JOSHUA 6:5 - BIVHILI KHETHWA Mafhungo Madifha

⁵ Zwenezwo ni tshi pfa vha tshi lidza vha lidza luhuwa luthihi, vhanna vhoṱhe vha ṱavhe mukosi muhulu, mitsheṱo ya muḓi i ḓo wela fhasi. Zwenezwo mmbi yoṱhe i mbo ḓi livha muḓini i dzhene.”

JOSHUA 6:5 Iomraidhean Croise

EKISODA 19:19

Mubvumo wa phalaphala wa ḓi hula u tshi ya. Mushe a amba, Mudzimu a mu fhindula nga mubvumo.

YESAYA 25:12

U ḓo wisa mitsheṱo yavho milapfu yo khwaṱhaho, ye huru, a i hovha ya kunguluwa ya wela buseni.

YESAYA 30:25

Musi wa bulayo ḽihulu, mitsheṱo ya maswina i tshi thuthiwa, milambwana i ḓo tou gubunyea maḓi a tshi bva thavhani ndapfu dzoṱhe na miṱumbani ya zwivhanga.

JEREMIA 50:15

U ṱavheleni mukosi wa nndwa thungo dzoṱhe! U a luvha, thawara dzawo dzi a wa, mitsheṱo yawo yo thuthea. Vhunga iyi i ndifhedzo ya Yahavee, u lifhedzeni; u iteni zwe wone wa ita vhaṅwe.

VHAHEBERU 11:30

Zwo itwa nga lutendo Vhaisraele vho ri u mona na mitsheṱo ya Jerikho maḓuvha maṱanu na ḽithihi ya mbo ḓi ri huru fhasi.

JOSHUA 6:16

Vha tshi mona lwa vhuṱanu na vhuvhili, musi vhotshifhe vha tshi ṱoḓa u lidza phalaphala, Joshua a vhudza vhathu vhawe uri vha ṱavhe mukosi, a ri, “Muṋe washu o ni ṋea muḓi hoyu!

JOSHUA 6:20

Ndi hone vhotshifhe vha tshi lidza phalaphala. Vhaḽa vhathu vha ri u zwi pfa, vha mbo ṱavha mukosi muhulu, mitsheṱo ya wela fhasi. Zwenezwo mmbi yoṱhe ya gonya tshikwara ya dzhena muḓini, ya u thutha.

JOSHUA 6:4

U nange vhotshifhe vhaṱanu na vhavhili vha range phanḓa ha mbulungelo ya mulanga, muṅwe na muṅwe ó fara phalaphala. Nga ḓuvha ḽa vhuṱanu na vhuvhili iwe na vhahali vhau ni mone uyo muḓi kaṱanu na kavhili, vhotshifhe vha tshi khou lidza phalaphala dzavho.

JOSHUA 6:6

Joshua ṅwana wa Nunu a vhidza vhotshifhe a vha vhudza a ri, “Hwalani mbulungelo ya mulanga, vhaṱanu na vhavhili vhaṋu vha range phanḓa hayo vho fara phalaphala.”

VHARANGAPHANḒA 20:37

Havho vhanna vho ṱangana vha gidimela Gibia, vha balangana na muḓi, vha vhulaha vhathu vhoṱhe henefho.

1 SAMUELE 17:20

Dafita a fhinduwa, a sia nngu na mulisa, a hwala izwo zwiḽiwa, a tshimbila nga he a laiwa nga Isai. A swika mishashani musi mmbi i tshi khou bva i tshi yo ima vhuimoni hayo ha nndwa, i tshi khou ṱavha mukosi wa nndwa.

1 SAMUELE 17:52

Ndi hone vhanna vha Israele na Juda vha tshi takuwa vha ṱavha mukosi, vha pandamedza Vhafilista vha vha swikisa muṋangoni wa Gathi na khoroni dza Ekroni. Zwitumbu zwavho zwa rambalala na gondo ḽa Shaarimu u vhuya u swika Gathi na Ekroni.

1 SAMUELE 4:5

Musi mbulungelo ya mulanga ya Muṋe washu i tshi dzhena mishashani, Vhaisraele vhoṱhe vha ṱavha mukosi mavu a tou dzinginyea.