JOSHUA 8:31 - BIVHILI KHETHWA Mafhungo Madifha

³¹ A i fhaṱa a tshi tevhedza ndayo dze Mushe muḓinḓa wa Muṋe washu a ṋea Vhaisraele, nga kuambele kwa Mulayo wa Mushe hu tshi pfi, “I vhe aḽiṱari yo fhaṱwaho nga matombo a songo vhaḓwaho nga musendo wa tsimbi.” Vha ṋekedza Muṋe washu zwiṱhavhelo zwa u fhisa khayo, vha ṋekedza na nduvho dza u konana nae.

JOSHUA 8:31 Iomraidhean Croise

2 MAHOSI 14:6

Naho zwo ralo a si vhulahe vhana vha vhatuka vha idzo phondi, a tshi tevhedza zwo ṅwalwaho buguni ya mulayo wa Mushe he Muṋe washu a laya a ri, “Vhokhotsi vha songo fela milandu ya vhana vhavho, na vhana vha songo fela milandu ya vhokhotsi avho, muṅwe na muṅwe u ḓo fela vhutshinyi hawe.”

2 MAHOSI 22:8

Tshifhe muhulu Hilikia a vhudza Shafani muṅwaleli wa musanda a ri, “Ndo tumbula bugu ya Mulayo thembeleni ya Muṋe washu.” Hilikia a dzhia iyo bugu a i ṋea Shafani, a i vhala.

2 KORONIKA 25:4

Naho zwo ralo ho ngo vhulaha vhana vhavho, o tou tevhedza zwo ṅwalwaho buguni ya Mulayo wa Mushe he Muṋe washu a laya a ri, “Vhokhotsi vha songo fela milandu ya vhana vhavho, na vhana vha songo fela milandu ya vhokhotsi avho, muṅwe na muṅwe u fela vhutshinyi hawe ene muṋe.”

2 KORONIKA 35:12

Vha dzhia zwiṱhavhelo zwi fhiswaho vha zwi vhetshela thungo uri vha zwi ṋee vhathu vha zwigwada zwa miṱa uri vha ṋekedze Muṋe washu, vha tshi tevhedza zwo ṅwalwaho Buguni ya Mushe. Na kholomo vha dzi ita nga u ralo.

ESRA 6:18

Vha vhumba vhotshifhe nga u khethekana havho na Vhalivi nga zwigwada zwavho uri vha shumele Mudzimu Jerusalema hu tshi tevhedzwa zwo ṅwalwaho Buguni ya Mushe.

NEHEMIA 13:1

Musi Mulayo wa Mushe u tshi vhalelwa vhathu vhoṱhe vha tshi thetshelesa, vha swika kha kupiḓa kuḽa kune kwa ri Muamoni kana Mumuaba ho ngo tendelwa u ḓibaḓekanya na vhathu vha Mudzimu.

EKISODA 18:12

Ndi hone Jethero makhulu wa Mushe a tshi ṋekedza Mudzimu tshiṱhavhelo tshi fhiswaho, na zwiṅwe zwiṱhavhelo. Aroni a ḓa na vhahulwane vha Israele vha ḽa vhoṱhe na makhulu wa Mushe phanḓa ha Mudzimu.

EKISODA 24:5

Zwenezwo a vhudza vhaṱhannga vhaṅwe vha Israele uri vha ṋekedze Muṋe washu zwiṱhavhelo zwi fhiswaho na zwa dzimbohwana zwa vha zwa u konana na Mudzimu.

MATIOSI 12:26

Arali Saṱhane a tshi pandela Saṱhane zwi amba uri o no bva zwigwada zwivhili zwine zwa lwa nga tshazwo. Zwino muvhuso wawe u nga ima hani?

DOTORONOMIO 27:2

Musi ni tshi wela Jorodani na wetshela shangoni ḽine Muṋe washu Mudzimu waṋu a ni ṋea, ni imise matombo mahulwane ni a hulunge nga galaga.

DOTORONOMIO 27:8

Kha ayo matombo ni ṅwale maipfi oṱhe a mulayo uyu nga maḽeḓere ane muṅwe na muṅwe a kona u a vhala.”

JOSHUA 1:8

U ite uri misi yoṱhe ni tshi nnduvha bugu ya mulayo i vhalwe. I gude vhusiku na masiari, u vhone uri u tevhedze zwoṱhe zwo ṅwalwaho khayo. Ndi hone zwi tshi ḓo u nakela wa zwi kona.