JOSHUA 7:13 - BIVHILI KHETHWA Mafhungo Madifha

¹³ Takuwa! Kumulula vhathu, u ite uri vha kone u ḓa phanḓa hanga. Vha vhudze vha ḓilugise matshelo, ngauri nga Yahavee Mudzimu wa Israele ndi ri: Inwi Vhaisraele, kha thundu dzaṋu ni na zwiṅwe zwithu zwe nda ri ni zwi lozwe! Ni nga si kone u imedzana na maswina aṋu ni sa athu laṱa zwithu hezwo!

JOSHUA 7:13 Iomraidhean Croise

GENESI 34:27

Vhaṅwe vhana vha Jakopo vha wela zwitumbu vha ṱangula muḓi, nge khaladzi avho a itwa zwi shonisaho.

2 KORONIKA 28:10

Zwino ni ṱoḓa u dzhia vhanna na vhasadzi vha Juda na Jerusalema na vha ita phuli dzaṋu. Hone a ni zwi ḓivhi uri na inwi no khakhela Muṋe washu Mudzimu waṋu naa?

MATIOSI 7:5

Muhoi ndiwe! Thoma u bvisa danda ḽi re iṱoni ḽau, ndi hone u tshi ḓo kona u vhona zwavhuḓi u tshi bvisa lufhanza lu re iṱoni ḽa muṅwe.

DOTORONOMIO 13:6

“Naho e mukomana wau ṅwana wa mme au, kana ṅwana wau we wa mu beba, kana musadzi wau, kana khonani yau ane wa mu funa unga iwe muṋe, arali a ḓa nga tshiphiri a ri, ‘Kha ri yo luvha midzimu isili,’ a tshi amba midzimu ye iwe na vhomakhulukuku wau na vha ni sa i ḓivhi,

JOSHUA 3:5

Joshua a dovha a vhudza vhathu a ri, “Ḓikumululeni Muṋe washu ngauri matshelo u ḓo ni itela maḓembe.”

JOSHUA 6:18

Hone inwi ni songo dzhia na tshithihi tshine tsha fanela u lozwiwa; arali na dzhia, ni ḓo vha no ḓivhangela khombo, vhathu vha mishasha ya Vhaisraele vha lozwiwa.

JOSHUA 7:11

Vhaisraele vho tshinya! Vho pfuka mulanga wanga we nda vha vhudza uri vha u vhulunge. Vho dzhia zwiṅwe zwithu zwe zwa pfi zwi kumedzwe Nṋe. Vho zwi tswa, vho zwifha, vha zwi ṱanganya na zwithu zwavho.