JOSHUA 6:21 - BIVHILI KHETHWA Mafhungo Madifha

²¹ Vha vhulaha vhoṱhe vha re afho muḓini nga mafumo avho, vhanna na vhasadzi, vhaṱuku na vhahulwane, vha vhulaha na kholomo na nngu na donngi.

JOSHUA 6:21 Iomraidhean Croise

1 MAHOSI 20:42

Muporofita a vhudza khosi a ri, “Muṋe washu u ri, ‘Wo vhofholola munna we nda ri a vhulawe. Zwenezwo u ḓo lifha vhutshilo hawe nga ṱhoho yau, wa lifha vhathu vhawe nga vhathu vhau.’ ”

JEREMIA 48:18

“Inwi vhathu vha Diboni, itsani kha vhugala haṋu, dzulani fhasi mavuni o omaho; mulozwi wa Muaba u ḓo ni ḓela, a phusukanya miḓi yau ya vhushavhelo.

DOTORONOMIO 13:16

Thundu dzoṱhe dze na wana khawo ni dzi kuvhanganye vanḓani ḽa muḓi ni dzi fhise nga mulilo. Ngauralo ni ḓo vha no ita muḓi na thundu dzawo dzoṱhe nduvho ine na kumedza Muṋe washu Mudzimu waṋu; a u tsha ḓo dovha wa vuswa, u ḓo dzula u matumba lini na lini.

DOTORONOMIO 2:34

ra dzhia miḓi yawe yoṱhe nga tshifhinga tshenetsho, miḓi yoṱhe ra i kumedza Muṋe washu nga u i thutha, ra si litshe na munna na muthihi kana musadzi kana ṅwana á songo vhulawa.

DOTORONOMIO 7:16

Hone tshakha dzoṱhe dzine Muṋe washu a ḓo ni kumedza dzone ni pfi ni dzi lozwe; ni songo dzi khathutshela, ni songo luvha midzimu yadzo, i sa ḓo vha tshikwekwe tsha u ni fasha.

JOSHUA 10:28

Musi wonoyo Joshua a dia muḓi wa Makeda, a thuba na khosi yawo. A vhulaha vhathu vhoṱhe afho muḓini, ha si vhe na we a siwa a tshi tshila. Khosi ya Makeda a i ita zwe a ita khosi ya Jerikho.

JOSHUA 10:39

A u thuba na khosi yawo khathihi na ḓorobo dza henefho tsini. Vho vhulaha vhathu vhoṱhe henefho. Joshua a ita Debiri na khosi yawo zwe a ita Hebroni na Libina na khosi yawo.

JOSHUA 11:11

Henefho vha vhulaha vhathu vhoṱhe, ha si vhe na we a siwa a tshi tshila, uyo muḓi wa fhiswa we lore.

JOSHUA 11:14

Vhaisraele vho dzhia zwoṱhe zwa mutengo muhulu na kholomo miḓini heyo, zwa vha zwavho. Hone vhathu vhayo vho vha vhulaha vhoṱhe, ha si vhe na we a siwa a tshi tshila.

JOSHUA 8:2

U ite muḓi wa Ai na khosi yawo zwenezwiḽa zwe wa ita muḓi wa Jerikho na khosi yawo, hone zwino, ni nga ḓi dzhia thundu dzawo na zwifuwo zwa vha zwaṋu. Ḓilugiseni uri ni lalele muḓi uyo vhá songo vhuya vha humbula, ni vha ḓe nga murahu.”

JOSHUA 8:22

Vhaisraele vhe vha vha vhe ngomu muḓini zwino vha tsela fhasi vha ḓibaḓekanya na iyo mmbi. Zwenezwo vhanna vha Ai vha wana vho tangwa tshoṱhe nga Vhaisraele, vha vhulawa vhoṱhe. A hu na we a ponyoka, a hu na we a tshila,

JOSHUA 9:3

Vhahivi vha Gibioni vha pfa zwe Joshua a ita Jerikho na Ai,

NZUMBULULO 18:21

Zwenezwo muṅwe muruṅwa wa maanḓa a doba tombo ḽi linganaho na guyo ḽihulu a ḽi posa lwanzheni a ri, “Muḓi muhulu wa Babele u ḓo lozwiwa lwa tshiṱuhu nga u tou rali u si tsha dovha wa vhonala.

1 SAMUELE 15:3

Zwino iyani ni yo dia Vhaamaleke, ni phusukanye zwoṱhe zwine zwa vha zwavho. Ni songo sia tshithu, ni vhulahe vhanna na vhasadzi na vhana na dzitshetshe na kholomo na nngu na gamela na donngi.’ ”

1 SAMUELE 15:8

Saulo a fara Agaga khosi ya Vhaamaleke a si mu vhulahe, vhathu vhawe vhoṱhe a vha lozwa nga pfumo.