JOSHUA 7:7 - BIVHILI KHETHWA Mafhungo Madifha

⁷ Joshua a ri, “Yawee Muṋe wa zwoṱhe Muṋe washu! Wo vhuya wa ri wedzelani mulambo wa Jorodani, wa ri kumedza Vhaamori uri vha ri lozwe? Ndi mini ri songo ḓidzulela zwashu seli na luḽa lwa mulambo wa Jorodani?

JOSHUA 7:7 Iomraidhean Croise

2 MAHOSI 3:10

Khosi ya Israele ya tshenuwa ya ri, “Vhanna! Muṋe washu o tou kunga riṋe mahosi mararu a ri kuvhanganya uri a ri kumedze zwanḓani zwa Vhamuaba!”

DZIPHISALEMA 116:11

Zwiḽa ndi nyofhoni ndo ri, “Vhathu vhoṱhe ndi vhadzia-u-zwifha!”

EKISODA 16:3

vha vha vhudza vha ri, “Ngavhe Muṋe washu o ri vhulaha zwashu shangoni ḽa Egipita. Henengei ro vha ri tshi kona u dzula fhasi ra ḽa ṋama, ra ḽa zwiḽiwa ra fura! Zwino vho ri hwala vha ri ḓisa fhano phangani uri roṱhe ri fe nga nḓala!”

EKISODA 17:3

Vhathu vha tshi pfa vho oma mikulo nga ḓora vha gungulela Mushe vha ri, “Ndi mini vho ri pfulusa Egipita? Vho vha vha tshi itela uri riṋe na vhana vhashu na zwifuwo zwashu ri fe nga ḓora?”

NUMERI 14:16

‘Yahavee o kundwa u swikisa avha vhathu shangoni ḽe a vha fulufhedzisa, ndi zwe a sokou vha lozwa phangani!’

NUMERI 14:3

Ndi mini Muṋe washu a tshi khou ri isa shangoni ḽiḽa uri ri yo ḽiwa nga pfumo? Vhasadzi vhashu na vhana vhashu vha ḓo thubiwa. A si khwiṋe ri tshi humela Egipita?”

MATIOSI 17:17

Yesu a fhindula a ri, “Hee inwi ni sa fulufheli Mudzimu, vhadzia-u-xela! Ndi ḓo vha na inwi u swika lini? Ndi kha ḓi ḓo ni konḓelela u swika lini? Ḓisani uyo muṱhannga kha Nṋe!”

MATIOSI 17:20

A vha fhindula a ri, “Ndi ngauri lutendo lwaṋu ndi luṱukusa. Thetshelesani ndi ni vhudze: ngavhe ni vhe na lutendo lune lwa tou lingana zwalwo na mbeu ya muhuyu, no vha ni tshi nga kona u vhudza thavha hei na ri, ‘Sudzulutshela ngei!’ ya sudzuluwa. A hu na tshe tsha vha tshi tshi nga ni kunda.”

VHAHEBERU 12:5

No no hangwa fhaḽa hune Maṅwalo a ni ṱuṱuwedza sa vhana vha Mudzimu a ri, “Ṅwananga, u songo nyadza ndayo ya Muṋe washu; a tshi u kaidza u songo kulea nungo.

JOSHUA 7:6

Joshua na vharangaphanḓa vha Israele vha ṱungufhala vha kherukanya zwiambaro zwavho, vha ḓiposa fhasi phanḓa ha mbulungelo ya mulanga ya Muṋe washu vha shuvhama henefho ḽa vhuya ḽa kovhela, vha ḓihasha buse ṱhohoni dzavho u sumbedza u pfa havho vhuṱungu.

JOSHUA 7:8

Yawee Muṋe washu, ndi ḓo ri mini hezwino Vhaisraele vho pandamedzwa nga maswina?

1 SAMUELE 4:3

Musi vhanna vha tshi humela mishashani, vhahulwane vha Israele vha vhudzisa vha ri, “Ndi mini Muṋe washu o ita uri ri kundwe nga Vhafilista ṋamusi? Nga ri yo hwala mbulungelo ya mulanga ya Muṋe washu i re Shilo ri i ḓise fhano i tshimbile na riṋe, i ri lamulele kha maswina ashu.”