JOSHUA 6:4 - BIVHILI KHETHWA Mafhungo Madifha

⁴ U nange vhotshifhe vhaṱanu na vhavhili vha range phanḓa ha mbulungelo ya mulanga, muṅwe na muṅwe ó fara phalaphala. Nga ḓuvha ḽa vhuṱanu na vhuvhili iwe na vhahali vhau ni mone uyo muḓi kaṱanu na kavhili, vhotshifhe vha tshi khou lidza phalaphala dzavho.

JOSHUA 6:4 Iomraidhean Croise

GENESI 2:3

Mudzimu a ri ḓuvha ḽa vhuṱanu na vhuvhili ḽi vhe na mashudu, ḽi vhe ḽikhethwa, nge a awela ngaḽo ó fhedza mushumo wawe woṱhe wa u sika.

1 MAHOSI 18:43

Elia a vhudza mushumi wawe a ri, “Iyani ni sedze siani ḽa lwanzhe.” Mushumi wawe a gonya a sedza, a tshi vhuya a ri, “A hu na tshithu.” Elia a vhudza mushumi wawe a ita kaṱanu na kavhili a tshi ḓi ri, “Humani ni yo sedza.”

2 MAHOSI 5:10

Elisha a ruma muḓinḓa a swika a mu vhudza a ri, “Nga vha ye mulamboni wa Jorodani vha ṱambe kaṱanu na kavhili, vhulwadze havho vhu ḓo fhola tshoṱhe.”

2 MAHOSI 5:14

Ndi hone Naamani a tshi tsela Jorodani a ṱamba kaṱanu na kavhili, nga he muḓinḓa wa Mudzimu a mu vhudza, a mbo ḓi fhola tshoṱhe, lukanda lwawe lwa tou kuna unga lwa mutukana muṱuku.

2 KORONIKA 13:12

Mudzimu u na riṋe, ndi Ene murangaphanḓa washu. Vhotshifhe vhawe vha ḓo lidza phalaphala dzavho dza nndwa ra lwa na inwi. Inwi vhanna vha Israele, ni songo lwa na Muṋe washu Mudzimu wa vhokhotsi aṋu, ni ḓo kundwa.”

2 KORONIKA 20:17

Nndwa iyo a ni nga ḓo i lwa. Imani vhuimoni haṋu, ni ime no khwaṱha, ni vhone Yahavee a tshi ni lamulela. Inwi vha Juda na Jerusalema ni songo ofha tshithu, ni songo kulea nungo. Matshelo ni bve ni yo livhana navho, Yahavee u ḓo vha na inwi.’ ”

2 KORONIKA 20:19

Ndi hone vhaṅwe Vhalivi vha mutupo wa Kehathi na Kora vha tshi takuwa vha renda Muṋe washu Mudzimu wa Israele, vha tshi tou ṱavha mukosi.

2 KORONIKA 20:21

Josafati musi o no eletshedza vhathu, a vhea vhanna vhane vha ḓo imbela Muṋe washu, vha tshi renda vhugala ha vhukhethwa hawe, vho ranga mmbi phanḓa vha tshi ri, “Nga hu rendwe Muṋe washu! Lufuno lwawe a lu shanduki!”

JOBO 42:8

Zwino vhonani! Dzhiani mboho ṱhanu na mbili na thutha ṱhanu na mbili, ni ye ha mulanda wanga Jobo, ni ṋekedze tshiṱhavhelo tsho fhiswaho ni tshi itela inwi vhaṋe. Mulanda wanga Jobo u ḓo ni rabelela; Nṋe ndi ḓo ṱanganedza thabelo yawe, nda si tsha ni lifhedzela vhutsilu haṋu; ni tshi nnyamba a no ngo amba zwi re zwone, we a amba zwi re zwone ndi mulanda wanga Jobo.”

YESAYA 27:13

Musi wonoyo hu ḓo lidzwa phalaphala khulu i tshi vhidza Vhaisraele vho fhalalelaho Ashuru na vho thathelwaho Egipita uri vha vhuye hayani, vha luvhe Muṋe washu Jerusalema, thavhani yawe khethwa.

LIVITIKO 14:16

a ṋanga munwe wa musumbavhaloi wa tshanḓa tshawe tshauḽa khao, a handulula kaṱanu na kavhili henefho phanḓa ha Muṋe washu.

LIVITIKO 4:6

Nga a ṋange ayo malofha nga munwe wawe a a shashe phanḓa ha pesa ḽa lupila lukhethwa kaṱanu na kavhili.

ZAKARIA 4:2

A mmbudzisa a ri, “U khou vhona mini?” Nṋe nda fhindula nda ri, “Ndi khou vhona tshivheambone tsha musuku tshoṱhe, nṱha hatsho hu na mudzio wa mapfura, tshi na mbone ṱhanu na mbili, luvhone luṅwe na luṅwe lu na thambo ṱhanu na mbili.

