JOSHUA 6:22 - BIVHILI KHETHWA Mafhungo Madifha

²² Ndi hone Joshua a tshi vhudza vhaḽa vhanna vhavhili vhe vha vha vhe dziṱholi a ri, “Dzhenani nḓuni ya iḽa phombwe ni mu bvise na muṱa wawe, nga he na mu fulufhedzisa.”

JOSHUA 6:22 Iomraidhean Croise

2 SAMUELE 21:2

Khosi ya vhidzisa Vhagibioni ya amba navho. Vhagibioni vho vha vha si Vhaisraele, vho vha vhe tsalela dza Vhaamori vhe Vhaisraele vha fulufhedzisa nga muano uri vha nga si vha vhulahe, hone Saulo a linga u vha lozwa nge mbilu yawe ya vha i tshi swela Vhaisraele na Vhajuda.

2 SAMUELE 21:7

Khosi ya khathutshela Miribaali ṅwana wa Jonathani, ṅwana wa Saulo, nge Dafita na Jonathani ṅwana wa Saulo vha vha vho anelana phanḓa ha Muṋe washu.

DZIPHISALEMA 15:4

Vho landulwaho nga Mudzimu ú a vha nyadza, tshawe ndi u hulisa vha ofhaho Muṋe washu, zwe a amba u a zwi ita, naho zwi tshi vho konḓa.

ESEKIELE 17:13

A dzhia muṅwe wa vhakololo a vhofha mulanga nae, a mu anisa uri a mu luvhe; izwo ndi musi o no thuba vhaḓivhalea vha iḽo shango,

ESEKIELE 17:16

Nga vhutshilo hanga – hu amba Nṋe Muṋe wa zwoṱhe Yahavee – u ḓo fela henefho Babele, shangoni ḽa khosi yo mu vheaho kha khuluṋoni ene a si tsha londa muano wawe, a vho tshinya mulanga wawe.

VHAHEBERU 11:31

Ndi nga lutendo Rahaba uḽa wa phombwe o ponyoka lufu lwa vha nyadzaho Mudzimu, nge a swielela dziḽa ṱholi nga mbilu tshena.

JOSHUA 6:17

Uyu muḓi na zwoṱhe zwi re ngomu hawo zwo fanela u lozwiwa tshoṱhe, zwi vhe nduvho ya Muṋe washu. Hu sale Rahaba wa phombwe na muṱa wawe fhedzi, nge a dzumba ṱholi dzashu.

JOSHUA 6:23

Vha ya vha bvisa Rahaba khathihi na khotsi awe na mme awe na khaladzi dzawe na muṱa wawe woṱhe. Vha vha dzhia vhoṱhe, muṱa na dziphuli, vha vha isa he vha tsireledzea tsini ha mishasha ya Vhaisraele.

JOSHUA 9:15

Joshua a vhofha mulanga wa vhukonani na vhathu vha Gibioni, a vha tendela uri vha tshile. Vharangaphanḓa vha vhathu vha Israele vha fulufhedzisa nga muano uri vha ḓo vhulunga uyo mulanga.

VHARANGAPHANḒA 1:25

Uyo munna a vha sumbedza, vhathu vha Efraimi na Manase vha vhulaha vhathu vhoṱhe afho muḓini, vha litsha uyo munna na muṱa wawe.