JOSHUA 7:24 - BIVHILI KHETHWA Mafhungo Madifha

²⁴ Joshua kathihi na Vhaisraele vhoṱhe vha fara Akhani, vha dzhia iḽa siliva na iḽa phuraphura na ḽiḽa baphathi ḽa musuku, vha fara na vhana vha Akhani vha vhatuka na vha vhasidzana na kholomo na donngi na nngu, vha dzhia na dennde yawe, na zwoṱhe zwe a vha e nazwo, vha zwi isa Govhani ḽa Akhoro (Khombo).

JOSHUA 7:24 Iomraidhean Croise

GENESI 18:25

U nga si tou ralo wa lozwa vhavhuya na vhavhi, vhavhuya na vhavhi wa vha ita zwi fanaho! Hufha u muhaṱuli wa shango ḽoṱhe, u nga ri u tshi haṱula wa khakha?”

JOBO 20:15

Lupfumo lwe a mila, u a lu ṱanza; Mudzimu u mu ṱanzisa lwone.

EKISODA 20:5

wa tshi gwadamela wa tshi rerelela; Nṋe Yahavee Mudzimu wau ndi Mudzimu a sa vhangiswi, ndi vhila mulandu wa khotsi kha vhana na vhaḓuhulu, u swika kha murafho wa vhuraru na wa vhuṋa wa vhane vha mmbenga;

MIRERO 15:27

Ane a ṱoḓa u pfuma nga vhufhura u ṱulela muṱa wawe mafhanza, hone ane a vhenga tshanḓanguvhoni u ḓo lalama.

MUFUNZI 5:13

Ndo vhona tshi ṱungufhadzaho fhano fhasi ha ḓuvha: Muthu u ḓikuvhanganyela lupfumo ha vha u ḓiṱoḓela mafhanza,

YESAYA 65:10

Sharoni hu ḓo fula maṱambi a dzinngu, govha ḽa Akhoro ḽa vha vhuawelo ha maṱambi a kholomo dza vhathu vhanga vhane vha nṱoḓa.

HOSIA 2:15

Henefho ndi ḓo dovha nda mu ṋea masimu awe a minḓirivhe, Govha ḽa Khombo nda ḽi ita Vothi ḽa Fulufhelo. Henefho u ḓo imba unga zwiḽa misi a tshee nga hawe, unga musi we a pfuluwa Egipita.

JOSHUA 15:7

a bva Govhani ḽa Khombo u swika Debiri, a konou livha devhula a tshi ya Giligala, ho livhanaho na Phara ya Adumimu sia ḽa tshipembe ḽa govha. Zwino a livha zwisimani zwa Eni Shemeshe, a bva a livha Eni Rogele,

JOSHUA 22:20

Edzonu elelwa zwe Akhani ṅwana wa Zera a ita vhuvhi, a dzhia zwithu zwe ha pfi zwi lozwiwe. A si ene e eṱhe we a fela vhuvhi hawe, ho lifhedzwa vhathu vhoṱhe vha Israele.”

JOSHUA 6:18

Hone inwi ni songo dzhia na tshithihi tshine tsha fanela u lozwiwa; arali na dzhia, ni ḓo vha no ḓivhangela khombo, vhathu vha mishasha ya Vhaisraele vha lozwiwa.

JOSHUA 6:21

Vha vhulaha vhoṱhe vha re afho muḓini nga mafumo avho, vhanna na vhasadzi, vhaṱuku na vhahulwane, vha vhulaha na kholomo na nngu na donngi.

JOSHUA 7:1

Muṋe washu a tshi laya Vhaisraele uri vha songo dzhia tshithu na tshithihi Jerikho tsho fanelaho u kumedzwa Ene, a vho ngo zwi tevhedza. Muṅwe munna ane a pfi Akhani o nyadza ndaela heyo, zwenezwo Muṋe washu a sinyutshela Vhaisraele. Akhani o vha e ṅwana wa Kharami, e muḓuhulu wa Zabadi, wa mutupo wa Zera, wa tsinde ḽa Juda.

JOSHUA 7:23

Vha zwi bvisa afho denndeni, vha zwi isa ha Joshua na Vhaisraele vhoṱhe, vha zwi adza fhasi phanḓa ha Muṋe washu.

JOSHUA 7:26

Vha khokha matombo nṱha havho a ita thulwi, na ṋamusi i tshee hone. Ndi zwine afho fhethu ha kha ḓi pfi Govha ḽa Akhoro (Khombo). Zwenezwo mbiti dza Muṋe washu dza dzika.