JOSHUA 7:9 - BIVHILI KHETHWA Mafhungo Madifha

⁹ Vhakanana na vhoṱhe vha re fhano shangoni vha ḓo zwi pfa, vha ri tanga vha ri lozwa dzina ḽashu ḽa si tsha pfala shangoni. Zwino u ḓo ita mini uri dzina ḽau ḽi huliswe?”

JOSHUA 7:9 Iomraidhean Croise

DZIPHISALEMA 115:1

Hu songo rendwa riṋe, Muṋe washu, hu songo rendwa riṋe, nga hu rendwe dzina ḽau, hu tshi itelwa lufuno lwau lu sa dzinginyei na u fulufhedzea hau.

DZIPHISALEMA 48:10

Mudzimu, dzina ḽau ndi ḽihulu, na thendo i yaho ha Iwe ndi khulu, i swika na mugumoni wa shango. Tshanḓa tshau tsha maanḓa tshi ita zwivhuya fhedzi.

DZIPHISALEMA 79:9

Mudzimu Mutshidzi washu, ri farise, u tshi itela vhuhulu ha dzina ḽau; ri vhofholole, u ri hangwele vhukhakhi hashu, u tshi itela dzina ḽau.

DZIPHISALEMA 83:4

Vha ri, “Kha ri ḽe lushaka lwoṱhe nga pfumo, dzina ḽa Israele ḽi sa tsha ḓo vhidzwa.”

DZIPHISALEMA 83:5

Vha u itela tshimbevha vho khwaṱhisa, vho vhofha mulanga wa u lwa na Iwe.

EKISODA 32:12

Kani u ṱoḓa Vhaegipita vha tshi ri, ‘Koṱo, o vha itela vhukwila a tshi vha pfulusa; o itela uri a vha vhulahele dzithavhani, a vha lozwe tshoṱhe fhano shangoni’? Kanda mbiti dzau dzi ofhisaho. Vha humele, u songo ḓisela vhathu vhau khombo.

ESEKIELE 20:9

Hone Nṋe nda si zwi ite, ndi tshi ri tshakha dze vha vha vha tshi dzula nadzo dzi si nyadze dzina ḽanga, ngauri ndo vha ndo no ḓi amba nda ri ndi ḓo pfulusa vhathu vhanga Egipita nda vha endedza tshakha hedzo dzi tshi zwi vhona.

JUELE 2:17

Vhotshifhe vha no shumela Muṋe washu, nga vha lile vhe vhukati ha guḓa ḽa thembele na aḽiṱari. Nga vha ri, “Yawee Muṋe washu, khathutshela vhathu vhau. U songo tenda vhathu vhe wa ḓiwanela vha tshi kolelwa, vha vha ganeo vhukati ha dzitshakha. Tshakha dza vhannḓa u songo tenda dzi tshi ri goḓa dza ri, ‘Mudzimu waṋu u ngafhi?’ ”

MIKA 7:10

Ndi hone maswina anga a tshi ḓo zwi vhona, a niwa nga ṱhoni, vhenevho vhe vha mmbudza vha ri, “Yahavee Mudzimu wau u ngafhi?” Maṱo anga a ḓo vha vhona vha tshi wa, na zwino vha ḓo kandekanywa nga milenzhe unga matope mikotoni.

NUMERI 14:13

Huno Mushe a vhudza Muṋe washu a ri, “Wo pfulusa vhathu avha shangoni ḽa Egipita nga maanḓa au. Musi Vhaegipita vha tshi pfa zwe wa ita vhathu vhau,

JOHANISI 12:28

Khotsi anga, ndi ri dzina ḽau nga ḽi huliswe!” Zwenezwo ha pfala ipfi ḽi bvaho ṱaḓulu ḽi tshi ri, “Ndo no ḓi sumbedza vhugala hanga nahone ndi kha ḓi ḓo dovha nda vhu sumbedza.”

DOTORONOMIO 9:28

Vhathu vha shango ḽe wa ri pfulusa khaḽo vha nga ḓo ri, ‘Yahavee o kundwa u isa lushaka holu shangoni ḽe a vha fulufhedzisa ḽone,’ kana vha ri, ‘A tshi vha pfulusa fhano ndi uri u tou vha vhenga, o itela uri a kone u vha vhulaha phangani!’

JOSHUA 7:10

Muṋe washu a vhudza Joshua a ri, “Vuwa! Wo shuvhamelani mavuni nga u rali?

JOSHUA 7:8

Yawee Muṋe washu, ndi ḓo ri mini hezwino Vhaisraele vho pandamedzwa nga maswina?

1 SAMUELE 12:22

Muṋe washu a nga si landule vhathu vhawe, u ḓo ni lamulela a tshi itela dzina ḽawe ḽihulu, ngauri Muṋe washu o tou zwi takalela u ni ita vhawe.