JOSHUA 7:6 - BIVHILI KHETHWA Mafhungo Madifha

⁶ Joshua na vharangaphanḓa vha Israele vha ṱungufhala vha kherukanya zwiambaro zwavho, vha ḓiposa fhasi phanḓa ha mbulungelo ya mulanga ya Muṋe washu vha shuvhama henefho ḽa vhuya ḽa kovhela, vha ḓihasha buse ṱhohoni dzavho u sumbedza u pfa havho vhuṱungu.

JOSHUA 7:6 Iomraidhean Croise

GENESI 37:29

Musi Rubeni a tshi humela ngei dindini, a tshi vhona Josefa a si tsheeho, a kherukanya zwiambaro zwawe.

GENESI 37:34

Ndi hone Jakopo a tshi kherukanya zwiambaro zwawe, a ambara madzanganda, a fhedza maḓuvha manzhi a tshi khou lila ṅwana wawe.

2 SAMUELE 1:11

Ndi hone Dafita na vhanna vhoṱhe vhe vha vha vhe nae vha tshi dzhia zwiambaro zwavho vha zwi kherukanya.

2 SAMUELE 1:12

Vha ṱungufhala, vha lilela Saulo na ṅwana wawe Jonathani na mmbi ya Muṋe washu na vhathu vha Israele, nge avho vha vha vho fa nndwani. Vha lila ḽa vhuya ḽa kovhela.

2 SAMUELE 1:2

Nga ḓuvha ḽa vhuraru ha swika munna a tshi bva mishashani ya Saulo, zwiambaro zwawe zwo kherukana, ṱhohoni yawe o shela mavu. Musi a tshi swika ha Dafita a wa nga magona a luvha.

2 SAMUELE 12:16

Dafita a rabela Mudzimu uri ṅwana a fhole, a ḓidzima zwiḽiwa, a dzhena pfamoni yawe, a ita vhusiku vhunzhi o lala fhasi.

2 SAMUELE 13:19

A ḓishela milora ṱhohoni, a kherukanya tshiambaro tshawe tshilapfu tsha maṱeleṱele tshe a vha o tshi ambara, a farelela ṱhoho nga tshanḓa, a ṱuwa, a enda a tshi honḓa a tou ṱavha mukosi.

2 SAMUELE 13:31

Khosi ya takuwa ya kherukanya zwifuko zwayo, ya lala fhasi mavuni, vhalanda vhawe vhoṱhe vha ima henefho tsini vho kherukanya zwiambaro zwavho.

2 MAHOSI 22:11

Musi khosi i tshi pfa mafhungo a bugu ya Mulayo, ya kherukanya zwiambaro zwayo.

2 KORONIKA 34:19

Musi khosi i tshi pfa maipfi a Bugu ya Mulayo, ya kherukanya zwiambaro zwayo.

ESRA 10:1

Musi Esra a tshi khou rabela, a tshi khou bula zwivhi, ó tsengisa miṱodzi, ó ḓiposa fhasi phanḓa ha nnḓu ya Mudzimu, ha kuvhangana gogo ḽihulu ḽa Vhaisraele hune a vha hone, vhanna na vhasadzi na vhana. Na vhone vha lila lu ṱungufhadzaho.

NEHEMIA 9:1

Nga ḓuvha ḽa 24 ḽa ṅwedzi wonoyo, Vhaisraele vha kuvhangana, vha ḓidzima zwiḽiwa, vha ambara madzanganda, vha ḓishela buse ṱhohoni.

ESTERE 4:1

Musi Maradokai a tshi pfa zwoṱhe zwo itwaho, a kherukanya zwiambaro zwawe nga u ṱungufhala, a ambara madzanganda, a ḓihasha milora ṱhohoni, a buḓekanya muḓi a tshi khou zhamba lwa u ṱungufhadza,

ESTERE 4:3

Hoṱhe-hoṱhe madzinguni he ha ḓivhadzwa ndaela ya khosi, Majuda vho vha vha tshi khou ṱavha mukosi, vha tshi ḓidzima zwiḽiwa, vha tshi lila vha tshi tou ongolela, vhanzhi vhavho vha ambara madzanganda, vha vhumbuluwa milorani.

