JOSHUA 7:21 - BIVHILI KHETHWA Mafhungo Madifha

²¹ Kha zwithu zwe ra zwi thuba ndo vhona phuraphura ya u naka i no bva Babele na siliva ine ya nga lemela khilogiramu mbili na baphathi ḽa musuku ḽine ḽa lemela u fhira hafu ya khilogiramu, nda zwi emula nga maanḓa nda zwi dzhia. Vha ḓo zwi wana zwo bwelwa ngomu denndeni yanga, siliva i nga fhasi.”

JOSHUA 7:21 Iomraidhean Croise

GENESI 10:10

O ranga u vhusa Babele na Erekhe na Akhadi na Khalane e shangoni ḽa Shinari.

GENESI 3:6

Ndi hone musadzi a tshi vhona uri uyo muri u a ḽiwa, na uri muthu a tshi u lavhelesa u a takadza nahone u a ṱoḓea uri muthu a wane vhuṱali; a u fula, a ḽa, a ṋea-vho na munna wawe we a vha e nae henefho, na ene a ḽa.

GENESI 34:27

Vhaṅwe vhana vha Jakopo vha wela zwitumbu vha ṱangula muḓi, nge khaladzi avho a itwa zwi shonisaho.

GENESI 6:2

vha no pfi vharwa vha Mudzimu vha vhona avho vhananyana vha vhathu vho naka, vha dzea ane vha tou mu funa.

2 SAMUELE 11:2

Muṅwe musi nga madekwana Dafita a vuwa vhulaloni hawe, a ḓitshimbilela ṱhangani ya pfamo. E henefho ṱhangani a vhonela muṅwe musadzi a tshi khou ṱamba muvhili. Musadzi uyo o vha o naka nga maanḓa.

2 MAHOSI 7:8

Vhaḽa vhanna vhe vha vha vhe na vhulwadze ha lukanda vha swika mishashani ya u thoma, vha dzhena denndeni iṅwe. Vha ḽa, vha nwa, vha hwala siliva na musuku na zwiambaro vha ṱuwa nazwo vha yo zwi dzumba. Vha vhuya vha dzhena kha iṅwe dennde, vha dzhia zwiṅwe zwithu khayo, na zwone vha zwi dzumba.

JOBO 31:1

Ndo langana na maṱo anga, nda ri a thi nga vhuyi nda ri u sedza musidzana nda mu emula.

DZIPHISALEMA 119:37

Sudzulusa maṱo anga kha zwi si na mushumo, u nnyendedze, ndi kone u tshila.

EKISODA 20:17

“U songo emula nnḓu ya muṅwe. U songo emula musadzi wa muṅwe, kana mushumi wawe wa munna kana wa musadzi, kana kholomo yawe, kana donngi yawe, kana tshiṅwe na tshiṅwe tshi re tsha muṅwe.”

MIRERO 1:19

Hoho ndi hone vhuyo ha vhane vha bindula nga vhuvemu; ulwo lupfumo lu vha ḽa ṱhoho.

MIRERO 23:31

U songo ṱalela waini yo tswuka, i tshi khou fhufhuma tshinweloni, i tshi tsa zwavhuḓi!

MIRERO 28:22

Mudzia-u-dzimana u lilela u pfuma; ha ḓivhi uri vhushai ho mu lindela.

MIRERO 4:23

Tshihulwane tshi no fhira zwoṱhe, linda mbilu yau, ndi yone i no vhumba vhutshilo hau.

YESAYA 28:15

Ni tshi zuwa ni ri no vhofha mulanga na lufu, no langana na vhudzulavhafu; hu tshi ḓa khombo i kumbaho vhathu inwi a i nga ni kwami; no ḓitika nga mazwifhi, na dzumbama nga vhufhura.

YESAYA 29:15

Vhane vha luka vhunwa vha dzumbela Muṋe washu, vha ḓo zwi vhona. Vha itela zwithu zwavho swiswini vha ri, “Ri ḓo vhonwa nga nnyi? Ri ḓihwa nga nnyi?”

HABAKUKU 2:9

“Khombo i ḓo u wela, ngauri wo ḓipfumisa nga thundu ye wa i wana nga vhuvemu, wa fhaṱa tshiṱaha tshau nṱha uri u tinye tshanḓa tshi ḓisaho khombo! Thundu yeneyo i ḓo ḓisela muṱa wau khombo.

LUKASI 12:15

A konou amba na vhathu a ri, “Ni thanyele u funesa lupfumo. Vhutshilo ha muthu a vhuho kha u anda ha thundu yawe.”

LUKASI 12:2

A hu na tsho tibwaho tshine tsha sa ḓo tibulwa, a hu na tsho dzumbwaho tshine tsha sa ḓo ḓihwa nga vhathu.

VHAEFESA 5:3

Vhunga ni vhakhethwa vha Mudzimu ilani vhupombwe na zwa vhuaḓa na u funesa lupfumo. Hezwo zwithu na phungo yazwo i songo vhuya ya pfala kha inwi.

VHAEFESA 5:5

Hafhu ni zwi ḓivhe uri ane a ita vhupombwe kana a ita zwa vhuaḓa na u funesa lupfumo a nga si vhe na tshawe muvhusoni wa Khristo na Mudzimu; u funesa lupfumo zwi fana na u rerelela midzimu.

DOTORONOMIO 7:25

Zwifanyiso zwa midzimu yavho ni zwi fhise nga mulilo; ni songo tama siliva na musuku zwe zwa fhomiwa ngawo na u kwatula na ḓidzhiela zwone, zwi nga vha tshikwekwe tshine tsha ni fasha na gunea; Muṋe washu Mudzimu waṋu o dzula o zwi nengwa hezwo zwithu.

VHAKOLOSA 3:5

Vhulahani-ha zwoṱhe zwa fhano shangoni zwine zwa nga ḓi ni nambatela, zwi no nga vhupombwe na vhuaḓa na u emulana na nyemulo dzoṱhe mmbi, na u funesa lupfumo; u funesa lupfumo zwi fana na u rerelela midzimu ya zwifanyiso.

VHAHEBERU 13:5

Ni songo tshilela tshelede; ni fushee nga zwenezwo zwine na vha nazwo; Mudzimu Ene muṋe o ri, “A thi nga u litshi, a thi nga u laṱedzi.”

JAKOPO 1:15

huno nyemulo musi yo no amara i dzwala vhutshinyi, vhutshinyi ho no aluwa ha guma nga u beba lufu.

JOSHUA 7:20

Akhani a fhindula a ri, “Ndi ngoho, ndo khakhela Muṋe washu Mudzimu wa Israele, zwe nda ita ngezwi.

JOSHUA 7:22

Joshua a ruma vhaṅwe vhanna, vha gidimela denndeni iyo, vha wana izwo zwithu zwe zwa pfi zwi kumedzwe Muṋe washu zwó bwelwa henefho, siliva i nga fhasi.

2 PITROSI 2:15

Vho pambuwa nḓilani ha mbo vha u xela. Vho fara nḓila ya Biliamu ṅwana wa Bosori, we a funesa tshelede lwe a sa tate na u bindula nga u ita zwithu zwivhi.