JOSHUA 7:1 - BIVHILI KHETHWA Mafhungo Madifha

¹ Muṋe washu a tshi laya Vhaisraele uri vha songo dzhia tshithu na tshithihi Jerikho tsho fanelaho u kumedzwa Ene, a vho ngo zwi tevhedza. Muṅwe munna ane a pfi Akhani o nyadza ndaela heyo, zwenezwo Muṋe washu a sinyutshela Vhaisraele. Akhani o vha e ṅwana wa Kharami, e muḓuhulu wa Zabadi, wa mutupo wa Zera, wa tsinde ḽa Juda.

JOSHUA 7:1 Iomraidhean Croise

GENESI 34:27

Vhaṅwe vhana vha Jakopo vha wela zwitumbu vha ṱangula muḓi, nge khaladzi avho a itwa zwi shonisaho.

2 SAMUELE 24:1

Muṋe washu a dovha a sinyutshela Israele, a rumeledza Dafita a ri, “Iyo vhala vhathu vha Israele na vha Juda.”

2 MAHOSI 5:24

Musi Gehasi a tshi swika tshikwarani, a dzhiela avho vhashumi izwo zwithu, a yo zwi vhea nḓuni yawe. Gehasi a fhelekedza avho vhanna vha ṱuwa.

1 KORONIKA 21:7

Ndaela iyo na Mudzimu o vhona yo vhifha, ndi zwe a rwa Vhaisraele.

2 KORONIKA 24:18

Vha ṱutshela thembele ya Muṋe washu Mudzimu wa vhokhotsi avho, vha yo luvha thanda dza Ashera mudzimu wa tshisadzi, na zwifanyiso. Mulandu wavho wa vhuvhi uho wa ita uri Mudzimu a sinyutshele Juda na Jerusalema.

ESRA 9:6

nda rabela nda ri, “Yawee Mudzimu wanga, ndi pfa ndo tou niwa nga ṱhoni, ndi shona na u u lavhelesa Mudzimu wanga, ngauri vhuvhi hashu vhu vho ri kumba, mulandu washu u swika makoleni.

JOBO 35:8

Vhuvhi havho vhu dina muthu a no nga vhone; vhuvhuya havho vhu tonda vhathu fhedzi.

MUFUNZI 9:18

Vhuṱali vhu fhira zwihali zwa nndwani, fhedzi mutshinyi muthihi u tshinya zwivhuya zwinzhi.

DANIELE 9:7

Iwe Muṋe washu a hu na he wa khakha, hone riṋe ṋamusi ro ambara ṱhoni, riṋe vhathu vha Juda, vhadzulapo vha Jerusalema, vha ḽoṱhe ḽa Israele, kule na tsini, mashangoni oṱhe he wa vha balanganyela hone nge wa vhona vha sa fulufhedzei.

LIVITIKO 10:6

Ndi hone Mushe a tshi vhudza Aroni na vhana vhawe vha vhatuka Eliasara na Ithamara a ri, “Ni songo litsha u gama mavhudzi aṋu kana na kherukanya zwiambaro zwaṋu u sumbedza uri ni zwililoni. Arali na ralo ni ḓo fa nahone Muṋe washu u ḓo sinyutshela vhathu vhoṱhe. Hone Vhaisraele vha haṋu vhoṱhe vha a tendelwa u lilela avha vhafu vho faho nga mulilo we wa ḓiswa nga Muṋe washu.

JONASI 1:7

Ndi hone vhatshimbidzi vha tshikepe vha tshi amba nga tshavho vha ri, “Iḓani ri ite madeṅwa ri vhone a no khou ri vhangela khombo heino.” Vha ita madeṅwa, ha mvaṱiwa Jonasi.

JOSHUA 22:16

vha tshi ambela vhathu vhoṱhe vha Muṋe washu, vha vha vhudza vha ri, “Ndi mini ni tshi khakhela Mudzimu wa Israele nga u ita tshivhi tsho raliho? No shandukela Muṋe washu nga u ḓifhaṱela aḽiṱari hei! A ni tsha mu tevhela!

JOSHUA 22:18

Zwino ni vho hana u mu tevhela naa? Arali na shandukela Muṋe washu ṋamusi, matshelo ha nga ḓo sinyutshela Vhaisraele vhoṱhe naa?

JOSHUA 22:20

Edzonu elelwa zwe Akhani ṅwana wa Zera a ita vhuvhi, a dzhia zwithu zwe ha pfi zwi lozwiwe. A si ene e eṱhe we a fela vhuvhi hawe, ho lifhedzwa vhathu vhoṱhe vha Israele.”