JOSHUA 6:19 - BIVHILI KHETHWA Mafhungo Madifha

¹⁹ Zwithu zwoṱhe zwo itwaho nga siliva na musuku na musinaseṱha na tsimbi ya ngweḓi zwi vhetshelwe thungo, ndi zwa Muṋe washu. Zwi vhulungwe tshisikuni tsha lupfumo tsha Muṋe washu.”

JOSHUA 6:19 Iomraidhean Croise

2 SAMUELE 8:11

Khosi Dafita a kumedza Muṋe washu idzo nduvho, sa zwe a ita nga siliva na musuku zwi no bva kha tshakha dzoṱhe dze a dzi kunda,

1 MAHOSI 14:26

A hwala lupfumo lwoṱhe lwa thembele ya Muṋe washu na lupfumo lwa pfamo ya musanda a ṱuwa nalwo. A dzhia zwoṱhe, na zwiṱangu zwa musuku zwe zwa itwa nga Solomoni.

1 MAHOSI 7:51

Musi khosi Solomoni o vuledza mushumo woṱhe wa thembele ya Muṋe washu, a dzhenisa zwithu zwe khotsi awe Dafita a vha o zwi kumedza Mudzimu, siliva na musuku na thundu, a zwi vhea mbulungeloni dza thembele ya Muṋe washu.

2 MAHOSI 24:13

A dzhia lupfumo lwoṱhe lu re thembeleni ya Muṋe washu na pfamoni ya musanda, a hwala zwithu zwoṱhe zwa musuku zwe Solomoni khosi ya Juda a zwi itela thembele ya Muṋe washu, nga he Muṋe washu a dzula o ḓivhadza.

1 KORONIKA 18:11

Khosi Dafita a kumedza Muṋe washu izwo zwithu sa zwe a ita nga siliva na musuku zwe a zwi dzhiela tshakha dzoṱhe dze a dzi kunda, dza Edomo na Muaba na Amoni na Filista na Amaleke.

1 KORONIKA 26:20

Vhaṅwe vha Vhalivi vha havho vho vha vha tshi londola tshisiku tsha thembele ya Mudzimu na nnḓu dza mbulungelo dza nduvho dzo kumedzwaho Mudzimu.

1 KORONIKA 26:26

Shelomithi na mashaka awe vho vha vha tshi londola nduvho dzoṱhe dzo kumedzwaho Mudzimu nga khosi Dafita na ṱhoho dza miṱa na vhalangammbi na vhalangagomane na vhaṅwe vhahulwane vha mmbi.

1 KORONIKA 26:27

Vha dzhia iṅwe thundu yo thubiwaho nndwani vha i kumedza uri i vuse thembele ya Muṋe washu.

1 KORONIKA 26:28

Shelomithi na mashaka awe vho vha vha tshi londola zwoṱhe zwo kumedzwaho uri zwi shume thembeleni, hu tshi angaredzwa zwifhiwa zwo ḓiswaho nga muporofita Samuele na nga Saulo ṅwana wa Kishi na nga Abinere ṅwana wa Nere na nga Juaba ṅwana wa Tseruya.

1 KORONIKA 28:12

A mu ṋea pulani ya zwoṱhe zwe zwa vha zwi mbiluni yawe zwa miṱa ya thembele ya Muṋe washu na phera dzoṱhe u mona nayo, zwone zwisiku zwa thembele ya Mudzimu na mbulungelo ya zwithu zwo kumedzwaho Mudzimu.

2 KORONIKA 15:18

Asa a dzhia siliva na musuku na zwithu zwe khotsi awe Abia vha vha vho zwi kumedza Mudzimu a zwi vhea thembeleni ya Mudzimu, ene a engedza dziṅwe khazwo.

2 KORONIKA 31:12

Ndi hone vha tshi dzudzanya mitendelo nga u fulufhedzea, khathihi na tshafumi na zwifhiwa zwo kumedzwaho Mudzimu. Mulangi wa izwo zwithu o vha e Mulivi we a vha a tshi pfi Khonania, tshanḓa tshawe e Shimei murathu wawe,

NEHEMIA 10:38

Vhotshifhe vhane vha vha vha lutsinga lwa Aroni vho fanela u vha vhe na Vhalivi musi hu tshi bviswa tshafumi, Vhalivi vho fanela u dzhia tshafumi kha zwafumi zwoṱhe zwe zwa bvisiwa, tshi tshi dzhiwa kha tshisiku tsha thembele, tshi shumiswe thembeleni ya Mudzimu washu.

JEREMIA 38:11

Ebede Melekhe a mbo ḓi dzhia vhaḽa vhanna a ṱuwa navho, a livha lufherani lwa mbulungelo ya pfamo. A dzhia malakanṱhana na madzanganda henefho, a zwi tsisa nga thambo zwa tsela ha Jeremia dindini.

LIVITIKO 19:24

Nga ṅwaha wa vhuṋa mitshelo yoṱhe i ḓo kumedzwa ya vha nduvho ya mutendelo wa Nṋe Yahavee.

MIKA 4:13

Yahavee u ri, ‘Hee ṅwananyana Tsioni, takuwa u fhule! Ndi ḓo u ṋea ṋanga dza tsimbi, nda u fha khwanḓa dza musinaseṱha, wa kandekanya tshakha nnzhi. Zwe vha thuba u ḓo zwi kumedza Yahavee, lupfumo lwavho wa lu ṋekedza Muṋe wa ḽifhasi ḽoṱhe.’ ”

NUMERI 31:11

Vha dzhia thundu yoṱhe ye vha i thuba, khathihi na vhathu na zwifuwo,

NUMERI 31:12

vha zwi isa ha Mushe na tshifhe Eliasara na vhathu vha Israele vhe mishashani, midavhini ya Muaba tsini ha Jorodani u livhana na Jerikho.

NUMERI 31:22

Tshiṅwe na tshiṅwe tshi sa swi, tshi no nga musuku na siliva na musinaseṱha na tsimbi na thini na mutobvu, tsho fanela u bviswa tshika nga u tshi vhavha nga mulilo. Zwiṅwe zwoṱhe ni zwi ṱanzwe nga maḓi, ndi hone zwi tshi ḓo vha zwo kumululwa.

MATIOSI 27:6

Vhotshifhe vhahulwane vha dobela iḽa tshelede vha ri, “Iyi tshelede a ro ngo tendelwa u i longa bogisini ḽa mitendelo ngauri yo renga malofha.”

MARKOSI 12:41

Yesu a dzula thembeleni, tsini ha bogisi ḽa zwifhiwa, a tshi khou lavhelesa vhathu vha tshi khou longa tshelede dzavho. Ha ḓa vhanzhi vho pfumaho vha longa tshelede nnzhi.

JOSHUA 7:11

Vhaisraele vho tshinya! Vho pfuka mulanga wanga we nda vha vhudza uri vha u vhulunge. Vho dzhia zwiṅwe zwithu zwe zwa pfi zwi kumedzwe Nṋe. Vho zwi tswa, vho zwifha, vha zwi ṱanganya na zwithu zwavho.