JOSHUA 8:33 - BIVHILI KHETHWA Mafhungo Madifha

³³ Vhaisraele na vharangaphanḓa vhavho na vhakoma na vhahaṱuli khathihi na vhatsinda vha re navho, vha rwa muduba masia mavhili a mbulungelo ya mulanga ya Muṋe washu, vho livhana na vhotshifhe vha Vhalivi vho i hwalaho. Hafu ya vhathu vha ima vho furalela thavha ya Gerisimu, hafu iṅwe vha ima vho furalela thavha ya Ebala. Mushe muḓinḓa wa Muṋe washu o vha o vha laya uri vha ite nga u ralo musi tshifhinga tshavho tsha u ṱanganedza mashudu tshi tshi swika.

JOSHUA 8:33 Iomraidhean Croise

EKISODA 12:49

Ndaela dzenedzo dzi vhusa mudzulapo o bebwaho henefho na mutsinda a re vhukati haṋu.”

LIVITIKO 24:22

Mulayo hoyu u kwama noṱhe, Vhaisraele na vhatsinda vhane vha dzula na inwi, ngauri Nṋe ndi Yahavee Mudzimu waṋu.”

NUMERI 15:15

Vhathu vha vhe na milayo i fanaho, ya inwi na vhatsinda vhane vha dzula na inwi, heyo ndi ndayo ya lini na lini ya mirafho ine ya kha ḓi ḓa. Inwi na vhatsinda ni ḓo fana maṱoni a Yahavee,

NUMERI 15:16

ni ḓo vhuswa nga milayo na ndayo dzi fanaho, inwi na vhatsinda vhane vha dzula na inwi.

NUMERI 15:29

Ndayo yeneyo i fanela u tevhedzwa nga muṅwe na muṅwe ane a tshinya a sa iti nga khole, a nga vha muthu o bebwaho Israele kana mudzulapo wa mutsinda.

JOHANISI 4:20

Zwino vhomakhulukuku washu vho vha vha tshi rabela Mudzimu thavhani hei, hone inwi Majuda ni ri Mudzimu u rabelwa Jerusalema.”

DOTORONOMIO 11:29

“Musi Muṋe washu Mudzimu waṋu a tshi ni swikisa shangoni ḽine na khou dzhena khaḽo zwino uri ni ḽi dzhie, ni fanela u bula maipfi a mashudu no ima thavhani ya Gerisimu, maipfi a u teketela ni a bule no ima thavhani ya Ebala.

DOTORONOMIO 31:12

Hu vhe na tshivhidzo tsha vhathu vhoṱhe, vhanna na vhasadzi na vhana na vhatsinda vhane na dzula navho, uri noṱhe ni zwi pfe ni gude u hulisa Muṋe washu Mudzimu waṋu, ni vhulunge ndayo idzi dzoṱhe ni dzi tevhedze.

DOTORONOMIO 31:25

a laya Vhalivi vha hwalaho mbulungelo ya mulanga wa Muṋe washu a ri,

DOTORONOMIO 31:9

Mushe o ṅwala mulayo wa Mudzimu a u ṋea vhotshifhe, vhone Vhalivi, vha hwalaho mbulungelo ya mulanga wa Muṋe washu, na vhahulwane vhoṱhe vha Israele,

JOSHUA 23:2

a vhidza Vhaisraele vhoṱhe, vhahulwane na vharangaphanḓa na vhahaṱuli na vhakoma, a vha vhudza a ri, “Zwino ndo no kalaha, ndo no ḓi vha wa maḓuvha.

JOSHUA 24:1

Ngavhuya Joshua a kuvhanganya matsinde oṱhe a Israele muḓini wa Shikheme. O vhidza vhahulwane na vharangaphanḓa na vhahaṱuli na vhakoma vha Israele, vha ḓa phanḓa ha Mudzimu.

JOSHUA 3:14

Tsho vha tshi tshifhinga tsha u kaṋa, mulambo wa vha wo ḓala wa ita na u fhalala. Musi vhathu vha tshi takuwa mishashani uri vha yo wela Jorodani, vhotshifhe vha vha ranga phanḓa vho hwala mbulungelo ya mulanga. Ha ri milenzhe ya vhotshifhe i tshi tou kanda maḓini,

JOSHUA 3:3

vha vhudza vhathu vha ri, “Musi ni tshi vhona vhotshifhe, vhone Vhalivi, vhó hwala mbulungelo ya mulanga ya Muṋe washu Mudzimu waṋu, ni bve mishashani ni vha tevhele.

JOSHUA 3:6

Ndi hone a tshi vhudza vhotshifhe uri vha hwale mbulungelo ya mulanga vha tshimbile nayo phanḓa ha vhathu. Vhone vha ita zwe a amba.

JOSHUA 4:10

Vhotshifhe vho ima vhukati ha Jorodani ha vhuya ha itwa zwoṱhe zwe Muṋe washu a vhudza Joshua uri a vhudze vhathu vha zwi ite. Hezwo ndi zwe Mushe a ri zwi itwe. Vhathu vha wela mulambo nga u ṱavhanya.

JOSHUA 4:18

musi vhotshifhe vho hwalaho mbulungelo ya mulanga wa Muṋe washu vha tshi bva mulamboni, hezwi vha tshi tou kanda bamani, mulambo wa dovha u ela, wa dovha wa ḓala wa ita na u fhalala.

JOSHUA 6:6

Joshua ṅwana wa Nunu a vhidza vhotshifhe a vha vhudza a ri, “Hwalani mbulungelo ya mulanga, vhaṱanu na vhavhili vhaṋu vha range phanḓa hayo vho fara phalaphala.”