhoṱhe vha miḓi ya Juda vhane vha ḓa vha tshi luvha nḓuni yanga. Vha vhudze zwoṱhe zwe nda ri u zwi ambe; u songo siedza na ipfi na ḽithihi.

JUELE 2:16

Kuvhanganyani vhathu, vha vhe tshivhidzo tsho ḓikhethelaho Mudzimu; kuvhanganyani vhahulwane; kuvhanganyani vhana, na vhane vha kha ḓi mama! Mukwasha nga a bve-vho rumuni yawe a ḓe, na muselwa nga a bve nḓuni.

ZAKARIA 8:23

Muṋe washu Mulangazwoṱhe u ri, “Misi yeneyo vhathu vha fumi vha no bva kha vhathu vha nyambo dzoṱhe na tshakha dzoṱhe vha ḓo nambatela Mujuda muthihi vha mu fara nga lupendelo lwa khanzu yawe vha ri, ‘Ri a ṱuwa-vho na inwi; ro pfa upfi Mudzimu u na inwi!’ ”

MARKOSI 10:14

Yesu a tshi zwi vhona a dinalea, a vhudza vhafunziwa vhawe a ri, “Litshani vhana vha ḓe kha Nṋe. Ni songo vha dzivhisa, ngauri vhane vha ḓo dzhena muvhusoni wa Mudzimu ndi vha no nga vhenevha.

MISHUMO 20:27

ngauri nṋe a hu na tshe nda ni dzumbela ndi tshi ḓivhadza zwe Mudzimu a dzula o dzudzanya.

MISHUMO 21:5

Ho ḓo ri tshifhinga tshi tshi swika ra dovha ra dzhena nḓilani. Ri tshi ṱuwa afho muḓini vhoṱhe vha ri bvisa, vhó tou bva na vhasadzi na vhana. Khunzikhunzini ya lwanzhe ra gwadama muṱavhani ra rabela.

DOTORONOMIO 29:10

“Ṋamusi no ima phanḓa ha Muṋe washu Mudzimu waṋu. Noṱhe ni fhano: vharangaphanḓa, matsinde oṱhe, vhahulwane, vhakoma – vhoṱhe vha re Vhaisraele,

DOTORONOMIO 29:11

khathihi na vhana vhaṋu na vhasadzi na vhatsinda vhane na dzula navho, vhareḓi vha khuni na vhaki vha maḓi, vhoṱhe.

DOTORONOMIO 29:9

Vhulungani-ha milayo ya mulanga uyu ni i tevhedze, ndi hone zwoṱhe zwine na ita zwi tshi ḓo ni nakela.

DOTORONOMIO 31:12

Hu vhe na tshivhidzo tsha vhathu vhoṱhe, vhanna na vhasadzi na vhana na vhatsinda vhane na dzula navho, uri noṱhe ni zwi pfe ni gude u hulisa Muṋe washu Mudzimu waṋu, ni vhulunge ndayo idzi dzoṱhe ni dzi tevhedze.

DOTORONOMIO 4:2

Ni thanye, ni khunyeledze ndaela dza Muṋe washu Mudzimu waṋu dzine nda khou ni laya. Kha fhungo ḽine nda ni vhudza ni songo engedza tshithu, ni songo fhungudza tshithu.