ZAKARIA 4:6

Ndi hone muruṅwa a tshi amba na nṋe a ri, “Heḽi ndi ipfi ḽa Muṋe washu ḽi no amba na Zerubabele ḽi ri, “ ‘A ni nga zwi koni nga maanḓa a mmbi kana nga nungo dzaṋu, zwi ḓo itwa nga Muya wanga,’ hu amba Yahavee Mulangazwoṱhe.

NUMERI 23:1

Biliamu a amba na Balaka a ri, “Nga vha mphaṱele aḽiṱari ṱhanu na mbili fhano, vha nnḓisele mboho ṱhanu na mbili na thutha ṱhanu na mbili.”

JOSHUA 6:3

Iwe na vhahali vhau ni mone uyo muḓi kathihi nga ḓuvha ni fhedze maḓuvha maṱanu na ḽithihi.

JOSHUA 6:5

Zwenezwo ni tshi pfa vha tshi lidza vha lidza luhuwa luthihi, vhanna vhoṱhe vha ṱavhe mukosi muhulu, mitsheṱo ya muḓi i ḓo wela fhasi. Zwenezwo mmbi yoṱhe i mbo ḓi livha muḓini i dzhene.”

NZUMBULULO 1:20

Wo vhona ndo fara ṋaledzi ṱhanu na mbili nga tshanḓa tshauḽa, wa dovha wa vhona zwivheambone zwiṱanu na zwivhili zwa musuku. Ṱhalutshedzo ya tshiphiri itsho asiyi: ṋaledzi ṱhanu na mbili dzi amba vhaḓinḓa vha Mudzimu vha re zwivhidzoni zwiṱanu na zwivhili; zwiḽa zwivheambone zwiṱanu na zwivhili ndi zwivhidzo zwenezwo.

NZUMBULULO 1:4

Ndi nṋe Johanisi, ndi ṅwalela zwivhidzo zwa 7 zwi re vunduni ḽa Asia. Ndi a ni resha ndi ri: Ngavhe Mudzimu a tshi ni itela vhuthu na vha na mulalo – Ene A RE HONE, we a vha e hone, ane a khou ḓa, na mimuya miṱanu na mivhili i re phanḓa ha khuluṋoni yawe,

NZUMBULULO 10:3

A vhidzelela nga ipfi ḽihulu ḽi vhombaho sa ndau. O no vhidzelela ha fhindula mibvumo miṱanu na mivhili.

NZUMBULULO 15:1

Nda vhona tshiṅwe tshiga tshihulu tshi kanukisaho ngei makoleni: ho vha hu na vharuṅwa vhaṱanu na vhavhili vho fara madambudzo maṱanu na mavhili a u fhiledza a u khunyeledza ṱhamu dza Mudzimu.

NZUMBULULO 15:7

Ndi hone tshiṅwe tsha zwivhumbwa zwiḽa zwi tshilaho zwiṋa tshi tshi ṋea vhaḽa vharuṅwa vhaṱanu na vhavhili madzhomela maṱanu na mavhili a musuku o ḓalaho ṱhamu dza Mudzimu, Ene a tshilaho lini na lini.

NZUMBULULO 16:1

Nda pfa ipfi ḽihulu ḽi tshi bva denndeni ya Mudzimu ḽi tshi amba na vhaḽa vharuṅwa vhaṱanu na vhavhili ḽi tshi ri, “Ayo madzhomela maṱanu na mavhili o ḓalaho ṱhamu dza Mudzimu iyani u a shululela shangoni!”

NZUMBULULO 5:1

Nda vhona o dzulaho kha khuluṋoni o fara bugu tshanḓani tshauḽa, yo ṅwalwa nga nnḓa na nga ngomu, yo valwa ya vhoxwa nga mapfundo maṱanu na mavhili.

NZUMBULULO 5:6

Ndi hone ndi tshi vhona Ngwana i no nga yo ṱhavhiwa yo ima phanḓa ha khuluṋoni yo tangwa nga zwiḽa zwivhumbwa zwi tshilaho zwiṋa na vhaḽa vhahulwane. Yo vha i na ṋanga ṱhanu na mbili na maṱo maṱanu na mavhili. Ayo maṱo ndi mimuya miṱanu na mivhili ya Mudzimu yo rumiwaho shangoni ḽoṱhe.

NZUMBULULO 8:2

Nda vhona vharuṅwa vhaṱanu na vhavhili vho imaho phanḓa ha Mudzimu vha tshi ṋewa phalaphala ṱhanu na mbili.

NZUMBULULO 8:6

Zwenezwo vhaḽa vharuṅwa vhaṱanu na vhavhili vho faraho phalaphala ṱhanu na mbili vha ḓilugisela u dzi lidza.