JOSHUA 7:25 - BIVHILI KHETHWA Mafhungo Madifha

²⁵ Joshua a ri, “Ndi mini wo ri ḓisela khombo nngafha? Muṋe washu zwino u ḓo u ḓisela khombo!” Vhathu vhoṱhe zwenezwo vha kanḓa Akhani nga matombo a vhuya a fa, vha kanḓa na muṱa wawe vha vha fhisa na thundu dzavho.

JOSHUA 7:25 Iomraidhean Croise

GENESI 34:30

Jakopo a vhudza Simioni na Livi a ri, “No nnḓisela khombo nga u nnduṱanya na Vhakanana na Vhapherisi, vhadzulapo vha ḽino shango. Riṋe ri vha si gathi, zwino arali vha ima vhoṱhe vha lwa na nṋe, vha nndia, nṋe na muṱa wanga ri ḓo lozwiwa.”

GENESI 38:24

Musi ho no fhela miṅwedzi miraru, Juda a vhudzwa upfi, “Thamara musadzi wa ṅwana wavho u na mulandu wa vhupombwe; zwino ri tshi khou amba o no ḓi vhifha muvhilini.” Juda a ri, “Nga a bviselwe nnḓa a fhiswe, a fe!”

1 KORONIKA 2:7

Ṅwana wa Kharami ndi Akhani, we a ḓisela Vhaisraele khombo nga u dzhia thundu yo ṱangulwaho ye ya vha yo kumedzwa Muṋe washu.

MIRERO 1:19

Hoho ndi hone vhuyo ha vhane vha bindula nga vhuvemu; ulwo lupfumo lu vha ḽa ṱhoho.

MIRERO 15:27

Ane a ṱoḓa u pfuma nga vhufhura u ṱulela muṱa wawe mafhanza, hone ane a vhenga tshanḓanguvhoni u ḓo lalama.

LIVITIKO 20:14

“Arali munna a dzea musadzi a dzea na mme a uyo musadzi, vhoṱhe vhuraru havho nga vha fhiswe nga mulilo vha fe nga mulandu wa zwi shonisaho zwe vha ita, zwo raloho ni songo vhuya na zwi tendela vhukati haṋu.

LIVITIKO 20:2

uri a vhudze Vhaisraele a ri, “Nnyi na nnyi waṋu kana mutsinda ufhio na ufhio a no dzula na inwi ane a kumedza ṅwana wawe a vha tshiṱhavhelo tsha u luvha mudzimu Molekhe, vhathu vhoṱhe vha ḓo mu kanḓa nga matombo a fa.

LIVITIKO 21:9

Arali ṅwananyana wa tshifhe a tshi ḓinyadzisa nga u tshila nga vhupombwe, u nyadzisa na khotsi awe, nga a fhiswe a fe.

LIVITIKO 24:14

“Uyo munna mu bviseleni nnḓa ha mishasha. Muṅwe na muṅwe we a mu pfa a tshi sema nga dzina ḽanga a vhee zwanḓa zwawe kha ṱhoho ya uyo munna hu vhe u ṱanzilela uri u na mulandu, zwenezwo vhathu vhoṱhe nga vha mu kanḓe nga matombo a vhuye a fe.

VHAGALATA 5:12

Vhenevho vhakulumedzi khefha vha sa mbo ḓi tou ḓiluvhedza vhone vhaṋe!

DOTORONOMIO 13:10

Ni fanela u mu kanḓa nga matombo na mu vhulaha, ngauri u ṱoḓa u ni luṱanya na Muṋe washu Mudzimu waṋu we a ni vhofholola vhupulini a ni pfulusa shangoni ḽa Egipita.

DOTORONOMIO 13:11

Ndi hone Vhaisraele vhoṱhe vha tshi ḓo pfa zwo iteaho, vha ofha, ha si tsha dovha ha vha na ane a ita vhuvhi vhungafhongafho kha inwi.

DOTORONOMIO 17:5

zwa wanala uri ndi zwone, ni dzhie onoyo muthu o itaho vhuvhi vhungafho ni mu bvisele khoroni ya muḓi, ni mu kanḓe nga matombo a fe.

DOTORONOMIO 21:21

Zwenezwo vhanna vhoṱhe vha uyo muḓi vha fanela u mu kanḓa nga matombo vha mu vhulaha. Ndi hone ni tshi ḓo fhelisa vhuvhi uho ha si tsha pfala kha inwi. Vhaisraele vhoṱhe vha ḓo zwi pfa vha ofha.

2 VHATHESALONIKA 1:6

Ngauralo u ḓo lifhedza a sa ṱaluli a tambudza vhatambudzi vhaṋu,

VHAHEBERU 12:15

Ni vhone hu sa ḓo vha na ane a ḓikundisa u wana vhuthu ha Mudzimu. Hu si vhe na ane a nga tsheṋe i kalakataho ine ya ri u mela mulimo wayo wa fhirela kha vhanzhi.

JOSHUA 6:18

Hone inwi ni songo dzhia na tshithihi tshine tsha fanela u lozwiwa; arali na dzhia, ni ḓo vha no ḓivhangela khombo, vhathu vha mishasha ya Vhaisraele vha lozwiwa.

JOSHUA 7:15

Muthu ane a ḓo nangiwa a wanala e na thundu dzo iledzwaho u ḓo fhiswa khathihi na muṱa wawe, na zwoṱhe zwine a vha nazwo, ngauri o pfuka mulanga wanga, o ita zwa vhuṱudzi kha Vhaisraele.”

1 SAMUELE 14:29

Jonathani a ri, “Khotsi anga vho ḓisa khombo shangoni. Edzonu vhona uri ndi na nungo hani nge nda thetshelanyana ṋotshi idzi.