JOBO 1:20

Ndi hone Jobo a tshi takuwa a kherukanya zwiambaro zwawe nga u pfa vhuṱungu, a vheula ṱhoho, a ḓiposa fhasi nga tshifhaṱuwo,

JOBO 2:12

Musi vha tshi kha ḓi vha kule vha vhona Jobo, hone vha si mu ḓivhe; vha tshi vhona uri ndi ene vha thoma u rothisa miṱodzi vha honḓa, vha kherukanya zwiambaro zwavho vhó ṱungufhala, vha hasha buse muyani na ṱhohoni dzavho.

JOBO 42:6

Ndi zwine nda ḓinyadza, nda ḓisola ndi tshi vhumbuluwa buseni na milorani.

ZWILILO 2:10

Vhahulwane vha Tsioni vha dzula mavuni vho sokou tshete; vho ḓishela mavu ṱhohoni vha ambara madzanganda. Vhasidzana vha kotamisa dziṱhoho.

NUMERI 14:6

Joshua ṅwana wa Nunu na Khalebe ṅwana wa Jefune, vhaṅwe vha dziṱholi dze dza vha dzo ya u ṱola shango, vha kherukanya zwiambaro zwavho,

NUMERI 16:22

Huno Mushe na Aroni vha wa nga zwifhaṱuwo vha ri, “Yawee Mudzimu, u tshisima tsha vhutshilo hoṱhe, u nga sinyutshela vhathu vhoṱhe hó tshinya muthu muthihi?”

NUMERI 16:45

“Ṱutshela kule ha vhathu havho, ndi ḓo vha lozwa kathihi fhedzi!” Vhuvhili havho vha wa nga zwifhaṱuwo,

MISHUMO 14:14

Barnabasi na Paulo vha tshi tou pfa zwi no ṱoḓa u itwa, vha kherukanya zwiambaro zwavho vha gidimela vhukati ha gogo vha ṱavha mukosi vha ri,

JOSHUA 7:7

Joshua a ri, “Yawee Muṋe wa zwoṱhe Muṋe washu! Wo vhuya wa ri wedzelani mulambo wa Jorodani, wa ri kumedza Vhaamori uri vha ri lozwe? Ndi mini ri songo ḓidzulela zwashu seli na luḽa lwa mulambo wa Jorodani?

NZUMBULULO 18:19

vha ḓishela buse dziṱhohoni vha lila vha ṱavha mukosi vha ri, “Yawee! Zwi ofhisa hani zwa uyu muḓi muhulu! Vhoṱhe vha re na zwikepe zwi tshimbilaho lwanzheni vho pfuma nga lupfumo lwawo, kathihi fhedzi wa ṱangulwa lupfumo lwawo lwoṱhe!”

VHARANGAPHANḒA 11:35

Huno Jefutha a tshi vhona uyo ṅwananyana, a kherukanya zwiambaro zwawe nga u ṱungufhala, a ri, “Yawee ṅwananga! U khou mmbaisa mbilu! Ndi mini a tshi vha iwe ane wa mpfisa vhuṱungu? Ndo anela Muṋe washu zwine nda si kone u zwi pfuka!”

VHARANGAPHANḒA 20:26

Ndi hone Vhaisraele vhoṱhe vha tshi gonya Bethele vha yo lila vho dzula phanḓa ha Muṋe washu. Musi wonoyo vha ḓidzima zwiḽiwa ḽa vhuya ḽa kovhela, vha ṋekedza Muṋe washu zwiṱhavhelo zwi fhiswaho na nduvho dza vhuthihi.

VHARANGAPHANḒA 21:2

Zwino ndi hone Vhaisraele vha tshi ya Bethele, vha dzula henefho phanḓa ha Mudzimu ḽa vhuya ḽa kovhela. Vha ṱavha mukosi, vha lila lu ṱungufhadzaho, vha tshi ri,

1 SAMUELE 4:12

Musi wonoyo ha ḓa munna a no bva kha tsinde ḽa Benyamini, a gidima a tshi bva nndwani a ya Shilo; zwiambaro zwawe zwo vha zwo kherukana, ó ḓishela mavu ṱhohoni.