JOSHUA 7:5 - BIVHILI KHETHWA Mafhungo Madifha

⁵ Vhanna vha Ai vho vha pandamedza u bva khoroni ya muḓi u swika makwarani, vha vhulaha vhane vha nga swika 36 nḓilani vha tshi tsa tshivhanga. Vhaisraele vha kulea nungo vha farwa nga nyofho.

JOSHUA 7:5 Iomraidhean Croise

DZIPHISALEMA 22:14

Ndo tou tevhulelwa kule sa maḓi, na zwiendanungo zwanga zwo lunguluwa; mbilu yanga yo ṋoka sa phula, yo tou pwaṱa ngomu khanani yanga.

DZIPHISALEMA 58:7

Ngavhe vha tshi nyamalala unga maḓi a ṋwelelaho, vha kandekanywa vha puta unga hatsi.

YESAYA 13:7

Zwanḓa zwoṱhe zwi ḓo kulea nungo, mbilu dzoṱhe dza ṋoka;

ESEKIELE 21:7

Arali vha u vhudzisa vha ri, ‘U gomelelani?’ u vha fhindule u ri, ‘Ndi mafhungo a no khou ḓa a no ḓo ita uri mbilu dzoṱhe dzi ṋoke, zwanḓa zwi kulee nungo, mbilu dzi vhavhe, vhoṱhe vha ḓiṱambulutshele zwi tse na milenzhe. Zwino zwo swika, zwo no vha fhano –’ hu amba Nṋe Muṋe wa zwoṱhe Yahavee.”

LIVITIKO 26:36

“Vhathu vha haṋu vha re vhuthubwani ndi ḓo vha tshenusa lune vha tshi pfa ṱari ḽa muri ḽi tshi hwalwa nga muya vha ḓo shavha. Ni ḓo shavha unga vhathu vha no khou pandamedzwa nndwani, na wa hu si na swina tsini haṋu.

NAHUMI 2:10

Wo ṱangulwa, wo phusukanywa, wo sala u fhedzi! Mbilu dzi a ṋoka, magona a vho tetemela, vhoṱhe vho farwa nga nyofho, zwifhaṱuwo zwoṱhe zwo tswukuluwa nga u tshenuwa.

DOTORONOMIO 1:44

Vhaamori vha dzulaho thavhani dzenedzo vha mbo bva pfumo vha yo ni ṱanganedza nga vhuhali vhu no nga ha guma ḽa ṋotshi, vha ni kunda vha ni pandamedza u bva Seiri u swika Horoma.

JOSHUA 2:11

Ro ri u zwi pfa ra farwa nga nyofho, roṱhe ro kulea nungo nga inwi. Yahavee Mudzimu waṋu ndi Mudzimu wa makoleni ṱaḓulu na fhano fhasi.

JOSHUA 2:9

a vha vhudza a ri, “Ndi a ḓivha uri Yahavee o ni ṋea shango ḽino. Roṱhe ri khou ni ofha, a hu na a songo kuleaho nungo.

JOSHUA 5:1

Mahosi oṱhe a Vhaamori vhukovhela ha Jorodani na mahosi oṱhe a Vhakanana u navha na Lwanzhe lwa Phandamashango, vha zwi pfa uri Muṋe washu o xisa mulambo wa Jorodani, Vhaisraele vha wela. Vha farwa nga nyofho, vha kulea nungo vha si tsha vha na vhuhali ha u imedzana na Vhaisraele.