JOSHUA 7:19 - BIVHILI KHETHWA Mafhungo Madifha

¹⁹ Joshua a mu vhudza a ri, “Ṅwananga, ambani ngoho phanḓa ha Muṋe washu Mudzimu wa Israele, ni bule vhutshinyi haṋu. Zwino mmbudzeni zwe na ita. Ni songo linga u nnzumbela.”

JOSHUA 7:19 Iomraidhean Croise

2 MAHOSI 20:15

Muporofita a vhudzisa a ri, “Vho vhona mini pfamoni yavho?” Hiskia a fhindula a ri, “Vho vhona zwoṱhe zwi re pfamoni yanga. A ho ngo sala tshithu mbulungeloni dzanga tshe nda si vha sumbedze.”

2 KORONIKA 30:22

Hiskia a amba na Vhalivi vhoṱhe a tshi vha ṱuṱuwedza, nge vha sumbedza vhukoni hu tshi shumelwa Muṋe washu. Vha fhedza maḓuvha maṱanu na mavhili vha tshi ḽa mikovhe yavho, vha ṋekedza nduvho dza u konana na Mudzimu vha renda Muṋe washu Mudzimu wa vhokhotsi avho.

DZIPHISALEMA 32:5

Ndi hone ndi tshi bula vhutshinyi hanga, ndi si tsha dzumba mulandu wanga. Ndo ri, “Ndi ḓo bulela Muṋe washu vhukhakhi hanga,” Iwe wa nkhangwela mulandu wa vhutshinyi hanga.

DZIPHISALEMA 51:3

Zwe nda tshinya ndi a zwi ḓivha, na zwe nda khakha a thi koni u zwi hangwa.

MIRERO 28:13

Ane a dzumba vhutshinyi hawe a zwi mu nakeli; ane a vhu bula a vhu furalela, u khathutshelwa nga Mudzimu.

YESAYA 13:12

Ndi ḓo ita uri vhathu vha sale vha si gathi, vha shaee u fhira musuku wa Ofiri.”

JEREMIA 13:16

Hulisani Muṋe washu Mudzimu waṋu a sa athu ḓisa swiswi, milenzhe yaṋu i sa athu khukhulwa thavhani dzi no khou swifhala, na ḓo fulufhela tshedza, hone Ene a tshi shandula swiswi ḽa tou bodo.

DANIELE 9:4

Nda humbela Muṋe washu Mudzimu wanga nda bula nda ri, “Muṋe washu, iwe Mudzimu muhulwane, u a ofhisa, a u vhofhololi mulanga we wa vhofha, vhane vha u funa vha vhulunga ndaela dzau u vha itela vhuthu!

LUKASI 17:18

Khezwi hu si na o vhuyaho uri a livhuhe Mudzimu, arali e si uyu mutsinda!”

JOHANISI 9:24

Vha dovha vha vhidza uyo munna vha mu vhudzisa vha ri, “Ambani ngoho phanḓa ha Mudzimu! Riṋe ri ḓivha uri hoyo munna ndi mutshinyi.”

VHAROMA 10:10

Ri tenda nga mbilu ra pfi vhavhuya; ri bula nga mulomo ra tshidzwa.

2 TIMOTI 2:25

naho o ṱangana na vhahanedzi a ḓi vha vhuedzedza nḓilani nga vhulenda, ngauri Mudzimu a nga ḓi vha a tshi funa u vha laṱisa vhuvhi havho uri vha ḓivhe ngoho

TITOSI 2:2

Layani vhakalaha vha dzule vho dzivhuluwa, vha vhe na tshileme, vha ḓilange, vha nambatele lutendo lwone-lwone vhe na lufuno, vha tshi konḓelela.

JAKOPO 1:20

Hafhu muthu ó no sinyuwa ha tsha ita zwine Mudzimu a zwi funa.

JOSHUA 7:20

Akhani a fhindula a ri, “Ndi ngoho, ndo khakhela Muṋe washu Mudzimu wa Israele, zwe nda ita ngezwi.

NZUMBULULO 16:9

Vha fhiswa nga biso ḽi ofhisaho. Naho zwo ralo vha sema dzina ḽa Mudzimu a langaho ayo madambudzo, vha si rembuluwe, vha si mu rende.

1 SAMUELE 14:43

Ndi hone Saulo a tshi amba na Jonathani a ri, “Mmbudzeni tshe na ita.” Jonathani a mu vhudza a ri, “Ndo tou thetshela mutolinyana nga ṱhodzi ya mbaḓa yanga. Ndi a fa zwanga.”

1 SAMUELE 6:5

Vhumbani zwifanyiso zwa zwitshimbili na zwa mbevha dze dza tshinyekanya shango ḽashu, ni hulise Mudzimu wa Israele. Khamusi u ḓo sudzulusa tshanḓa tshawe kha inwi na kha midzimu yaṋu na shango ḽaṋu.