JOSHUA 7:26 - BIVHILI KHETHWA Mafhungo Madifha

²⁶ Vha khokha matombo nṱha havho a ita thulwi, na ṋamusi i tshee hone. Ndi zwine afho fhethu ha kha ḓi pfi Govha ḽa Akhoro (Khombo). Zwenezwo mbiti dza Muṋe washu dza dzika.

JOSHUA 7:26 Iomraidhean Croise

2 SAMUELE 18:17

Vha dzhia Abisalomo vha mu posa dindini ḽihulu henefho maṱakani, vha khokha thulwi khulu ya matombo nṱha hawe. Zwi tshi khou ralo Vhaisraele vhoṱhe vha shavhela mahayani avho.

2 SAMUELE 21:14

Vha swiṱa marambo a Saulo na a ṅwana wawe Jonathani tshaloni tsha Kishi khotsi a Saulo muḓini wa Tsela shangoni ḽa Benyamini, vha ita zwoṱhe zwe khosi ya vha laya. Ho no fhela zwenezwo, Mudzimu a fhindula thabelo dzavho dza u rabelela shango.

2 KORONIKA 29:10

“Zwino ndo elekanya u vhofha mulanga na Muṋe washu, Mudzimu wa Israele, uri mbiti dzawe dzi ofhisaho dzi ri ṱutshele.

ESRA 10:14

Magota ashu nga vha ambele tshivhidzo tshoṱhe. Zwino nga vha ite uri muṅwe na muṅwe a dzulaho miḓini yashu o dzeaho musadzi wa mutsinda a ḓe nga tshifhinga tsho vhewaho, a ḓe na magota na vhahaṱuli vha muḓi muṅwe na muṅwe, mbiti dzi ofhisaho dza Mudzimu washu mafhungoni haya dzi vhuye ri ṱutshele.”

DZIPHISALEMA 85:4

Mudzimu Mutshidzi washu, dovha u ri vuse, u songo tsha ri sinyutshela.

EKISODA 32:12

Kani u ṱoḓa Vhaegipita vha tshi ri, ‘Koṱo, o vha itela vhukwila a tshi vha pfulusa; o itela uri a vha vhulahele dzithavhani, a vha lozwe tshoṱhe fhano shangoni’? Kanda mbiti dzau dzi ofhisaho. Vha humele, u songo ḓisela vhathu vhau khombo.

YESAYA 40:2

Khuthadzani vhathu vha Jerusalema, vha vhudzeni uri vho tambulesa, zwino vho hangwelwa vhutshinyi havho; ndo vha lifhisa milandu yavho yoṱhe kavhili.”

YESAYA 65:10

Sharoni hu ḓo fula maṱambi a dzinngu, govha ḽa Akhoro ḽa vha vhuawelo ha maṱambi a kholomo dza vhathu vhanga vhane vha nṱoḓa.

ZWILILO 3:53

Vho mposa dindini vha khokhela matombo;

HOSIA 2:15

Henefho ndi ḓo dovha nda mu ṋea masimu awe a minḓirivhe, Govha ḽa Khombo nda ḽi ita Vothi ḽa Fulufhelo. Henefho u ḓo imba unga zwiḽa misi a tshee nga hawe, unga musi we a pfuluwa Egipita.

HOSIA 2:17

Ndi ḓo sudzulusa madzina a Vhobaali milomoni yawe, madzina avho ha tsha ḓo pfala thabeloni.

JUELE 2:13

Kherulani mbilu dzaṋu, zwi si zwiambaro fhedzi!” Humelani ha Muṋe washu Mudzimu waṋu, Ene u na tshilidzi na khathutshelo, ha ṱavhanyi u sinyuwa, lufuno lwawe ndi luhulu, u a hangwela a si tsha lifhedza.

JUELE 2:18

Ndi hone mbilu ya Muṋe washu i tshi swela shango ḽawe, a khathutshela vhathu vhawe.

JONASI 1:15

Ndi hone vha tshi dzhia Jonasi vha mu posa lwanzheni, ulwo lwanzhe lwo sinyuwaho lwa mbo dzika.

ZAKARIA 6:8

Ndi hone a tshi mmbidzelela a ri, “Vhona, dziḽa dzi no ya shangoni ḽa devhula dzi yo bveledza u tshidza hanga dza dzikisa muya wanga shangoni ḽa devhula.”

NUMERI 25:8

a tevhela uyo Muisraele denndeni yawe, vhoṱhe vhuvhili havho a vha runga nga pfumo, a runga Muisraele pfumo ḽa phuletshedza ḽa dzhena thumbuni ya uyo musadzi. Ha mbo ḓi vha u fhela ha bulayo iḽo kha Vhaisraele,

DOTORONOMIO 13:17

Ni songo vhuya na dzhia na tshithu na tshithihi tsha thundu hedzo dzo kumedzwaho Muṋe washu, ndi hone Muṋe washu a tshi ḓo dzikisa mbiti dzawe, a ni khathutshela a ni ita nga vhuthu, a ni andisa unga o fulufhedzisa vhomakhulukuku waṋu.

DOTORONOMIO 13:18

Ni ḓo vha no thetshelesa Muṋe washu Mudzimu waṋu, na vhulunga ndaela dzawe dzine nda ni laya ṋamusi, na ita zwi takadzaho Muṋe washu Mudzimu waṋu.

JOSHUA 10:27

Ḓuvha ḽi tshi kovhela Joshua a ṋea ndaela, zwitumbu zwavho zwa fhahululwa, zwa poswa bakoni ḽeneḽiḽa he vha vha vho dzumbama hone. Muṋango wa bako wa valwa nga matombo mahulu, na zwino a tshee henefho.

JOSHUA 7:24

Joshua kathihi na Vhaisraele vhoṱhe vha fara Akhani, vha dzhia iḽa siliva na iḽa phuraphura na ḽiḽa baphathi ḽa musuku, vha fara na vhana vha Akhani vha vhatuka na vha vhasidzana na kholomo na donngi na nngu, vha dzhia na dennde yawe, na zwoṱhe zwe a vha e nazwo, vha zwi isa Govhani ḽa Akhoro (Khombo).

JOSHUA 8:29

Joshua a nembeledza khosi ya Ai murini, a litsha tshitumbu tshawe henefho ḽa vhuya ḽa kovhela, a konou ri tshitumbu tshi ṱuwisiwe, tsha kudzwa fhasi muṋangoni wa khoro ya muḓi. Vha khokha matombo khatsho a ita thulwi khulu, na ṋamusi i tshee hone.